கழக தலைவர் – முதலமைச்சர் ஆணைக்கிணங்கவும், கழக இளைஞர்அணி செயலாளர் தமிழ்நாடு துணைமுதலமைச்சர் அவர்களின் அறிவுரைபடியும், கழக சட்டத்துறை செயலாளர் என்.ஆர்.இளங்கோ எம்.பி. அறிவிப்பின்படி மயிலாடுதுறை மாவட்ட தி.மு.க. அலுவலகத்தில் மாவட்டக் கழகச் செயலாளர் நிவேதா எம்.முருகன் தலைமையில் மாவட்ட அமைப்பாளர் வி.எஸ்.பிரபாகரன் வரவேற்புரை ஆற்ற கழக சட்டத்துறை இணை செயலாளர் சூர்யா வெற்றிக்கொண்டான், தலைமைக் கழக வழக்கறிஞர் நாகை மூ.தினேஷ்குமார் சிறப்புரையாற்ற எதிர்வரும் 18.01.2025 ஆம் ஆண்டு நடைபெறும் வழக்கறிஞர் அணி 3வது மாநில மாநாடு குறித்து வழக்கறிஞர் அணி ஆலோசனைக் கூட்டம் நடைபெற்றது. கூட்டத்தில் கழக உயர்நிலை செயல்திட்டக் குழுஉறுப்பினர் குத்தாலம் கல்யாணம், வழக்கறிஞர் அணி தலைவர், துணை தலைவர், துணை அமைப்பாளர்கள், நிர்வாகிகள், ஒன்றிய கழக நிர்வாகிகள் திரளாக கலந்துகொண்டு சிறப்பித்தனர். வழக்கறிஞர் அணி 3வது மாநில மாநாட்டில் வழக்கறிஞர்கள் அனைவரும் கலந்துகொள்வோம் என தீர்மானம் நிறைவேற்றப்பட்டது.