புது­டெல்லி, பிப். 2 –

ஒன்­றிய நிதி­நிலை அறிக்­கை­யில் தமிழ்­நாட்­டிற்கு புதிய திட்­டங்­கள் எது­வும் அறி­விக்­கப்­ப­டா­தது அதிர்ச்­சியை ஏற்­ப­டுத்­தி­யுள்­ளது. தமிழ்­நாட்டை தொடர்ந்து வஞ்­சிக்­கும் ஒன்­றிய அர­சுக்கு பல்­வேறு தரப்­பி­ன­ரும் கடும் கண்­ட­னம் தெரி­வித்­துள்­ள­னர்.

2025–2026 ஆம் நிதி­யாண்­டிற்­கான நிதி நிலை அறிக்­கையை, நிதி­ய­மைச்­சர் நிர்­மலா சீதா­ரா­மன் நாடா­ளு­மன்­றத்­தில் தாக்­கல் செய்­தார். அதில், பா.ஜ.க. ஆளும் பீகார் மற்­றும் டெல்லி உள்­ளிட்ட வட­மா­நி­லங்­க­ளுக்கு ஏரா­ள­மான புதிய திட்­டங்­கள் அறி­விக்­கப்­பட்­டுள்­ளன. அதே­நே­ரம், ஒன்­றிய பட்­ஜெட்­டில் தமிழ்­நாட்­டிற்கு எந்த நிதி­யும் ஒதுக்­கீடு செய்­யப்­ப­ட­வில்லை. தமிழ்­நாட்­டிற்கு புதிய ரயில் திட்­டங்­கள், சென்னை மெட்ரோ ரயில் 2ம் கட்ட திட்­டத்­திற்­கான நிதி, கோவை மற்­றும் மதுரை மெட்ரோ ரயில் திட்­டங்­கள் உள்­ளிட்­ட­வை­க­ளுக்கு நிதி ஒதுக்­க­வேண்­டும் என, முத­ல­மைச்­சர் மு.க.ஸ்டாலின் அவர்கள் தொடர்ந்து வலி­யு­றுத்தி வந்­தார்.

தமிழ்நாடு என்ற

சொல்லே இல்லை!

ஆனால், தற்­போது தாக்­கல் செய்­யப்­பட்ட பட்­ஜெட்­டி­லும் தமிழ்­நாட்­டிற்கு புதிய திட்­டங்­கள் எது­வும் அறி­விக்­கப்­ப­டா­தது அதிர்ச்­சியை ஏற்­ப­டுத்­தி­யுள்­ளது. மேலும், கடந்த ஆண்டை போன்று இந்த நிதி­நிலை அறிக்­கை­யி­லும் தமிழ்­நாடு என்ற வார்த்­தையை கூட, நிதி­ய­மைச்­சர் நிர்­மலா சீதா­ரா­மன் உச்­ச­ரிக்­க­வில்லை. தமிழ்­நாட்டைத் தொடர்ந்து வஞ்­சிக்­கும் ஒன்­றிய அர­சுக்கு பல்­வேறு தரப்­பி­ன­ரும் கடும் கண்­ட­னம் தெரி­வித்­துள்­ளனர்.

புதிய வரு­மான வரி சட்­டம் அடுத்த வாரம் நாடா­ளு­மன்­றத்­தில் தாக்­கல் செய்­யப்­ப­டும் என பட்­ஜெட்­டில் நிதி­ய­மைச்­சர் நிர்­மலா சீதா­ரா­மன் அறி­வித்­துள்­ளார். காப்­பீட்­டுத் துறை­யில் 100 சத­வீத நேரடி அன்­னிய முத­லீட்­டுக்கு அனு­மதி வழங்­கப்­பட்­டுள்­ள­தா­க­வும் அவர் கூறி­னார்.

நடுத்­தர வர்க்­கத்­தி­ன­ருக்­கான 12 லட்­சம் வரை வரு­மான வரி கிடை­யாது என்று கூறப்­பட்­டுள்­ளது.

புதிய வரு­மான வரி திட்­டத்­தில் 12 லட்­சம்ரூபாய் வரை வரு­மான வரி கிடை­யாது என்­றும் இந்த புதிய வரு­மான வரி சலுகை மூலம் நடுத்­தர மக்­கள் பயன்பெறு­வார்­கள் என்று தெரி­விக்­கப்­பட்­டுள்­ளது. அதன்­படி, மாத ஊதி­யம் ஒரு லட்­சம் ரூபாய் வரை பெறு­வோர் இனி வரி கட்­டத் தேவை­யில்லை என்­றும் இதற்கு முன்பு 3 லட்­சம் ரூபாய் வரை ஆண்டு வரு­மா­னம் பெறு­வோ­ருக்கு வரி விலக்கு அளிக்­கப்­பட்­டி­ருந்­தது குறிப்­பி­டத்­தக்­கது.

பீகாருக்கு

கூடுதல் திட்டங்கள்!

நாடா­ளு­மன்­றத்­தில் ஒன்­றிய நிதி­நிலை அறிக்­கையை தாக்­கல் செய்த நிதி­ய­மைச்­சர் நிர்­மலா சீதா­ரா­மன், பீகா­ருக்கு ஏரா­ள­மான திட்­டங்­களை அறி­வித்­துள்­ளார். அதன்­படி, பீகார் மாநில விவ­சா­யி­கள், கூட்­டு­றவு அமைப்­பு­க­ளுக்­கான புதிய திட்­டங்­கள் அறி­விக்­கப்­பட்­டுள்­ளது. தேசிய உணவு தொழில்­நுட்­பம் மற்­றும் மேலாண்மை பயி­ல­கம் தொடங்­கப்­ப­டும் எனத் தெரி­விக்­கப்­பட்­டுள்­ளது.

உதான் திட்­டத்­தின் கீழ் பீகா­ரில் புதிய விமான நிலை­யங்­கள் உரு­வாக்­கப்­ப­டும் என்­றும் ஏற்­கெ­னவே இருக்­கும் பாட்னா விமான நிலை­ய­மும் விரி­வாக்­கம் செய்­யப்­ப­டும் என்­றும் கூறப்­பட்­டுள்­ளது. பீகா­ரில் பசுமை விமா­ன­ நி­லை­யம் உட்­பட புதி­தாக 3 விமான நிலை­யங்­கள் அமைக்­கப்­ப­டும் என ஒன்­றிய பட்­ஜெட்­டில் அறி­விக்­கப்­பட்­டுள்­ளது.

மேலும், பாட்­னா­வில் உள்ள ஐ.ஐ.டி. விரி­வாக்­கம் செய்­வ­தற்­கான நட­வ­டிக்­கை­கள் மேற்­கொள்­ளப்­ப­டும் என்­றும் நிர்­மலா சீதா­ரா­மன் தெரி­வித்­தார். சட்­டப்­பே­ர­வைத் தேர்­தலை மன­தில் வைத்து பீகா­ருக்கு மட்­டும் அதிக திட்­டங்­களை அறி­வித்­தி­ருப்­ப­தாக காங்­கி­ரஸ் உள்­ளிட்ட எதிர்க்­கட்­சி­கள் குற்­றச்­சாட்­டி­யுள்­ளன.