புதுக்­கோட்டை- ஜன.2

தூத்­துக்­குடி மாவட்­டத்­தில் தமிழ்­நாடு த­ல­மைச்­சர் மு.க.ஸ்டாலின் புது­மைப்பெண் திட்ட விரி­வாக்­கத்தைதொடங்கி வைத்­தார். அத­னைத்தொடர்ந்து புதுக்­கோட்டைபுதிய பேருந்து நிலை­யம் அருகே உள்ள கலை­ஞர் கரு­ணா­நிதி அரசு மக­ளிர் கலைக்­கல்­லூ­ரி­யில் புது­மைப்­பெண் திட்ட விரி­வாக்­கத்தை தமிழ்­நாடு சட்­டத்­துறை அமைச்­சர் எஸ்.ரகு­பதி, மாவட்ட ஆட்­சி­யர் அருணா, தி.மு.க. மாநி­லங்­க­ளவை உறுப்­பி­னர் எம்.எம்.அப்­துல்லா, இரா­ம­நா­த­பு­ரம் நாடா­ளு­மன்ற உறுப்­பி­னர் நவாஸ் கனி ஆகி­யோர் தொடங்கி வைத்­த­னர். மேலும் இதில் புதுக்­கோட்டை சட்­ட­மன்ற உறுப்­பி­னர் டாக்­டர் வை.முத்­து­ராஜா, கந்­தர்­வ­கோட்டை சட்­ட­மன்ற உறுப்­பி­னர் எம்.சின்­ன­துரை, துணை மேயர் எம்.லியா­கத் அலி உள்­ளிட்ட பல­ரும் கலந்து கொண்­ட­னர்.

மேலும் இதில் அரசு உதவி பெறும் பள்­ளி­க­ளில் தாய் வழி­யில் ஆறாம் வகுப்பு முதல் 12 ஆம் வகுப்பு வரை பயின்ற தகு­தி­யான 1371 மாண­வி­க­ளில் 500 மாண­வி­க­ளுக்கு மாதம்­தோ­றும் தலா 1000 பெறு­வ­தற்­கான டெபிட் கார்­டு­களை அமைச்­சர் எஸ்.ரகு­பதி வழங்­கி­னார்.

இதன் பின்­னர் செய்­தி­யா­ளர்­களை சந்­தித்த தமிழ்­நாடு சட்­டத்­துறை அமைச்­சர் எஸ்.ரகு­பதி கூறு­கை­ யில்:

அ.தி.மு.க. போராட்­டம் என்­பது எள்ளி நகைக்கக்கூடிய ஒன்று. அ.தி.­மு.க. ஆட்சி காலத்­தில் தான் பொள்­ளாச்சி சம்­ப­வம் நடை­பெற்­றது. அப்­போது எந்­த­வி­த­மான நட­வ­டிக்­கை­யும் எடுக்க மாட்­டேன் என்று அடங்­காப்­பி­டா­ரித்­த­ன­மாக மறுத்­த­வர்­கள் அவர்­கள். கடை­சி­யாக பல்­வேறு போராட்­டங்­களை நடத்தி நாங்­கள் அன்று நட­வ­டிக்கை எடுக்க வைத்­தோம்.

இன்று நாங்­கள் நட­வ­டிக்கை எடுத்­துள்­ளோம் யாரை­யும் காப்­பாற்ற வேண்­டிய அவ­சி­யம் எங்­க­ளுக்கு கிடை­யாது இப்­பொ­ழுது அதி­முக போராட்­டம் என்­ப­தெல்­லாம் வீண் வேஷம். நாங்­கள் இருக்­கி­றோம் என்று காண்­பித்து கொள்­வ­தற்­காக அ.தி.மு.க.வினர் இப்­படி கபட நாட­கத்தை நாடு­கி­றார்­கள். தங்­கள் மீது உள்ள குற்­றச்­சாட்­டு­ களை மறந்து விட்டு எங்­கள் மீது பழி சுமத்த வேண்­டும் என்ற நோக்­கத்­தோடு பார்க்­கி­றார்­கள். பொள்­ளாச்சி சம்­ப­வம் ஒன்று போதும் அவர்­கள் ஆட்சி காலத்­தில் எப்­படி இருந்­தது என்று. அதற்­குப் பிறகு என்­னென்ன நடந்­தது அவர்­கள் ஆட்­சி­யில் என்­ப­தெல்­லாம் ஏற்­க­னவே நான் விளக்கி விட்­டேன்.

