சென்னை, ஜன.1–

திருக்­கு­றள் ஓலைச்­சு­வ­டி­கள், புத்­த­கங்­கள், மின்­நூல்­கள் மற்­றும் திரு­வள்­ளு­வர் சிலை பற்­றிய புகைப்­ப­டக் கண்­காட்­சியை திறந்து வைத்தும் அய்­யன் திரு­வள்­ளு­வர் திரு­வு­ரு­வச் சிலை வெள்ளி விழா சிறப்பு மலரை வெளி­யிட்­டும், அய்­யன் திருவள்­ளு­வர் திரு­வு­ரு­வச்­சிலை வெள்ளி விழா வளை­விற்கு அடிக்­கல் நாட்­டி­யும், திருக்­கு­றள் சார்ந்த போட்­டி­க­ளில் வெற்றி பெற்ற மாணவ, மாண­வி­யர்­க­ளுக்கு முத­ல­மைச்­சர் மு.க.ஸ்டாலின் அவர்­கள் பரி­சுத் தொகை வழங்கி சிறப்­பித்­தார்.

இது பற்­றிய விவ­ரம் வரு­மாறு:–

முத­ல­மைச்­சர் மு.க.ஸ்டாலின் அவர்­கள் நேற்று (31.12.2024) கன்­னி­யா­ கு­ம­ரி­யில், முக்­க­டல் சூழும் குமரி முனை­யில் அய்­யன் திரு­வள்­ளு­வர் சிலை வெள்ளி விழா­வில், திருக்­கு­றள் ஓலைச்­சு­வ­டி­கள், புத்­த­கங்­கள், மின்­நூல்­கள் மற்­றும் திரு­வள்­ளு­வர் சிலை பற்­றிய புகைப்­ப­டக் கண்­காட்­சியை திறந்து வைத்து, செய்தி மக்­கள் தொடர்­புத்­துறை சார்­பில் தயா­ரிக்­கப்­பட்ட அய்­யன் திரு­வள்­ளு­வர் திரு­வு­ரு­வச் சிலை வெள்ளி விழா சிறப்பு மல­ரினை வெளி­யிட்­டார்.

மேலும், கன்­னி­யா­கு­மரி பேரூ­ராட்­சி­யில் 44 இலட்­சம் ரூபாய் செல­வில் புதுப்­பிக்­கப்­பட்ட அய்­யன் திரு­வள்­ளு­வர் போக்­கு­வ­ரத்து தீவுப்பூங்­காவை திறந்து வைத்து, 1.45 கோடி ரூபாய் மதிப்­பீட்­டில் அமைக்­கப்­ப­ட­வுள்ள அய்­யன் திரு­வள்­ளு­வர் திரு­வு­ரு­வச்­சிலை வெள்ளி விழா வளை­விற்கு அடிக்­கல் நாட்டி, கன்­னி­யா­கு­மரி கடற்­கரை சாலைக்கு அய்­யன் திரு­வள்­ளு­வர் சாலை எனப் பெயர் சூட்டி, திருக்­கு­றள் சார்ந்த போட்­டி­க­ளில் வெற்றி பெற்ற மாணவ, மாண­வி­யர்­க­ளுக்கு பரி­சு­களை வழங்­கி­னார்.

இந்­தி­யத்­து­ணைக் கண்­டத்­தின் வடக்கே அமைந்­துள்ள வானு­யர்ந்த இம­ய­ம­லைக்கு நிக­ராக, தென்­கோடி கும­ரி­மு­னை­யில் கடல் அலை­கள் தாலாட்­டும் கும­ரிக்­க­டல் நடுவே அய்­யன் திரு­வள்­ளு­வர் அவர்­க­ளுக்கு 133 அடி­யில் சிலை அமைத்து 1.1.2000 அன்று முத்­த­மி­ழ­றி­ஞர் கலை­ஞர் அவர்­கள் திறந்து வைத்து, வள்­ளு­வ­ரின் வானு­யர் புக­ழுக்­குச் சாட்­சி­யாக திகழ்ந்­தார்.

