கடலூர், பிப்.2–
கடலூர் மாவட்டம் தொழிலாளர் நலன் மற்றும் திறன் மேம்பாட்டுத் துறை அமைச்சர் சி.வெ.கணேசன் அரசு வட்டார பொது சுகாதார நிலையம் மற்றும் அரசு கல்லூரி மாணவியர் விடுதியினை திறந்து வைத்தார்.
--தொழிலாளர் நலன் மற்றும் திறன் மேம்பாட்டுத் துறை அமைச்சர் சி.வெ.கணேசன் மாவட்ட ஆட்சித்தலைவர் சிபி ஆதித்யா செந்தில்குமார், விருத்தாசலம் சட்டமன்ற உறுப்பினர் எம்.ஆர்.இராதாகிருஷ்ணன் ஆகியோர் முன்னிலையில் கடலூர் மாவட்டம், நல்லூர் ஊராட்சியில் ரூ.50 இலட்சம் மதிப்பீட்டில் கட்டப்பட்டுள்ள அரசு வட்டார பொது சுகாதார நிலையத்தினை நேற்று (01.02.2025) பொதுமக்கள் பயன்பாட்டிற்கு திறந்து வைத்து கர்ப்பிணி தாய்மார்களுக்கு தாய்சேய் நலப்பெட்டகங்களை வழங்கினார்.
தொடர்ந்து, தொழிலாளர் நலன் மற்றும் திறன் மேம்பாட்டுத் துறை அமைச்சர் சி.வெ.கணேசன் மாவட்ட ஆட்சித்தலைவர் சிபி ஆதித்யா செந்தில்குமார், முன்னிலையில் கடலூர் மாவட்டம், திட்டக்கு டி பகுதியில் மிகப்பிற்படுத்த ப்பட்டோர் நலத்துறை சார்பில் அமைக்கப்பட்டுள்ள அரசு கல்லூரி மாணவியர் விடுதியினை திறந்து வைத்தார்.
தொழிலாளர் நலன் மற்றும் திறன் மேம்பாட்டுத் துறை அமைச்சர் சி.வெ.கணேசன் தெரிவித்ததாவது:–
தமிழ்நாடு முதலமைச்சர் அவர்களால் பொது மக்களுக்கு உயர்தரமான சுகாதா ரமான வாழ்க்கை சூழலை ஏற்படுத்தித்தர வேண்டும் என்பதற்காகவும், மாணவர்களுக்கு எளிதில் கல்வி சென்றடையும் வகையிலும், தமிழ்நாடு அரசினால் அவ்வப்போது அறிமுகப்படுத்தும் திட்டங்களின் பயன்கள் விரைந்து பொதுமக்களை சென்றிட வேண்டும் என்பதற்காகவும் ஏராளமான உட்கட்டமைப்பு திட்டங்களை ஏற்படுத்தியும் மறுசீரமைப்பு மேற்கொ ள்ளவும் உத்தரவிட்டுள்ளார்கள். அதனடிப்படையில் மக்களை தேடி மருத்துவம் திட்டத்தின் வாயிலாக 45 வயதுக்கு மேற்பட்ட இரத்த அழுத்தம், நீரிழிவு நோயாளிகளின் வீடுகளுக்குத் நேரில் சென்று சிகிச்சை அளிக்கும் மக்களை தேடி மருத்துவம் திட்டம், கலைஞரின் வரும்முன் காப்போம் திட்டம், இன்னுயிர் காப்போம் நம்மை காக்கும் 48 மணி நேரம் திட்டம் போன்ற பல்வேறு திட்டங்கள் செயல்படுத்தப்பட்டு வருகின்றன.
அதனடிப்படையில் கடலூர் மாவட்டத்தில் பல்வேறு உட்கட்டமைப்பு மேம்பாட்டு திட்டங்கள் செயல்படுத்தப்பட்டு வருகின்றன. அதனடிப்படையில் நல்லூர் ஊராட்சியில் 15ஆவது மானிய நிதியின் கீழ் ரூ.50 இலட்சம் மதிப்பீட்டில் பொது சுகாதார நிலையம் விரைவில் கட்டிமுடிக்கப்பெற்று இன்றைய தினம் பொதுமக்களின் பயன்பாட்டிற்கு திறந்துவைக்கப்ப ட்டுள்ளது.
