சிவகங்கை, ஜன. 2 –
சிவகங்கை மாவட்டம் காளையார்கோவில் புனித மைக்கேல் பொறியியல் கல்லூரி வளாகத்தில் தமிழக முதல்வரின் அரசு உதவி பெறும் பள்ளியில் படித்து தமிழ் வழியில் பயிலும் உயர் கல்வி மாணவர்களுக்கான ஆயிரம் ரூபாய் வழங்கும் புதுமைப்பெண் திட்ட விரிவாக்க துவக்க விழா மாவட்ட ஆட்சியர் திருமதி ஆசாஅஜித் தலைமையில் திருமதி தமிழரசி ரவிக்குமார் எம்.எல்.ஏ. முன்னி லையில் நடைபெற்றது. மாவட்ட சமூகநல அலு வலர் திருமதி ரதிதேவி வரவேற்று பேசினார் . இந்த நிகழ்ச்சியில் மாவட்ட அளவில் புதிதாக 26 81 மாணவி களுக்குமாதம்தோறும் ரூபாய் 1000 வழங்கும் புதுமைப்பெண் திட்டத்திற் கான வங்கி காசோலை கணக்கினை வழங்கி கூட்டுறவுத் துறை அமைச்சர் கே.ஆர்.பெரியகருப்பன் பேசியதாவது .
தமிழக முதல்வர் அவர்களால் அறிவிக்கப்பட்டுள்ள புதுமைப்பெண் திட்டம் கடந்த இரண்டு ஆண்டுகளில் மாணவ – மாணவியர்களிடையே மிகப்பெரிய வரவேற்பை பெற்றுள்ளது. ஆண் பெண் இருபாலரும் கல்வி பெற வேண்டும் .அதில் குறிப்பாக பெண்கள் கல்வி அறிவு பெற வேண்டும்.பெண்கள் அதிக அளவில் படித்தால்தான் அந்த கிராமமும் முன்னேறும் வீடும் முன்னேறும். நாடு முன்னேறும் .என்ற அடிப்படை திட்டத்தின் கீழ் புதுமைப்பெண் திட்டத்தினை முதல்வர் செயல்படுத்தி வருகிறார். இந்தியாவிலேயே தமிழக அரசு உயர் கல்வியில் முதலீடம் பெற்ற மாநிலமாக திகழ்ந்து வருகிறது. தமிழக முதல்வர் தலைமையிலான திராவிட அரசு பெண்கள் முன்னேற்றத்திற்கான அரசுஆகும். கழகம்ஆட்சிக்கு வரும்போது எல்லாம் பெண்கள் வாழ்வில் முன்னேற்றம் ஏற்படுகிறது. கழகத் தலைவர் கலைஞர் அவர்கள் முதல்வராக இருந்த போது சொத்தில் பெண்களுக்கு சம உரிமை சட்டம் கொண்டு வந்தார். பள்ளி, கல்லூரி வரை படிப்பிற்கான நிதி உதவிகளை செய்து வந்தார் .பேரறிஞர் அண்ணா, தலைவர் கலைஞர் வழியில் தமிழக முதல்வர் தளபதி அவர்களும்பெண்கள் உயர் கல்வி படிக்க வேண்டும் என்ற எண்ணத்தில் ஆயிரம் ரூபாய் புதுமைப்பெண் திட்டத்தினை செயல்படுத்தி வருகிறார். இத் திட்டம் தேர்தல் வாக்குறுதியில் கூறப்படாத திட்ட மாகும் பெண்கள் வாழ்வில் ஒளி ஏற்ற வேண்டும். அவர்கள் வாழ்க்கையில் முன்னேற வேண்டும்.அவர்கள் சுயமாக நிற்க வேண்டும் என்ற அடிப்படையில் தமிழக முதல்வர் அவர்களின்எண்ணத்தில் உருவான உயர்ந்த திட்டம் ஆகும். இத்திட்டத்தினால் கடந்த இரண்டு ஆண்டுகளில் பள்ளி, கல்லூரியில் படிக்கும் மாணவ – மாணவியர்களின் எண்ணிக்கை அதிகரித்து வருகின்றது .இதனால் தமிழகத்தில் கல்வி வளர்ச்சி அதிகரிக்கும் . தமிழகத்தில் சுமார் 8 லட்சம் பேர் இத்திட்டத்தில் மாதம் ரூபாய் ஆயிரம் பெற்று வருகிறார்கள். கல்வியின் தரமும் தமிழகத்தில் சிறப்பாக உள்ளது. முதல்வர் அவர்கள் தந்தை ஸ்தா னத்திலிருந்து உங்களை படிக்க வைக்க வேண்டும் என்று இத்திட்டங்களை செயல்படுத்தி வருகிறார். அரசிற்கு பல்வேறு நிதி நெருக்கடிகள் இருந்தாலும் இத்திட்டத்தினை செயல்படுத்துவதில் முதல்வர்
அவர்கள் முனைப்பாக உள்ளார்.