அண்ணா பல்­க­லைக் க­ழக வழக்கை சி.பி.ஐ.க்கு மாற்ற தேவை இல்லை என்று நீதி­மன்­றமே கூறி­விட்­டது. மூன்று துணை ஆணை­யர்­களை நிய­மித்து விசா­ர­ணைக்கு உத்­த­ர­விட்­டுள்­ளது.

அண்ணா பல்­க­லைக்­க­ழக வழக்­கில் எஃப்.ஐ.ஆர். கசிந்த விவ­கா­ரம் குறித்து விசா­ரணை நடை­பெற்று வரு­கி­றது. எஃப்.ஐ.ஆர். கசிந்­தது யார் மூல­மாக இருந்­தா­லும் நிய­மிக்­கப் பட்ட மூன்று பேர் கொண்ட குழு விசா­ரித்து நட­வ­டிக்கை எடுக்­கும்.

இந்த ஆட்­சி­யில் தான் பெண்­க­ளுக்கு பாது­காப்பு இருக்­கி­றது. பெண்­கள் வெளியே வரு­கி­றார்­கள். மகாத்மா காந்தி நடு இர­வில் ஒரு பெண் தங்க நகை­களை அணிந்து கொண்டு சுதந்­தி­ர­மாக நட­மாடி சென்று பத்­தி­ர­மாக வீடு திரும்­பி­கின்ற பொழுது சுதந்­தி­ரம் என்று தெரி­வித்­தி­ருந்­தார். அது இந்­தி­யா­வி­லேயே கடைப்­பி­டிக்­கக் கூ­டிய மாநி­ல­மாக தமிழ்­நாடு தான் இருக்­கி­றது. மற்ற மாநி­லத்­திற்கு எல்­லாம் தமி­ழக வெற்­றிக் கழக தலை­வர் விஜய் சென்று பார்த்­து­விட்டு வரட்­டும். அங்கு பெண்­க­ளின் நிலைமை எப்­படி இருக்­கி­றது இரவு 10 மணிக்கு மேல் நட­மாட முடி­கி­றதா என்று. நம்மை நாமே காப்­பாற்­றிக் கொள்ள வேண்­டும் என்று சொல்­லு­கின்ற விஜய்க்கு இதைத்­தான் பதி­லாக சொல்­கின்­றோம். தய­வு­செய்து வெளியே சென்றுபாருங்­கள். பக்­கத்து மாநி­லம்பீகா­ரில் சென்று பாருங்­கள் ஒரி­சா­வில் பாருங்­கள் வேறு மாநி­லத்­திற்குச் சென்று பாருங்­கள் அங்கே எல்­லாம் பார்த்­து­விட்டு வந்து இந்­தி­யா­வி­லேயே பாது­காப்­பான மாநி­லம் தமிழ்­நாடு என்று நிரூ­பிக்­கின்­றோம். இல்­லை­யென்­றால் நீங்­கள் என்ன சொன்­னா­லும் மக்­கள் எங்­களை நம்­பு­வார்­கள் மக்­கள் மத்­தி­யில் நாங்­கள் விளக்­கு­வோம்.

யார் அந்த சார் என்­பது அந்த சாருக்கு தான் தெரி­யும். யார் அந்த சார் என்­பது விசா­ர­ணை­யில் தெரி­ய­வ­ரும் நாங்­கள் இல்லை அந்த சார் எல்­லாம்.

அரசு விதி­க­ளுக்கு உட்­பட்­ட­தால் அரசு அதி­கா­ரி­கள் பேட்டி கொடுக்­கி­றார்­கள். இந்த விவ­கா­ரத்­தில் அதி­கா­ரி­கள் அவ­ச­ரப்­பட்­டார்­களா என்­பதை ஐ.பி.எஸ். படித்த மூன்று பெண் துணை ஆணை­யர்­களைநீதி­மன்­றம் நிய­மித்­துள்­ளது.அந்­தக் குழு விசா­ரித்து உண்­மையை வெளிக்­கொண்­டு­வ­ரும்.

எங்­கடா காலை­யில் பிணம் விழும் என்று பிணம் கொத்தி கழுகு என்று சொல்­வதை போல எந்த பிண­மா­வது விழுந்­தால் அதை வைத்து அர­சி­யல் ஆதா­யம் தேட­லாமா என்று பார்க்­கின்ற பரி­தா­ப­க­ர­மான நிலை­யில் லண்­டன் சென்று படித்­து­விட்டு வந்­தி­ருக்­கின்ற பா.ஜ.க. மாநில தலை­வர் அண்­ணா­ம­லை­யின் நிலைமை இருக்­கி­றது என்று தெரி ­வித்­தார்.