கிருஷ்ணகிரி, ஜன.2–
கிருஷ்ணகிரி மற்றும் தர்மபுரி மாவட்ட திமுக வழக்கறிஞர்கள் அணி ஆலோசனை கூட்டம் நடந்தது. இணை செயலாளர் தாமரைச்செல்வன், கிருஷ்ணகிரி கிழக்கு, மேற்கு, தர்மபுரி கிழக்கு, மேற்கு மாவட்ட வழக்கறிஞர்கள் அணி ஆலோசனைக் கூட்டம் கிருஷ்ணகிரியில் நடந்தது. கூட்டத்திற்கு கிருஷணகிரி கிழக்கு மாவட்ட செயலாளர் மதியழகன் எம் எல்ஏ., தலைமை வகித்தார்.
கிருஷ்ணகிரி கிழக்கு மாவட்ட வழக்கறிஞர்கள் அணி அமைப்பாளர் வெங்கடேஷ் ராஜா, மேற்கு மாவட்ட அமைப்பாளர் திம்மராயப்பன், தர்மபுரி கிழக்கு மாவட்ட அமைப்பாளர் சந்திரசேகர், மேற்கு மாவட்ட அமைப்பாளர் சிவம் ஆகியோர் முன்னிலை வகித்தனர். கூட்டத்திற்கு இணைச் செயலாளர் தாமரைச் செல்வன், சட்டத்துறை துணைச் செயலாளர் மருது கணேஷ் ஆகியோர் பஙகேற்று ஆலோசனை வழங்கி பேசினர். கிருஷ்ணகிரி மேற்கு மாவட்ட செயலாளர் பிரகாஷ் எம்.எல்.ஏ., தர்மபுரி மேற்கு மாவட்ட செயலாளர் பழனியப்பன், கிழக்கு மாவட்ட செயலாளர் தடங்கம் சுப்பிரமணி ஆகியோர் பேசினர். ஓசூர் மாநகராட்சி மேயர் சத்யா வாழ்த்துரை வழங்கினார். கூட்டத்தில், வரும் 2025ம் ஆண்டு ஜனவரி மாதம் 12ம் தேதி
சென்னையில் தி.மு.க., சட்டத்துறையின் சார்பில் நடக்கும் 3வது மாநில மாநாட்டில் கிருஷ்ணகிரி, கிழக்கு, மேற்கு, தர்மபுரி கிழக்கு, மேற்கு மாவட்டங்களின் சார்பில், 500 வழக்கறிஞர்கள் கலந்து கொள்வது எனவும் . அரூரில் கூடுதல் மாவட்ட நீதி மன்றம் அமைக்க வேண்டும். போச்சம்பள்ளியில் சார்பு நீதிமன்றம் அமைக்க வேண்டும். வழக்கறிஞர்கள் சேமநல நிதியினை ₹10 லட்சமாக உயர்த்தி வழங்கிய தமிழக முதல்வருக்கு நன்றி தெரிவிப்பது. 2026ல் நடக்க உள்ள சட்டமன்ற தேர்தலில், 7வது முறையாக தி.மு.க. வெற்றி பெற்று முதல்வர் மு.க.ஸ்டாலினை மீண்டும்
முதலமைச்சராக்கிட வழக்கறிஞர் அணி அயராது பாடுபடும். சூளகிரியில் தமிழக அரசு விரைவாக நீதிமன்றத்தை அமைக்க வேண்டும் என்பது உள்ளிட்ட தீர்மானங்கள் நிறைவேற்றப்
பட்டன.
கூட்டத்திற்கு கிருஷ்ண கிரி கிழக்கு , மேற்கு தர்மபுரி கிழக்கு, மேற்கு மாவட்ட துணை, அமைப்பாளர்கள், தலைவர்கள், துணை தலைவர்கள், அரசு வழக்கறிஞர்கள் மற்றும் கழக வழக்கறிஞர்கள், பெண் வழக்கறிஞர்கள் ஏராளமானோர் கலந்துக்கொண்டு சிறப்பித்தார்கள்
தர்மபுரி கிழக்கு மாவட்ட அமைப்பாளர் சந்திரசேகர் நன்றி உரையாற்றினார்.