கலை நுணுக்­கத்­தோடு பார்­போற்­றும் வகை­யில் விண்­ணைத்­தொ­டும் வண்­ணம் உயர்ந்து நிற்­கின்ற பெரு­மை­மிகு திரு­வள்­ளு­வர் சிலை வெள்ளி விழா காண்­ப­தை­யொட்டி வரும் டிசம்­பர் 30-ஆம் தேதி முதல் ஜன­வரி 1-ஆம் தேதி வரை தமிழ்­நாடு அர­சின் சார்­பில் பெரு­விழா கொண்­டா­டப்­ப­டும் என்று முத­ல­மைச்­சர் மு.க. ஸ்டாலின் அவர்­கள் 12.11.2024 அன்று அறி­வித்­தார்.

அதன்­படி, அய்­யன் திரு­வள்­ளு­வர் சிலை வெள்ளி விழா­வை­யொட்டி (30.12.2024) அன்று அய்­யன் திரு­வள்­ளு­வர் சிலையை விவே­கா­னந்­தர் பாறை­யு­டன் இணைக்­கும் கண்­ணாடி இழைப் பாலம் மற்­றும் பூம்­பு­கார் விற்­ப­னை­ய­கம் ஆகி­ய­வற்றை திறந்து வைத்­தது, திருக்­கு­றள் நெறி பரப்­பும்

22 தகை­மை­யா­ளர்­க­ளுக்­குச் சிறப்­புப் பரி­சுத் தொகை மற்­றும் பாராட்­டுச் சான்­றி­தழ்­கள் வழங்கி சிறப்­பித்­தது, அய்­யன் திரு­வள்­ளு­வர் திரு­வு­ரு­வச் சிலை­யில் அமைக்­கப்­பட்­டுள்ள சீரொ­ளிக் (லேசர்) காட்­சி­யி­னைத் தொடங்கி வைத்­தது, சொல்­வேந்­தர் சுகி.சிவம் அவர்­கள் தலை­மை­யில் “திருக்­கு­ற­ளால் அதிக நன்மை தனி­ம­னி­த­ருக்கே – சமு­தா­யத்­திற்கே“ எனும் தலைப்­பில் சிறப்­புப் பட்­டி­மன்­றம் ஆகிய நிகழ்ச்­சி­கள் நடை­பெற்­றன.

அதன் தொடர்ச்­சி­யாக நேற்று (31.12.2024) திருக்­கு­றள் ஓலைச்­சு­வ­டி­கள், புத்­த­கங்­கள், மின்­நூல்­கள் மற்­றும் திரு­வள்­ளு­வர் சிலை பற்­றிய புகைப்­ப­டக் கண்­காட்சி, அய்­யன் திரு­வள்­ளு­வர் திரு­வு­ரு­வச் சிலை வெள்­ளி­வி­ழாச் சிறப்பு மலர் வெளி­யீடு, அய்­யன் திரு­வள்­ளு­வர் சிலை வெள்­ளி­விழா வளை­விற்கு அடிக்­கல் நாட்­டு­தல், திருக்­கு­றள் சார்ந்த போட்­டி­க­ளில் வெற்­றி­பெற்ற மாணவ, மாண­வி­யர்க்­குப் பரி­சு­கள் வழங்­கு­தல், பியானோ இசைக் கலை­ஞர் செல்­வன் லிடி­யன் நாதஸ்­வ­ரம் அவர்­க­ளின் திருக்­கு­றள் இசை நிகழ்ச்சி, அய்­யன் திரு­வள்­ளு­வ­ரின் பெரு­மை­களை எடுத்­து­ரைக்­கும் தமி­ழ­றி­ஞர்­க­ளின் கருத்­த­ரங்­கம் ஆகிய நிகழ்ச்­சி­கள் நடை­பெற்­றன. இன்று (1.1.2025) திருக்­கு­றள் ஓவி­யக் கண்­காட்சி திறப்பு உள்­ளிட்ட பல்­வேறு நிகழ்ச்­சி­கள் நடை­பெ­ற­வுள்­ளன.

திரு­வள்­ளு­வர் திரு­வு­ரு­வச் சிலை வெள்­ளி­விழா நிகழ்ச்­சி­கள்!