சிவகங்கை மாவட்டத்தில் ஏற்கனவே 57கல்லூரிகளில் 4500 மாணவ மாணவிகளுக்கு மாதம்தோறும் ரூபாய் ஆயிரம் வழங்கப்பட்டு வருகின்றது .இன்று முதல் புதிதாக 49 பள்ளிகளில் 26 81 மாணவிகளுக்கு இத்திட்டம் செயல்படுத்தப்படுகிறது. ஆக மொத்தம் 71 81 மாணவிகளுக்கு மாதந்தோறும் ரூபாய் 1000 வழங்கப்பட்டு வருகின்றது. எல்லோருக்கும் எல்லாம் என்ற திராவிடமாடல் ஆட்சியின் கொள்கைதான் இதுஆகும்.
தமிழக அரசின் பல்வேறு திட்டங்களை ஒன்றிய பிரதமர் மோடி தலைமையிலான ஒன்றிய அரசு பல்வேறு மாநில தலைமைச் செயலாளர்களுக்கு தமிழக அரசின் திட்டங் களை செயல்படுத்த வேண்டும் என்று ஆணையிட்டுள்ளார்கள் .இது நமது மாநிலத்திற்கு கிடைத்த மிகப்பெரிய ஒரு பாராட்டாகும். பேரறிஞர் அண்ணா, தலைவர் கலைஞர் வழியில் திராவிட மாடல்ஆட்சியில் பெண்கள் முன்னேற்ற த்திற்காக பாடுபட்டு வரும் கழக தலைவர் தளபதி அவர்களுக்கு தொடர்ந்து நீங்கள் ஆதரவினை தர வேண்டும்.
தொடர்ந்து நீங்கள் நன்றாக படித்து வாழ்க்கையில் முன்னேற வேண்டும்.
இவ்வாறு அமைச்சர் கே.ஆர்.பெரியகருப்பன் பேசினார்.
இந்த நிகழ்ச்சியில் புனித ஸ்டாலின் மைக்கேல் கல்லூரிகளின் தாளாளர் எம்.ஸ்டாலின் ஆரோக்கியராஜ், மண்டல கூட்டு றவு இணைப்பதிவாளர் ராஜேந்திர பிரசாத் ,கோட்டாட்சியர் விஜயகுமார், வட்டாட்சியர் முபாரக், மத்திய கூட்டுறவு வங்கி மேலாளர் திருமதி உமா மகேஸ்வரி, முன்னோடி வங்கி மேலாளர் பிரவீன் குமார் ஆகியோர் கலந்து கொண்டார்கள்.
தேவகோட்டை சேவுகன் அண்ணாமலை கல்லூரி மாணவி தீபிகா, சிவகங்கை அரசு மகளிர் கலைக் கல்லூரி மாணவி வெண்ணிலா ஆகியோர் முதல்வரின் புதுமைப் பெண் திட்டத்தி னால் குறித்து தாங்கள் பயன் பெற்றது குறித்து எடுத்துரைத்தார்கள் .
இந்த நிகழ்ச்சியில் மாவட்ட இளைஞர் அணி அமைப்பாளர் நாகனி செந்தில் குமார், செயற்குழு உறுப்பினர் அ.முகமது, பேரூராட்சி மன்றத் தலைவர் திருமதி கோகில ராணி நாராயணன், ஒன்றிய செய லாளர்கள் துரை.ராஜாமணி, யோக.கிருஷ்ண
குமார்,வே.ஆரோக்கியசாமி ஆர்.எம்.கென்னடி, திருமலை முத்துராம லிங்கம் எம்.அண்ணாதுரை, மானாமதுரை ஒன்றிய குழு தலைவர் திருமதி லதாஅண்ணாதுரை,நாகனிரவி. ,நா.நெடுஞ்செழியன், கா.வெங்கட்ராமன், ஒன்றிய துணை செயலாளர் முத்துக்குமார், மெ. காளிமுத்து, சன்சீமான்சுப்பையா, மாவட்ட மாணவரணி அமைப்பாளர் கதி.ராஜ்குமார், வர்த்தக அணி ருக்மாசரவணன் மானாமதுரை நகர மன்ற துணை தலைவர் பாலா சுந்தர் மானாமதுரை நகர செயலாளர் க.பொன்னுச்சாமி உட்பட கல்லூரி மாணவ – மாணவிகள் கலந்து கொண்டார்கள்.