சென்னை,ஜன.13–

“அரசு அலுவலகங்களுக்கு வரும் பொதுமக்களிடம் கனிவுடன் நடந்து அவர்களின் குறைகளை தீர்த்திட நடவடிக்கை எடுக்க வேண்டும்” என்று முதல்வர் மு.க.ஸ்டாலின் அவர்கள் தன்னை சந்தித்த புதிய மாவட்ட ஆட்சித் தலைவர்களிடம் வலியுறுத்தினார்.

புதி­தாக நிய­மிக்­கப்­பட்­டுள்ள மாவட்ட ஆட்­சித் தலை­வர்­கள் முத­ல­மைச்­சர் மு.க.ஸ்டாலின் அவர்­களைசந்­தித்து வாழ்த்துப் பெற்­ற­னர்.

முத­ல­மைச்­சர் மு.க.ஸ்டாலின் அவர்­களை நேற்று (1.2.2025) தலை­மைச் செய­ல­கத்­தில், புதி­தாக நிய­மிக்­கப்­பட்­டுள்ள மாவட்ட ஆட்­சித் தலை­வர்­­­க­ளான ஆர்.சதீஷ் (தரு­ம­புரி), எஸ்.சர­வ­ணன் (திண்­டுக்­கல்),எம்.பிர­தாப் (திரு­வள்­ளூர்), சி.தினேஷ்குமார் (கிருஷ்­ண­கிரி), எஸ்.சேக் அப்­துல் ரகு­மான் (விழுப்­பு­ரம்),கே.தர்­ப­க­ராஜ் (திரு­வண்­ணா­மலை), வி.மோக­ன­சந்­தி­ரன் (திருப்­பத்­தூர்),டாக்­டர் ஆர்.சுகு­மார் (திரு­நெல்­வேலி), திரு­மதி கே.சிவ­ச­வுந்­த­ர­வள்ளி (திரு­வா­ரூர்) ஆகி­யோர் சந்­தித்து வாழ்த்­துப் பெற்­ற­னர்.

இந்­தச் சந்­திப்­பின்­போது, முத­ல­மைச்­சர் அவர்­கள் புதிய மாவட்ட ஆட்­சித் தலை­வர்­க­ளி­டம் உரை­ யாற்­றியபோது,

இன்று முதல் மக்­க­ளு­டன் நேரடி தொடர்­பில் களத்­தில் இருக்­கப் போகும் நீங்­கள், அர­சின் முத்­திரை திட்­டங்­கள், அன்­றா­டம் செயல்­ப­டுத்­தும் திட்­டங்­கள், மக்­கள் நலத்­திட்­டங்­கள், இவற்­றுக்­கெல்­லாம் முத்­தாய்ப்­பாக, அடிப்­படை தேவை­களை நிறை­ வேற்ற வேண்­டிய திட்­டங்­க­ளில் அதி­கம் கவ­னம் செலுத்த வேண்­டும் என்­றும், அரசு அலு­வ­ல­கங்­க­ளுக்கு சென்று திடீர் ஆய்வு மேற்­கொள்ள வேண்­டும் என்­றும் அறி­வு­றுத்­தி­னார்.

மேலும், மக்­கள் குறை தீர்ப்பு முகாம் மனுக்­கள் மீதும், முதல்­வ­ரின் முக­வரி மனுக்­கள் மீதும் சிறப்பு கவ­னம் செலுத்தி, தீர்வு காணப்­பட வேண்­டும் என்­றும் தெரி­வித்­தார்.

மக்­க­ளின்

குறை­களை தீர்த்­தி­டு­வீர்!

அரசு அலு­வ­ல­கங்­க­ளுக்கு வரும் மக்­க­ளி­டம் கனி­வு­டன் நடந்து கொண்டு, அவர்­க­ளின் குறை­களை அங்­கேயே தீர்த்து வைப்­ப­தற்­கான முயற்­சி­யில் ஈடு­பட வேண்­டும் என்­றும், சட்­டம் ஒழுங்கை நிலை­நாட்­டு­வ­தில் மாவட்ட காவல் கண்­கா­ணிப்­பா­ளர்­க­ளு­டன் மாவட்­டங்­க­ளில் உள்ள பிரச்­சினை­கள் குறித்து கலந்­தா­லோ­சித்து தீர்வு காண வேண்­டும் என்­றும் அறி­வு­றுத்­தி­னார்.

மக்கள் பாராட்­டும்­படி

நடந்து கொள்­வீர்!

ஒவ்­வொரு மாவட்­ட­மாக தொடர்ந்து சுற்­றுப்­ப­ய­ணம் மேற்­கொண்டு வரும்­போது, அங்கு மக்­களை சந்­திக்­கின்­ற­போது, அவர்­கள் எங்­கள் மாவட்ட ஆட்­சித்­த­லை­வர் சிறந்த மாவட்ட ஆட்­சித் தலை­வர் என்று பாராட்­டும்­ப­டி­யாக பணி­யாற்ற வேண்­டும் என்று கேட்­டுக் கொண்­டார்.

மக்­க­ளின் பாராட்­டைப் பெற்ற முத­ல­மைச்­ச­ரின் காலை உண­வுத் திட்­டம், மக்­க­ளைத் தேடி மருத்­து­வம் திட்­டம் போன்ற திட்­டங்­க­ளின் செயல்­பா­டு­களை நேர­டி­யாக களத்­திற்கு சென்று ஆய்வு செய்ய வேண்­டும்என்­றும், கலை­ஞர் மக­ளிர் உரி­மைத்தொகை திட்­டம், புது­மைப் பெண் திட்­டம், தமிழ் புதல்­வன் திட்­டம் போன்ற திட்­டங்­களை கவ­ன­மாக கண்­கா­ணித்து திட்­டங்­கள் தகு­தி­யுள்ள ஒவ்­வொ­ரு­வ­ருக்­கும் சென்று சேர்­வதை உறு­திப்­ப­டுத்த வேண்­டும் என்­றும் கேட்­டுக் கொண்டு, மாவட்ட ஆட்­சித் தலை­வ­ராக பணி­யாற்ற இருக்­கும் அனை­வ­ருக்­கும் தனது பாராட்­டு­ க­ளை­யும் வாழ்த்­துக்­க­ளை­யும் முத­ல­மைச்­சர் அவர்­கள் தெரி­வித்­துக் கொண்­டார்.

இந்த நிகழ்­வின்­போது, தலை­மைச் செய­லா­ளர் நா.முரு­கா­னந்­தம், பொதுத்­துறை செய­லா­ளர் திரு­மதி ரீட்டா ஹரீஷ் தக்­கர் மற்­றும் அரசு உயர் அலு­வ­லர்­கள் உட­னி­ருந்­த­னர்.