சென்னை, பிப். 2–

ஜி.எஸ்.டி. சாலை­யில் ஏற்­ப­டும் போக்­கு­வ­ரத்து நெரி­சலை குறைக்­கும் வித­மாக கிளாம்­பாக்­கம் முதல் மகேந்­திரா சிட்டி இடையே 3 ஆயி­ரத்து 500 கோடி ரூபாய் மதிப்­பீட்­டில் உயர்­மட்ட மேம்­பா­லம் அமைக்­கப்­பட உள்­ளது. இதற்­காக விரி­வான திட்ட அறிக்கை தயா­ரிக்­கப்­பட்­டுள்­ள­தா­க­வும் தக­வல் வெளி­யா­கி­யுள்­ளது.

சென்னை கிளாம்­பாக்­க த்­தில் பேருந்து நிலை­யம் செயல்­பட்டு வரு­வ­தால், பேருந்து நிலை­யம் அரு­கே­யும், கூடு­வாஞ்­சேரி, பொத்­தேரி, மறை­ம­லை­ந­கர் மற்­றும் சிங்­கப்­பெ­ரு­மாள் கோவில் ஆகிய பகு­தி­க­ளி­லும் போக்­கு­வ­ரத்து நெரி­சல் ஏற்­பட்டு வரு­கி­றது. ஜிஎஸ்டி சாலை­யில் போக்­கு­வ­ரத்து நெரி­சலை தவிர்க்க ஏற்­க­னவே தாம்­ப­ரம் - வண்­ட­லூர் இடையே மேம்­பா­லங்­கள் அமைக்­கப்­பட்­டுள்­ளன. தற்­போது திருச்சி நோக்கி செல்­லும் வாக­னங்­கள் எளி­தாக செல்­வ­தற்­காக கிளாம்­பாக்­கம் பகு­தி­யில் இருந்து செங்­கல்­பட்டு சுங்­கச்­சா­வடி அரு­கே­யுள்ள மகேந்­திரா சிட்டி வரை 6 வழி மேம்­பா­லச்­சாலை அமைக்­கப்­பட உள்­ளது.

சுமார் 18.6 கிலோ மீட்­டர் தொலை­வுக்கு 3 ஆயி­ரத்து 500 கோடி ரூபாய் மதிப்­பீட்­டில் இந்த மேம்­பா­லச்­சாலை அமைக்க திட்­ட­மி­டப்­பட்­டுள் ளது. இந்த உயர்­மட்ட சாலை­யில் ஐயஞ்­சேரி சந்­திப்பு, காட்­டாங்­கொ­ளத்­தூர் மற்­றும் சிங்­கப்­பெ­ரு­மாள் கோவில் ஆகிய பகு­தி­க­ளில் வாக­னங்­கள் மேம்­பா­லத்­தின் மேலே ஏறும் வகை­யி­லும், அதே­போல் வாக­னங்­கள் மேம்­பா­லத்­தில் இருந்து கீழே இறங்­கும் வகை­யி­லும் சாலை­கள் அமைக்­கப்­ப­டு­கி­றது. தற்­போது சென்­னை­யில் இருந்து தென் மாவட்­டங்­க­ளுக்கு செல்­லும் வாக­னங்­கள் கிளாம்­பாக்­கத்­தில் இருந்து செங்­கல்­பட்­டிற்­குச் செல்ல சுமார் ஒரு மணி நேரத்­திற்கு மேலா­கி­றது. இந்த ஆறு வழி மேம்­பா­லச்­சாலை அமைக்­கப்­பட்­டால் கிளாம்­பாக்­கத்­தில் இருந்து 15 நிமி­டங்­க­ளில் செங்­கல்­பட்­டுக்கு வாக­னங்­கள் செல்­லும் என்­றும் அதி­கா­ரி­கள் தெரி­வித்­துள்­ள­னர்.