சென்னை, ஜன. 1–
முதலமைச்சர் மு.க. ஸ்டாலின் அவர்களின் வழிகாட்டுதலின்படி, இந்து சமய அறநிலையத்துறை அமைச்சர் பி.கே.சேகர்பாபு நேற்று (31.12..2024) திருச்செந்தூர் அருள்மிகு சுப்பிரமணிய சுவாமி திருக்கோ யிலில் பெருந்திட்ட வரைவின் கீழ். ஹெச்.சி.எல். நிறுவனம் மற்றும் திருக்கோயில் நிதியின் மூலம் ரூ. 306.35 கோடி மதிப்பீட்டில் நடைபெற்று வரும் திருப்பணி களை நேரில் பார்வையிட்டு ஆய்வு செய்தார்.
பின்னர், இந்து சமய அறநிலையத்துறை அமைச்சர் பி.கே.சேகர்பாபு செய்தியாளர்களிடம் தெரிவித்ததாவது,
திருச்செந்தூர் அருள்மிகு சுப்பிரமணிய சுவாமி திருக்கோயிலில் பெருந்திட்ட வரைவின்கீழ், ரூ. 306.35 கோடி மதிப்பீட்டில் திருப்பணிகள் நடைபெற்று வருகின்றன. அதில் ஹெச்.சி.எல். நிறுவனத்தின் மூலம் 20 பணிகள் மேற்கொள்ளப்பட்டதில் 3 பணிகள் நிறைவு பெற்று திறந்து வைக்கப்பட்டுள்ளது. இராஜகோபுர பணியானது விரைவுபடுத்தப்பட்டு முடிவடையும் நிலையில் உள்ளது. வருகின்ற 20ஆம் தேதி 7 கோபுரங்களின் கட்டுமானப் பணிக்கான பாலாலயம் நடைபெற உள்ளது. இத்திருக்கோயிலின் பெருந்திட்ட வரைவு திட்டத்தி ன்படி, பக்தர்கள் தங்குவதற்காக 172 அறைகள் கட்டப்பட உள்ளன. அதில் ஏ மற்றும் பி பிளாக்கில் தற்போது 56 தங்கும் அறைகளுக்கான கட்டுமானப் பணிகள் நடைபெற்று வருகின்றன. இப்பணிகள் வரும் மார்ச் மாதத்திற்குள் நிறைவு செய்து தமிழ்நாடு முதலமைச்சர் அவர்களால் திறந்து வைக்கப்படும்.
திருச்செந்தூர் திருக்கோயிலில் ஒட்டுமொத்தமாக 43 திருப்பணிகள் நடைபெற்று வந்தாலும், ஒவ்வொரு பணிகளும் நிறைவுறும் போது பக்தர்களின் நலன் கருதி அவ்வபோது திறக்கப்பட்டு வருகின்றன. இத்திருக்கோயிலுக்கு வருகின்ற 2025 ஜுலை 7 அன்று குடமுழுக்கு நடத்திட தீர்மானிக்கப்பட்டு அனைத்து திருப்பணிகளும் விரைவுபடுத்தப்பட்டு வருகின்றன. முன்பெல்லாம் வட மாநிலத்தில் வாரணாசி போன்ற பகுதிகளில்தான் பக்தர்களுக்கான அனைத்து வசதிகளுடன் பணிகள் நிறைவேற்றப்பட்டதாக கூறுவார்கள். ஆனால் தமிழ்நாடு முதலமைச்சர் தலைமையிலான திராவிட மாடல் ஆட்சி பொறுப்பேற்ற பின், 28.09.2022 அன்று அடிக்கல் நாட்டப்பட்ட இத்திருக்கோயில் திருப்பணிகள் தரத்தோடும், சிறப்போடும் எட்டுக்கால் பாய்ச்சலில் நடைபெற்றுவருகிறது. இப்பணிகள் அனைத்தும் நிறைவடையும் போது ஆன்மிகத்துக்கென்று திராவிட மாடல் ஆட்சியின் அடையாளமாக திருச்செந்தூர் திருக்கோயில் பணிகள் அமையும் என்பதனை மகிழ்ச்சியோடு தெரிவித்துக் கொள்கிறேன்.
