சென்னை, ஜன.2 –

பொங்கல் பரிசுத் தொகுப்புக்கான டோக்கன்கள் நாளை முதல் ரேஷன் கடை ஊழியர்கள் மூலம் வீடுவீடாக விநியோகம் செய்யப்படும் என தமிழ்நாடு அரசு அறிவித்துள்ளது.

பொங்கல் பண்டிகையை முன்னிட்டு 2.20 கோடிகுடும்ப அட்டைதாரர்களுக்குஒரு கிலோ பச்சரிசி, ஒரு கிலோ சர்க்கரை, ஒரு முழு கரும்பு அடங்கியபொங்கல்பரிசுத் தொகுப்பு வழங்கப் படும் என்று முதலமைச்சர் மு.க.ஸ்டாலின் அவர்கள் அறிவித்துள்ளார்.

இதனையடுத்து சம்பந்தப்பட்ட ரேஷன் கடைகள்மூலம் இதற்கான டோக்கன்கள் ஜனவரி 3-ம் தேதி முதல் வழங்கப்படும் என்று தமிழ் நாடு அரசு அறிவித்துள்ளது.

இதைத் தொடர்ந்து, அனைத்து மாவட்டங்களி லும் விநியோகம்செய்ய டோக்கன் அச்சடிக்கும் பணி முழு வீச்சில் நடந்து வருகிறது.

‘‘ஜனவரி 3-ம் தேதி முதல் ரேஷன் கடை ஊழியர்கள்மூலம் வீடு வீடாக டோக்கன்விநி யோகம் செய்யப்படும். பரிசுத் தொகுப்பை பெறு வதற்கான நாள், நேரம் ஆகிய விவரங்கள் டோக்கனில் இடம்பெற்றிருக்கும்.தினமும் காலையில் 100 பேர், பிற்பகலில் 100 பேர்பெறும் வகையில் டோக்கன்விநியோகம் செய்யப்படும்’’ என்று கூட்டுறவுத் துறை அதிகாரிகள் தெரிவித்தனர்.

இதற்கிடையே, அனைத்து மண்டல இணை பதிவாளர்கள், சென்னை மண்டல கூடுதல் பதிவாளருக்கு கூட்டுறவு சங்கங்களின் பதிவாளர் என்.சுப்பையன் அனுப்பியுள்ள சுற்றறிக்கை யில் கூறியிருப்பதாவது: –

பரிசுத் தொகுப்பை ரேஷன்கடைகள் மூலம் வழங்குவது தொடர்பாக அரசாணை களில் கூறப்பட்டுள்ள அறிவுரைகளை தவறாமல் பின் பற்ற வேண்டும். அனைத்து ரேஷன் கடை களுக்கும் பரிசுத் தொகுப்பு கள் சென்றடைவதை உறுதிசெய்ய வேண்டும்.

பரிசுத் தொகுப்பு விநி யோக அட்டவணை விவரத்தை காவல் துறைக்கு முன்கூட்டியே தெரிவித்து, ரேஷன் கடைகளுக்கு உரிய போலீஸ் பாதுகாப்பு அளிக்கப்பட வேண்டும். எந்தவித புகாருக்கும் இட மின்றி பரிசுத் தொகுப்பை விநியோகம் செய்ய வேண்டும் என்றார்.