துணை முதலமைச்சர் உதயநிதி ஸ்டாலின் அவர்களை நேற்று முன்தினம் (31.1.2025) பஹ்ரைன் நாட்டில் நடைபெற்ற முதலாவது உலக பாரா டேக்வாண்டோ சாம்பியன்ஷிப் போட்டியில் 1 தங்கம், 3 வெள்ளி, 3 வெண்கலம் என மொத்தம் ஏழு பதக்கங்களை வென்ற தமிழ்நாடு மாற்றுத்திறனாளிகள் சந்தித்து வாழ்த்து பெற்றதுடன், இப்போட்டியில் பங்கேற்க 15 மாற்றுத்திறனாளி வீரர்களுக்கு தமிழ்நாடு சாம்பியன்ஸ் அறக்கட்டளை சார்பில் செலவின தொகையாக ரூ. 18.75 லட்சம் வழங்கியதற்காக தமிழ்நாடு முதலமைச்சர் மற்றும் தமிழ்நாடு துணை முதலமைச்சர்ஆகியோருக்கு நன்றி தெரிவித்தனர். இந்நிகழ்வில் இளைஞர் நலன் மற்றும் விளையாட்டு மேம்பாட்டுத்துறை அரசு கூடுதல் தலைமைச் செயலாளர் முனைவர் அதுல்ய மிஸ்ரா, தமிழ்நாடு விளையாட்டு மேம்பாட்டு ஆணைய உறுப்பினர் செயலர் ஜெ.மேகநாத ரெட்டி மற்றும் பயிற்றுநர்கள், பெற்றோர் உடனிருந்தனர்.