#Title

48வது சென்னை புத்தகக் காட்சியில் – தினந்தோறும் திராவிட இயக்க ஆளுமைகளுடன் வாசகர்கள் கலந்துரையாடல் நிகழ்ச்சி! தமிழ் காமராசன் உடனான உரையாடலில் வாசகர்கள் ஆர்வமுடன் பங்கேற்பு!

சென்னை, ஜன 1 –

சென்னையில் நடைபெறும் 48–வது புத்தகக் காட்சியில் திராவிட இயக்க ஆளுமை ஒருவருடன் தினந்தோறும் வாசகர்கள் பங்கேற்கும் கலந்துரையாடல் நிகழ்ச்சி 29.12.2024 அன்று நடைபெற்றது.

இதில் திராவிட இயக்க, ஆய்வாளர் தமிழ் காமராசன் உடனான கலந்துரையாடலில், வாசகர்கள்பலரும் ஆர்வமுடன் பங்கேற்றனர்.

சென்னை, நந்தனம், ஒய்.எம்.சி.ஏ. மைதானத்தில் 27.12.2024 அன்று 48–வது சென்னை புத்தகக் காட்சியைத் தொடங்கி வைத்த துணை முதலமைச்சர் உதயநிதி ஸ்டாலின், கழக இளைஞர் அணியின் சார்பில் அமைக்கப்பட்டுள்ள முத்தமிழறிஞர் பதிப்பக அரங்கைப் பார்வையிட்டார்.

இதனைத் தொடர்ந்து, வாசகர்களின் வாசிப்பு அனுபவத்தை ஊக்குவிக்கும் விதமாக, தினம்தோறும் திராவிட இயக்க எழுத்தாளுமையை அழைத்து வந்து, வாசகர்களின் கேள்விக்குப் பதில் அளிக்கும் நிகழ்ச்சிக்கு முத்தமிழறிஞர் பதிப்பகம் ஏற்பாடு செய்துள்ளது.

அந்த வகையில், நேற்று முன்தினம் (29.12.2024) திராவிட ஆய்வாளர் தமிழ் காமராசன் பங்கேற்று, திராவிட இயக்கம் எப்படி எழுதியும் பேசியும் வளர்ந்தது என்பதை எடுத்துரைத்தார்.

பெரியார், அண்ணா, கலைஞர் போன்றபெருந்தலைவர்கள் மட்டுமின்றி, கழகத்தில் சாமானியதொண்டர்கள் கூட எழுதினர், பேசினர்.

அதுபோல இன்றைய இளம் தலைமுறையினரும் தி.மு.கழகத்தின் கொள்கையும், தமிழ்நாட்டிற்கு செய்திருக்கிற பங்களிப்பையும் எழுதவும், பேசவும் வேண்டும் என்று அவர் ஆற்றிய சிறு உரை வாசிப்பைத் தூண்டுவதாக அமைந்தது.

வாசகர்கள் தங்களுடைய சந்தேகங்களைக் கேட்டு விளக்கம் பெற்றனர்.