இத்திருப்பணிகளில் ஹெச்.சி.எல். நிறுவனம் எடுத்துக் கொண்ட பணிகளில் 60 சதவீதமும், திருக்கோயில் சார்பில் நடைபெற்று வரும் பணிகள் 43 சதவீதமும் முடிந்திருக்கிறது. 2025 ஆம் ஆண்டு இறுதிக்குள் அனைத்து திருப்பணி களும் நிறைவு செய்யப்படும். இத்திருப்பணிகளை மேற்கொண்டு வரும் ஒப்பந்தகாரர்களும் இறை நம்பிக்கையோடு, இலாப நோக்கமின்றி, தரத்தோடு, முழுவீச்சில் பணிகளை செய்து வருகின்றார்கள். திருக்கோயிலுக்கு வருகை தரும் சாலைகளை மேம்பாடு செய்வதற்கு சம்பந்தப்பட்ட துறை அலுவலர்களுடன் ஆய்வினை நடத்தியு ள்ளோம். அதற்கான நிதியினை சம்பந்தப்பட்ட துறையிலிருந்து பெற்று, அப்பணிகளையும் விரைவுபடுத்துவோம்.
திராவிட மாடல் அரசானது எல்லோருக்கும் எல்லாம் என்ற வகையில் செயலாற்றி வருகிறது. முத்தமிழறிஞர் கலைஞர் அவர்களால் தோற்றுவிக்கப்பட்ட அய்யன் திருவள்ளு வர் சிலைக்கு இன்றைய தினம் முதலமைச்சர் 25 ஆம் ஆண்டு விழாவை சிறப்போடு கன்னியாகுமரியில் நடத்தினார்கள். திருவள்ளு வர் அனைவருக்கும் பொதுவானவரை போல முதலமைச்சர் அவர்களும் அனைவருக்கும் பொதுவானவர். அவரது பணிச்சுமையை பொறுத்து இந்தப் பணிகளை பார்வையிடுவதற்கான வாய்ப்புகளும் இருக்கின்றன.
பக்தர்களின் சிரமங்களை உணர்ந்ததால்தான் பெருந்திட்ட வரைவின் மூலம் இப்படிப்பட்ட திருப்பணி களை கொண்டு வந்தோம். திருப்பணிகள் நடைபெற்று வருவதால் குறைவான இடத்தில் ஆகம விதிக ளுக்குட்பட்டு, அர்ச்சகர்களுடன் கலந்து பேசி, பக்தர்கள் இலகுவாக தரிசனம் செய்வதற்கு அனைத்து வசதிகளையும் இந்து சமய அறநிலையத்துறை மேற்கொள்ளும். அர்ச்சகர்களும் அதற்கு உறுதுணையாக இருந்து பணியாற்றிட வேண்டும் என கேட்டுக் கொள்கிறேன்.
உலகப் பொதுமறை தந்த அய்யன் திருவள்ளுவர் தந்த அனைத்து மதத்தினரும் ஏற்றுக்கொள்ளக்கூடிய கருத்துகளை தெரிவித்திருக்கும் திருக்குறளை திருக்கோயி ல்களில் படிப்பது குறித்து முதலமைச்சர் அவர்களின் மேலான கவனத்திற்கு கொண்டு சென்று, வாய்ப்பிருக்கும் சூழலில் அதனை ஏற்படுத்துவோம் என்று தெரிவித்தார்.
இந்த ஆய்வின்போது திருக்கோயில் செயல் அலுவலர்/ இணை ஆணையர் ஞானசேகரன், உள்ளாட்சி அமைப்புகளின் பிரதிநிதி கள் மற்றும் அலுவலர்கள் கலந்து கொண்டனர்.