கடலூர் மாவட்டத்தில் மொத்தம் 68 கல்லூரி மற்றும் பள்ளி விடுதிகள், மாவட்ட பிற்படுத்தப்பட்டோர் மற்றும் சிறுபான்மையினர் நலத்துறை கட்டுப்பாட்டில் செயல்பட்டு வருகின்றன. இதில் 57 பள்ளி விடுதிகளும், 11 கல்லூரி விடுதிகளும் அடங்கும். திட்ட க்குடி வட்டத்தில் 5 பள்ளி விடுதிகளும் செயல்பட்டு வந்தன.
மேலும், திட்டக்குடி பகுதியில் அமைந்துள்ள அரசு கலை மற்றும் அறிவியல் கல்லூரியில் பயிலும் மாணவியர்களின் நலன் கருதி மாணவிகள் தங்கி பயிலும் வசதிகளுடன் இன்றைய தினம் பயன்பாட்டிற்கு கொண்டுவரப்பட்டுள்ளது. மேலும், இவ்விடுதியில் மாணவியர்களின் பாதுகாப்பு வசதி கருதி கண்காணிப்பு கருவிகள், கல்வி கற்பதற்கு ஏதுவாக கணினியுடன் கூடிய செம்மொழி நூலகம் உள்ளிட்ட சிறப்பம்சங்களுடனும் உள்ளது. இவ்விடுதியினை சிறப்பாக பயன்படுத்தி கொண்டு மாணவிகள் வாழ்வில் மென்மேலும் உயர வேண்டும் என தொழிலாளர் நலன் மற்றும் திறன் மேம்பாட்டுத் துறை அமைச்சர் சி.வெ.கணேசன்தெரிவித்தார்.
இந்நிகழ்ச்சியில் மாவட்ட ஊரக வளர்ச்சி முகமையின் கூடுதல் ஆட்சியர் இரா.சரண்யா, துணை இயக்குனர் சுகாதார பணிகள் மரு.பொற்கொடி, உள்ளாட்சி அமைப்புகளின் பிரதிநிதிகள் மற்றும் அரசு அலுவலர்கள் உட்பட பலர் கலந்து கொண்டனர்.
மனிதநேய வார நிறைவு விழா சென்னை மாவட்ட ஆதிதிராவிடர் மற்றும் பழங்குடியினர் நல அலுவலகத்தின் சார்பில் 30.01.2025 அன்று சென்னை கன்னிகாபுரம், அரசு ஆதிதிராவிடர் நல பெண்கள் மேல்நிலைப்பள்ளி யில் நடைபெற்றது. தமிழ்த்தாய் வாழ்த்துப் பாடி விழா இனிதே துவங்கப்பட்டது. சென்னை மாவட்டம், மாவட்ட ஆட்சியரகம், மாவட்ட ஆதி திராவிடர் மற்றும் பழங்குடியினர் நல அலுவலர் ஜே.வெற்றிகுமார் வர வேற்புரையாற்றினார். மாவட்ட வருவாய் அலுவலர் கீதா தலைமை தாங்கினார். கழக துணை அமைப்பு செயலாளர் வழக்கறிஞர் ப.தாயகம்கவி எம்.எல்.ஏ மற்றும் எழும்பூர் சட்டமன்ற உறுப்பினர் இ.பரந்தாமன் முன்னிலை வகித்து விழாவில் சிறப்புரையாற்றினர். இதில் முதன்மை கல்வி அலுவலர், முனைவர். அ.புகழேந்தி மற்றும் சமூக நீதி மற்றும் மனித உரிமைகள் பிரிவு காவல்துறை கண்காணிப்பாளர் தேவேந்திரன் ஆகியோர் பங்கேற்றனர்.