காஞ்சி தந்த காவியத்தலைவர் பேரறிஞர் அண்ணா அவர்களின் 56வது நினைவு நாளையொட்டி கழகத் தலைவர் முதல்வர் மு.க.ஸ்டாலின் அவர்கள் தலைமையில் கழகப் பொதுச்செயலாளர் துரைமுருகன், கழகப் பொருளாளர் டி.ஆர். பாலு, அமைச்சர் பெருமக்கள் மற்றும் கழக முன்னணியினர் பிப்ரவரி 3–ம் நாள் திங்கட்கிழமை காலை 7.00 மணிக்கு காமராஜர் சாலையில் அமைந்துள்ள பேரறிஞர் அண்ணா நினைவிடத்தில் மலர் வளையம் வைத்து அஞ்சலி செலுத்துகிறார்கள். இந்த அமைதிப் பேரணி வாலாஜா சாலையில் உள்ள பேரறிஞர் அண்ணா சிலை அருகில் இருந்து புறப்பட்டு அண்ணா சதுக்கத்தை சென்றடையும்.

ஆகவே இந்த அமைதிப் பேரணிக்கு சென்னை மேற்கு மாவட்டத்திற்கு உட்பட்ட சட்டமன்ற உறுப்பினர்கள், பகுதி செயலாளர்கள், மாவட்ட நிர்வாகிகள், மாநில நிர்வாகிகள், தலைமை செயற்குழு, பொதுக்குழு உறுப்பினர்கள், வட்டக் கழக செயலாளர்கள், அனைத்து அணிகளின் மாவட்ட / பகுதி/ வட்ட அமைப்பாளர், தலைவர், துணைத்தலைவர், துணை அமைப்பாளர்கள் பகுதி / வட்ட கழக நிர்வாகிகள், மாவட்ட பிரதிநிதிகள், மாமன்ற உறுப்பினர்கள், முன்னாள் / இந்நாள் கழக நிர்வாகிகள் மற்றும் கழக முன்னணியினர் அனைவரும் பெருந்திரளாக தவறாமல் கலந்து கொள்ளுமாறு கேட்டுக்கொள்கிறோம்.

நே.சிற்றரசு

செயலாளர், -சென்னை மேற்கு மாவட்ட தி.மு.க.