திருவாரூர், ஜன. 2–
திருவாரூரில் தி.மு.க. சட்டத்துறை மத்திய மண்டலம் இரண்டின் வழக்கறிஞர் அணி ஆலோசனைக் கூட்டம் மாவட்டச் செயலாளர் பூண்டி கே.கலைவாணன் எம்.எல்.ஏ. தலைமையில் நடைபெற்றது.
மாநில சட்டத்துறை இணைச் செயலாளரும், மண்டலம் இரண்டின் பொறுப்பாளருமான வழக்கறிஞர் சூர்யா வெற்றிகொண்டான் , தலைமைக்கழக வழக்கறிஞர் நாகை மு.தினேஷ் குமார் சிறப்பு அழைப்பாளராக பங்கேற்றனர். கூட்டத்தை மாவட்ட வழக்கறிஞர் அணி அமைப்பாளர் வழக்கறிஞர் என்.விநாயக மூர்த்தி ஒருங்கிணைத்து நடத்தினார்.
கூட்டத்தில் சிறப்புரையாற்றிய மாவட்ட செயலாளர் பூண்டி.கே.கலைவாணன் எம்.எல்.ஏ. வழக்கறிஞர் சேம நல நிதிக்கு திருவாரூர் மாவட்ட கழகம் சார்பில் தனது பங்களிப்பாக ரூபாய் ஐந்து லட்சம் வைப்புத்தொகை வழங்குவதாக அறிவித்தார்.
கூட்டத்திற்கு மாவட்ட அமைப்பாளர் என்.விநாயக மூர்த்தி வரவேற்புரையாற்ற ,நகர செயலாளர் வாரை.எஸ்.பிரகாஷ் ,ஒன்றிய செயலாளர்கள் புலிவலம் ஏ.தேவா, சேகர் கலிய பெருமாள், நா.கவியரசு, ஐ.வி.குமரேசன் ஆகியோர் முன்னிலை வகித்தனர். மாவட்ட வழக்கறிஞர் அணி தலைவர் வழக்கறிஞர் ஜி.பஞ்ச மூர்த்தி நன்றி கூறினார். மாவட்ட வழக்கறிஞர் அணி நிர்வாகிகள் கோவி.கண்ணன், டி.செல்லப்பா, எம்.குமணவள்ளல், என்.மகாலெட்சுமி,ஜி.வீரகுமார், ஜி.சிலம்பரசன் உள்ளிட்டோர் பங்கேற்றனர்.
இந்த ஆலோசனை கூட்டத்தில் எதிர்வரும் சென்னை சட்டத்துறை மாநாட்டில் பங்கேற்றல், 2026சட்டமன்ற தேர்தலில் கழக கூட்டணி 200க்கும் அதிகமான இடங்களில் வெற்றிபெற உழைப்பது, வழக்கறிஞர் அணிக்கு புதிய உறுப்பினர்களை சேர்ப்பது, உலக செஸ் சாம்பியன் குகேஷ்க்கு வாழ்த்துக்களை தெரிவித்தல், துணை முதல்வர் உதயநிதி ஸ்டாலின் அவர்களின் சிறப்பான செயல்பாடுகளுக்கு பாராட்டுக்கள் தெரிவித்தல், சட்டமேதை அண்ணல் அம்பேத்காரை அவ மதித்த பா.ஜ.க. உள்துறை அமைச்சர்அமித்ஷாவுக்கு கண்டனம் உள்ளிட்ட தீர்மானங்களும், மறைந்த முன்னாள் பிரதமர் மன்மோகன்சிங் அவர்களுக்கு இரங்கல் தீர்மானமும் நிறை
வேற்றப்பட்டது.
நாகை மாவட்ட தி.மு.க. செயற்குழு கூட்டம் நாகையில் மாவட்டக் கழக அலுவலகத்தில் கூட்ட அரங்கில் நடைபெற்றது. கூட்டத்தில் நாகை மாவட்டக் கழகச் செயலாளர் என்.கௌதமன் பேசினார். உடன் சட்ட மன்ற தொகுதி பார்வையாளர்கள் ஆர்.அருள்செல்வம், இரா.சங்கர், வி.ஜெயபிரகாஷ், தாட்கோ தலைவர் உ.மதிவாணன், மாநில விவசாய அணி துணைத்தலைவர் எஸ்.கே.வேதரத்தினம், தலைமைச் செயற்குழு உறுப்பினர்கள் க.இராஜேந்திரன், ப.கோவிந்தரசான், இல.மேகநாதன், மறைமலை, மாவட்டக் கழக நிர்வாகிகள் மு.லோகநாதன், ஆரூர்.மணிவண்ணன், சோ.ரவிச்சந்திரன், மாநில மீனவர் அணி துணைச் செயலாளர் ஜி.மனோகரன் மற்றும் பலர் உள்ளனர்.