அய்­யன் திரு­வள்­ளு­வர் சிலை வெள்ளி விழா­வில் நேற்று முத­ல­மைச்­சர் அவர்­கள், திருக்­கு­றள் ஓலைச்­சு­வ­டி­கள், புத்­த­கங்­கள், மின்­நூல்­கள் மற்­றும் திரு­வள்­ளு­வர் சிலை பற்­றிய புகைப்­ப­டக் கண்­காட்­சியை திறந்து வைத்து, பார்­வை­யிட்­டார். மேலும், இப்­பு­கைப்­ப­டக் கண்­காட்­சி­யில் முத்­த­மி­ழ­றி­ஞர் கலை­ஞர் அவர்­க­ளால் கும­ரி­மு­னை­யில் அய்­யன் திரு­வள்­ளு­வர் சிலை அமைப்­ப­தற்கு அடிக்­கல் நாட்­டி­யது, சிலை உரு­வாக்­கப்­பட்ட நிகழ்வு, சிலை­யின் சிறப்பு, சிலை திறப்பு விழா ஆகி­யவை பற்றி விளக்­கும் குறும்­ப­டத்தை பார்­வை­யிட்­டார்.

அய்­யன் திரு­வள்­ளு­வர் திரு­வு­ரு­வச் சிலை வெள்ளி விழா சிறப்பு மலர் வெளி­யீடு!

இவ்­வி­ழா­வில் செய்தி மக்­கள் தொடர்­புத்­து­றை­யின் சார்­பில் தயா­ரிக்­கப்­பட்ட “அய்­யன் திரு­வள்­ளு­வர் திரு­வு­ரு­வச் சிலை வெள்ளி விழா சிறப்பு மலர் – 2025” தமிழ்­நாடு முத­ல­மைச்­சர் அவர்­கள் நேற்று வெளி­யிட, தவத்­திரு குன்­றக்­குடி பொன்­னம்­பல அடி­க­ளார் அவர்­கள் பெற்­றுக் கொண்­டார்.

இச்­சி­றப்பு மல­ரில் தந்தை பெரி­யார், பேர­றி­ஞர் அண்ணா, முத்­த­மி­ழ­றி­ஞர் கலை­ஞர், பேரா­சி­ரி­யர் அன்­ப­ழ­கன், வை.கண­பதி ஸ்தபதி,

கு.அழ­கர்­சாமி, சால­மன் பாப்­பையா, யுக­பா­ரதி, ஆர். பால­கி­ருஷ்­ணன், படிக்­க­ராமு, அரு­ணன், வா.மு. சேது­ரா­மன், நெல்லை ஜெயந்தா, பழ­னி­பா­ரதி போன்ற பல்­வேறு தமி­ழ­றி­ஞர்­கள் எழு­திய கவி­தை­கள், திருக்­கு­றள் வர­லாற்­றுக் குறிப்­பு­கள், திருக்­கு­றள் தொடர்­பான கட்­டு­ரை­கள் போன்­றவை இச்­சி­றப்பு மல­ரில்இடம்­பெற்­றுள்­ளது குறிப்­பி­டத் ­தக்­கது.

அய்­யன் திரு­வள்­ளு­வர் திரு­வு­ருவச்­ சிலை வெள்ளி விழா நினைவு அலங்­கார வளை­விற்கு அடிக்­கல் நாட்­டு­தல்!

கன்­னி­யா­கு­மரி பேரூ­ராட்சி சார்­பில் அரசு விருந்­தி­னர் மாளிகை அரு­கில்

1 கோடியே 45 இலட்­சம் ரூபாய் மதிப்­பீட்­டில் அமைக்­கப்­ப­ட­வுள்ள அய்­யன் திரு­வள்­ளு­வர் சிலை வெள்­ளி­விழா வளை­விற்கு தமிழ்­நாடு முத­ல­மைச்­சர் அவர்­கள் அடிக்­கல் நாட்­டி­னார்.

புதுப்­பிக்­கப்­பட்ட அய்­யன் திரு­வள்­ளு­வர் போக்­கு­வ­ரத்து பூங்­காவை திறந்து வைத்­தல்!

அய்­யன் திரு­வள்­ளு­வர் சிலை வெள்ளி விழா­வை­யொட்டி கன்­னி­யா­கு­மரி பேரூ­ராட்­சி­யில் கலை­ஞர் நகர்ப்­புர மேம்­பாட்­டுத் திட்ட நிதி­யின் கீழ் 44 இலட்­சம் ரூபாய் செல­வில் புதுப்­பிக்­கப்­பட்ட அய்­யன் திரு­வள்­ளு­வர் போக்­கு­வ­ரத்து தீவுப் பூங்­காவை முத­ல­மைச்­சர் அவர்­கள் திறந்து வைத்­தார்.

அய்­யன் திரு­வள்­ளு­வர் சாலைப் பெயர் சூட்­டு­தல்!

