தமிழ்நாடு முதலமைச்சர் அவர்களின் நல்வழிகாட்டுதலின்படி நேற்று (01.02.2025) வடசென்னை வளர்ச்சித் திட்டத்தின்கீழ் பெரம்பூர் சட்டமன்ற தொகுதி, மகாகவி பாரதி நகரில் சென்னைப் பெருநகர் வளர்ச்சிக் குழுமம் சார்பில் கட்டப்படவுள்ள புதிய சமுதாய நலக்கூடத்தின் இடத்தினை இந்து சமய அறநிலையத்துறை அமைச்சரும் சென்னைப் பெருநகர் வளர்ச்சிக் குழுமத் தலைவருமான பி.கே.சேகர்பாபு நேரில் சென்று பார்வையிட்டு ஆய்வு செய்து, பணிகளை உடனடியாக துவக்கிட அலுவலர்களை அறிவுறுத்தினார். இந்த ஆய்வின்போது மேயர் திருமதி. ஆர்.பிரியா ராஜன், வீட்டு வசதி மற்றும் நகர்ப்புற வளர்ச்சித்துறை கூடுதல் தலைமைச் செயலாளர் திருமதி.காகர்லா உஷா, முதன்மை செயல் அலுவலர்அ.சிவ ஞானம், மாநகர் போக்குவரத்துக் கழக (MTC) மேலாண் இயக்குநர் டாக்டர்.ஆல்பி ஜான் வர்கீஸ் , பெரம்பூர் சட்டமன்ற உறுப்பினர் ஆர்.டி.சேகர்,மண்டலக் குழுத்தலைவர் நேதாஜி யூ. கணேசன், தலைமைத் திட்ட அமைப்பாளர்கள் எஸ்.ருத்ரமூர்த்தி, அ.பாலசுப்ரமணியன், ந.ரவிக்குமார், மாநகர் போக்கு வரத்துக் கழக பொது மேலாளர் நெடுஞ்செழியன், மண்டல அலுவலர் சரவணமூர்த்தி, மாநகராட்சி மற்றும் சி.எம்.டி.ஏ அலுவலர்கள் உடனிருந்தனர்.