சென்னை, ஜன.2–
அரசு விரைவுப் போக்குவரத்துக் கழகம் மூலம் வைக்கத்திலிருந்து வேளாங்கண்ணிக்கு புதிய வழித்தடப் பேருந்து இயக்கத்தை போக்குவரத்துத் துறை அமைச்சர் தொடங்கி வைத்தார் என அரசு விரைவுப் போக்குவரத்துக் கழக மேலாண் இயக்குநர் தெரிவித்துள்ளார்.
12–12–2024 அன்று கேரள மாநிலம் வைக்கம் போராட்டத்தில் தந்தை பெரியார் நூற்றாண்டு நிறைவு விழாவில் தந்தை பெரியார் நினைவகம் மற்றும் பெரியார் நூலகம் திறப்பு விழா ஆகியவற்றை முதலமைச்சர் மு.க. ஸ்டாலின் அவர்கள் திறந்து வைத்த போது கோட்டயம் பாராளுமன்ற உறுப்பினர் கே.பிரான்சிஸ் ஜார்ஜ் அளித்த கோரிக்கைகளின் அடிப்படையில் முதலமைச்சர் அவர்களின் உத்தரவுபடி தமிழ்நாடு போக்குவரத்துத் துறை அமைச்சர் எஸ்.எஸ்.சிவசங்கர், கேரளா மாநில போக்குவரத்துத் துறை அமைச்சர் கே.பி.கணேஷ் குமார் மற்றும் கோட்டயம் பாராளுமன்ற உறுப்பினர் கே.பிரான்சிஸ் ஜார்ஜ் அவர்களின் முன்னிலையில் நேற்று (01–01–2025) 17.00 மணிக்கு கேரளா மாநிலம் வைக்கத்திலிருத்து வேளாங்கண்ணிக்கு புதிய வழித்தடம் இயக்கப்படுகிறது.
சிறப்பு விருந்தினராக தலைவர், மற்றும் நிர்வாக இயக்குநர், கேரள மாநில போக்குவரத்து கழகம், திருமதி சி.கே. ஆஷா, வைக்கம் சட்டமன்ற உறுப்பினர் திருமதி. பிரீதா ராஜேஷ், தலைவர் வைக்கம் நகராட்சி எஸ்.ஹரிதாசன் நாயர், எதிர்கட்சி தலைவர், வைக்கம் நகராட்சி, ஜி.பி. பிரதீப் குமார், தலைமை நிர்வாக இயக்குநர், கேரள போக்குவரத்துக் கழகம், ஆர்.மோகன், மேலாண் இயக்குநர், தமிழ்நாடு அரசு விரைவுப் போக்குவரத்துக் கழகம், தொழிற்சங்க பிரதிநிதி கள் மற்றும் அலுவலர்கள் கலந்து கொண்டனர்.
புதிய பேருந்து வழிதடம் (வழி - வைக்கம், கோட்டயம், சங்கனாச்சேரி, புனலூர், தென்மலை, செங்கோட்டை தென்காசி, இராஜபாளையம், மதுரை புதுக்கோட்டை, திருவாரூர், நாகப்பட்டிணம்) வழியாக தினசரி இயக்கப்படுகிறது.
வைக்கம் – வேளாங்கண்ணி புறப்படும் நேரம் 16.00 மணி
வேளாங்கண்ணி – வைக்கம் புறப்படும் நேரம் 16:30 மணி
மேற்படி புதிய வழித்தட பேருந்து வசதியினை பயணிகள் அனைவரும் முழுமையாக பயன்படுத்திக் கொள்ள இதன் மூலம் கேட்டுக்கொள்ளப்படுகிறது.