அய்­யன் திரு­வள்­ளு­வர் சிலை வெள்ளி விழா­வை­யொட்டி, கன்­னி­யா­கு­மரி கடற்­கரை சாலைக்கு அய்­யன் திரு­வள்­ளு­வர் சாலை என முத­ல­மைச்­சர் அவர்­கள் பெயர் சூட்­டி­னார்.

திருக்­கு­றள் சார்ந்த போட்­டி­க­ளில் வெற்றி பெற்ற மாணவ, மாண­வி­ யர்­க­ளுக்கு பரி­சு­கள் வழங்­கு­தல்!

அய்­யன் திரு­வள்­ளு­வர் சிலை வெள்ளி விழா­வை­யொட்டி, பள்ளி பயி­லும் மாண­வர்­க­ளுக்கு 6-ஆம் வகுப்பு முதல் 8-ஆம் வகுப்பு வரை ஒரு பிரி­வா­க­வும், 9 மற்­றும் 11-ஆம் வகுப்பு மாண­வர்­க­ளுக்கு ஒரு பிரி­வா­க­வும் பள்ளி, வட்­டார, மாவட்ட அள­வில் அய்­யன் திரு­வள்­ளு­வ­ரின் பொருண்­மைச் சார்ந்த கட்­டு­ரைப் போட்­டி­கள் நடத்­தப்­பட்­டது.

அப்­போட்­டி­க­ளில் முதல் மற்­றும் இரண்­டாம் இடம் பெற்ற மாண­வர்­க­ளுக்கு மாநில அள­வில் கட்­டு­ரைப் போட்­டி­கள் நடத்­தப்­பட்டு அதில் முதல் பிரி­வில் வெற்றி பெற்று முதல் பரிசு வென்ற செல்வி ர. நேசி­கா­விற்கு ரூ.5,000/-, இரண்­டாம் பரிசு வென்ற செல்வி ர. மது­ஜா­விற்கு ரூ.3,250/-, மூன்­றாம் பரிசு வென்ற செல்வி ம.எ. சுபி­ஷா­விற்கு ரூ.2,500/-; இரண்­டாம் பிரி­வில் வெற்றி பெற்று முதல் பரிசு வென்ற செல்வி மு. சரண்யா பவா­னிக்கு ரூ. 5,000/-, இரண்­டாம் பரிசு வென்ற செல்­வன் த. தர­ணி­த­ர­னுக்கு ரூ. 3,250/-, மூன்­றாம் பரிசு வென்ற செல்வி பா. நவீ­னா­விற்கு ரூ.2,500/-; என மொத்­தம் 21,500 ரூபாய் பரி­சுத் தொகைக்­கான காசோ­லை­கள் மற்­றும் பாராட்­டுச் சான்­றி­தழ்­களை தமிழ்­நாடு முத­ல­மைச்­சர் அவர்­கள் வெற்றி பெற்ற மாணவ, மாண­வி­க­ளுக்கு வழங்கி வாழ்த்­தி­னார்.

அய்­யன் திரு­வள்­ளு­வர் சிலை வெள்ளி விழா­வை­யொட்டி, திருக்­கு­ற­ளின் பெரு­மையை உயர்த்­தும் வகை­யில் கல்­லூரி மாணவ, மாண­வி­யர்­க­ளி­டையே மீக்­கு­றும்­ப­டங்­கள், திரைச்­சு­ரு­ளை­கள் மற்­றும் ஓவி­யப் போட்­டி­கள் நடத்­தப்­பட்­டன.

அதன்­படி, போட்­டி­க­ளில் வெற்றி பெற்று, கல்­லூ­ரிக் கல்வி இயக்­க­கத்­தின் சார்­பில் மீக்­கு­றும்­ப­டங்­கள் பிரி­வில் முத­லி­டம் பெற்ற நித்­யஸ்ரீ, திரைச்­சு­ரு­ளை­கள் பிரி­வில் முத­லி­டம் பெற்ற அக்சா, ஜோஸ்­பின் ஆகி­யோ­ருக்­கும், தொழில்­நுட்ப கல்வி இயக்­க­கத்­தின் சார்­பில் மீக்­கு­றும்­ப­டங்­கள் பிரி­வில் முத­லி­டம் பெற்ற வி. ஹரி­ஹ­ரன், திரைச்­சு­ரு­ளை­கள் பிரி­வில் முத­லி­டம் பெற்ற நாகர்­கோ­வில் பல்­க­லைக்­க­ழக பொறி­யி­யல் கல்­லூரி மாணவ, மாண­வி­யர்­கள் – எஸ். ஹரிதா, ஆர். அபி­நயா, எஸ். ஆன்டோ, சுதிக்சா, எஸ். நாரா­யணா மற்­றும் செல்வி ஆகி­யோ­ருக்­கும் முத­ல­மைச்­சர் அவர்­கள் சான்­றி­தழ்­களை வழங்கி வாழ்த்­தி­னார்.

