முதலமைச்சர் மு.க.ஸ்டாலின் அவர்கள் தூத்துக்குடி மாவட்டத்தில் சமூக நலன் மற்றும் மகளிர் உரிமைத் துறை சார்பில், புதுமைப்பெண் திட்டத்தில் விரிவாக்க திட்டத்தை தொடங்கி வைத்ததையொட்டி இராமநாதபுரம் மாவட்டம், கீழக்கரை முகமது சதக் பொறியியல் கல்லூரியில் மாவட்ட ஆட்சித் தலைவர் சிம்ரன் ஜீத் சிங் காலோன் தலைமையில், பால்வளத்துறை மற்றும் கதர்த்துறை அமைச்சர் ஆர்.எஸ். ராஜ கண்ணப்பன், புதுமைப்பெண் விரிவாக்க திட்டத்தின் கீழ் மாணவிகளுக்கு பற்று அட்டைகளை வழங்கினார். இராமநாதபுரம் மாவட்டக் கழகச் செயலாளர் காதர் பாட்ஷா முத்துராமலிங்கம் எம்.எல்.ஏ., பரமக்குடி சட்டமன்ற உறுப்பினர் செ.முருகேசன், முன்னாள் அமைச்சர் வ. சத்தியமூர்த்தி மற்றும் மாநில விவசாய அணி துணைச் செயலாளர் குணசேகரன் மற்றும் இராமநாதபுரம் நகர் மன்ற தலைவர் ஆர்.கே.கார்மேகம்,துணைத் தலைவர் பிரவீன் தங்கம், ஒன்றிய கவுன்சிலர் வழக்கறிஞர் கே. கதிரவன், கீழக்கரை நகர் மன்றத் தலைவர் ஆபிதா, துணைத் தலைவர் ஹமீதுசுல்தான், திருப்புல்லாணி ஒன்றிய தலைவர் புள்ளாணி உட்பட அரசு அதிகாரிகள், மாவட்ட, ஒன்றிய, நகர, கிளைக் கழக நிர்வாகிகள் ஏராளமானோர் கலந்து கொண்டனர்.