#Title

அலங்காநல்லூர் ஜல்லிக்கட்டு விழாவிற்கு துணை முதல்வர் உதயநிதி ஸ்டாலின் வருகை! – நாளை மதுரை வடக்கு மாவட்டச் செயல்வீரர்கள் கூட்டம்! மாவட்டச் செயலாளர் – அமைச்சர் பி.மூர்த்தி அறிக்கை!

மதுரை, ஜன. 2 –

கழக இளைஞரணி செயலாளர், துணை முதல்வர் உதயநிதி ஸ்டாலின் அவர்கள் வருகிற 16-ஆம் தேதி உலகப் புகழ்பெற்ற தமிழர்களின் வீர விளையாட்டான அலங்காநல்லூர் ஜல்லிக்கட்டு விழாவில் பங்கேற்று சிறப்பிக்க உள்ளதால் அது தொடர்பாகவும் கழக ஆக்கப் பணிகள் குறித்தும் வருகிற மூன்றாம் தேதி மதுரை வடக்கு மாவட்ட செயல்வீரர்கள் கூட்டம் நடைபெற உள்ளதாக மாவட்டச் செயலாளர், அமைச்சர் பி.மூர்த்தி தமது அறிக்கையில் தெரிவித்துள்ளார் அதன் விபரம்

தமிழர்களின் பாரம்பரியமிக்க வீர விளையாட் டான அலங்காநல்லூர் ஜல்லிக்கட்டு உலக புகழ் பெற்றதாகும். இத்தகைய ஜல்லிக்கட்டு தடை பட்ட போது முதலில் சட்டப் போராட்டம் கண்டு மீட்டுக் கொடுத்தவர் முத்தமிழ் அறிஞர் தலைவர் கலைஞர் ஆவார். அதேபோல் மீண்டும் தடை கண்ட ஜல்லிக்கட்டை மீட்டெடுக்க பெரும் முயற்சி கொண்டவர் கழகத் தலைவர் முதல்வர் மு.க.ஸ்டாலின் ஆவார் என்பதை நாடே அறியும்.

இத்தனை பெருமைமிக்க உலகப் புகழ்பெற்ற அலங்காநல்லூர் ஜல்லிக்கட்டு வருகிற 16.01.2025 ஆம் தேதி வியாழக்கிழமை வெகு சிறப்பாக நடை பெறுகிறது.

அதனையொட்டி முக்கியத்துவம் வாய்ந்த தமிழர்களின் பாரம்பரிய வீர விளையாட்டான ஜல்லிக்கட்டு விழாவை துவக்கி வைக்க வருகை தரும் கழக இளைஞரணி செயலாளர், தமிழ்நாடு துணை முதல்வர் உதயநிதி ஸ்டாலின் அவர்களுக்கு சிறப்பான வரவேற்பு கொடுப்பது மற்றும் கழக ஆக்கப் பணிகள் குறித்த மதுரை வடக்கு மாவட்ட செயல் வீரர்கள் கூட்டம் வருகிற 03.01.2025 வெள்ளிக்கிழமை காலை 10 மணிக்கு மதுரை ஆலத்தூரில் அமைந்துள்ள பி.ஆர். திருமண மஹாலில் நடைபெற உள்ளது.

இந்த சிறப்புமிக்க செயல்வீரர்கள் கூட்டத் தில் மாவட்ட, மாநில கழக நிர்வாகிகள், தலைமை செயற்குழு, பொதுக்குழு உறுப்பினர்கள், ஒன்றிய, நகர, பகுதி, வட்டக் கழக, பேரூர் கழக செயலாளர்கள் மற்றும் நிர்வாகிகள், அனைத்து அணிகளின் அமைப்பாளர்கள், துணை அமைப்பாளர்கள், உள்ளாட்சி பிரதிநிதிகள், கிளை கழகச் செயலாளர்கள் மற்றும் நிர்வாகிகள், கழக முன்னோடிகள், கழகத்தினர் என அனைவரும் தவறாது பங்கேற்று சிறப்பிக்குமாறு வடக்கு மாவட்ட செயலாளர், வணிகவரி மற்றும் பதிவுத்துறை அமைச்சர் பி.மூர்த்தி தமது அறிக்கையில் கழகத்தினருக்கு வேண்டுகோள் விடுத்துள்ளார்.