முன்­ன­தாக, அய்­யன் திரு­வள்­ளு­வர் சிலையை விவே­கா­னந்­தர் பாறை­யு­டன் இணைக்­கும் கண்­ணாடி இழைப் பாலப் பணி­களை மேற்­கொண்ட பொறி­யா­ளர்­கள் மற்­றும் பணி­யா­ளர்­க­ளுக்கு முத­ல­மைச்­சர் அவர்­கள் பொன்­னாடை அணி­வித்து, நினை­வுப் பரிசு வழங்கி சிறப்­பித்­தார்.

அத­னைத்தொடர்ந்து, நடி­கர் கமல்­ஹா­சன் அவர்­க­ளின் பாடல் வரி­க­ளில், இசை­ய­மைப்­பா­ளர் ஏ.ஆர்.ரஹ்­மான் அவர்­கள் இசை­யில், உரு­வான “வள்­ளுவ மாலை” பாடலை தமிழ்­நாடு முத­ல­மைச்­சர் அவர்­கள் வெளி­யிட்­டார்.

இவ்­வி­ழா­வில், சட்­டப்­பே­ர­வைத் தலை­வர் மு. அப்­பாவு, நீர்­வ­ளத்­துறை அமைச்­சர் துரை­மு­ரு­கன், திருமதி துர்கா ஸ்டாலின், துணை முத­ல­மைச்­சர் உத­ய­நிதி ஸ்டாலின், நக­ராட்சி நிர்­வா­கத் துறை அமைச்­சர் கே.என். நேரு, ஊரக வளர்ச்­சித் துறை அமைச்­சர் இ. பெரி­ய­சாமி, பொதுப்­ப­ணித் துறை அமைச்­சர் எ.வ. வேலு, நிதி, சுற்­றுச்­சூ­ழல் மற்­றும் கால­நிலை மாற்­றத் துறை அமைச்­சர் தங்­கம் தென்­ன­ரசு, தமிழ் வளர்ச்சி மற்­றும் செய்­தித் துறை அமைச்­சர் மு.பெ. சாமி­நா­தன், சுற்­று­லாத் துறை அமைச்­சர் ஆர். ராஜேந்­தி­ரன் உள்­ளிட்ட அமைச்­சர் பெரு­மக்­கள், நாடா­ளு­மன்றஉறுப்­பி­னர்­கள் டி.ஆர்.பாலு, கனி­மொழி கருணாநிதி உள்­ளிட்ட நாடா­ளு­மன்ற, சட்­ட­மன்ற உறுப்­பி­னர்­கள், கவிப்­பே­ர­ரசு வைர­முத்து, தலை­மைச்செய­லா­ளர் நா. முரு­கா­னந்­தம், நக­ராட்சி நிர்­வா­கம் மற்­றும் குடி­நீர் வழங்­கல் துறை முதன்­மைச் செய­லா­ளர் முனை­வர் தா. கார்த்­தி­கே­யன், தமிழ் வளர்ச்சி மற்­றும் செய்­தித் துறை செய­லா­ளர் தி.வே.ராஜா­ரா­மன், செய்தி மக்­கள் தொடர்­புத் துறை இயக்­கு­நர் டாக்­டர் இரா.வைத்­தி­நா­தன் கன்­னி­யா­கு­மரி மாவட்ட ஆட்­சித் தலை­வர் திரு­மதி ஆர். அழ­கு­மீனா, தமிழ் வளர்ச்­சித் துறை இயக்­கு­நர் முனை­வர் ந. அருள், உள்­ளாட்சி அமைப்­பு­க­ளின் பிர­தி­நி­தி­கள் மற்­றும் அரசு உயர் அலு­வ­லர்­கள் உட­னி­ருந்­த­னர்.