காஞ்சிபுரம், பிப். 2–
தமிழ்நாடு சவரத்தொழிலாளர் சங்கச் செயலாளர் எம்.ருக்மாங்கதன் விடுத்துள்ள அறிக்கை வருமாறு:–
ஏழை எளிய தொழிலாளர்களின் வாழ்வாதாரத்தை உயர்த்தும் வகையில் எங்கள் நெஞ்சில்நீக்கமற நிறைந்திருக்கும் முத்தமிழ் அறிஞர் கலைஞர் அவர்களின் பெயரிலே தங்கள் சிந்தனை யில் உதித்த திட்டம் கலைஞர் கைவினை திட்டம், தந்தை பெரியார், பேரறிஞர் அண்ணா, முத்தமிழ் அறிஞர் கலைஞர் ஆகியோரின் வழியில் ஏழை எளிய மக்களின் அரணாக நின்று கலைஞர் கைவினை திட்டம் என்னும் முத்தான திட்டத்தை தந்து சமூக நீதி உரிமைகளைநிலைநாட்டுகின்ற வகையில் வரலாறு படைத்து வான்புகழ் போற்றும் வல்லமை பெற்ற தலைவராகதங்களை காண்கிறோம்.
கல்வி மற்றும் வேலை வாய்ப்புகளில் இன்னமும் ஏற்றம் கண்டிராத சவரத் தொழிலாளர்களின் வாழ்வில் சங்கநாதமாய் வாழ்க்கையை வள மாக்கும் விதமாய் தொழிலாளர்களின் வாழ்க்கையை மேம்படுத்தும் வகையில் கார்ப்பரேட் கடைகளுக்கு இணையாக தொழில் வளத்தை நவீனப்படுத்தும் விதமாக தொழில் பயிற்சியும் தந்து மானியத்துடன் கடன் உதவியும் அளிக்கும் திட்டத்தை அள்ளித்தந்த வள்ளலே தங்களை நாடு முழுவதும் உள்ள சவரத் தொழிலாளர்கள் என்றைக்கும் மறக்க மாட்டார்கள் நாடறியும் வகையில் தங்களுக்கு நன்றி சொல்ல கடமைப்பட்டிருக்கின்றோம்.
இவ்வாறு அவர் தமது அறிக்கையில் கூறியுள் ளார்.