சிவகங்கை. பிப்.2–
நாளை 3ம்தேதி பேரறிஞர் அண்ணா வின் 56வது ஆண்டு நினைவு நாளை முன்னிட்டு சிவகங்கை மாவட்டம் முழுவதும் அமைதிப்பேரணி நடைபெறுகிறது.
இதுகுறித்து கூட்டுறவுத் துறை அமைச்சரும் சிவகங்கை மாவட்ட கழக செயலாளருமான கேஆர். பெரிய கருப்பன் விடுத்துள்ள அறிக்கையில் கூறியுள்ளதாவது:–
காஞ்சி மாநகர் தந்த காவியத்தலைவர் , உலகத்தமிழர்கள் உள்ளங்களில் எல்லாம் சிம்மாசனம் போட்டு கொலு வீற்றிருக்கும் செந்தமிழ் அறிஞர், தமிழ் மொழிக்காகவும், தமிழர்கள் மேம்பாட்டுக்காகவும் அல்லும் பகலும் அயராது பணியாற்றி ஓயாது பாடுபட்ட உத்தமதலைவர், , கழகத்தை உருவாக்கிய பேரறிஞர் அண்ணா அவர்களின் 56வது ஆண்டு நினைவு நாள் நாளை 3ம் தேதி அனுசரிக்கப்படுகிறது. கடமை, கண்ணியம், கட்டுப்பாடு, ஆகிய கட்சி கொள்கையினை வெளியிட்டும் அந்தக் கொள்கையின் வழியில் வாழ்நாள் முழுவதும் வாழ்ந்த பேரறிஞர் பெருந்தகை அண்ணா அவர்கள் நினைவு நாள் நாளை 3ம்தேதி அனுசரிக்கப்படுகிறது.
நாளை காலை சிவகங்கை மாவட்டத்தில் உள்ள மானாமதுரை, சிவகங்கை, திருப்பத்தூர், காரைக்குடி, சிங்கம்புணரி. ஆகிய ஊர்களில் உள்ள பேரறிஞர் அண்ணாவின் திருஉருவச்சிலைக்கு மாலை அணிவித்து. மரியாதை செலுத்தப்படுகிறது. மற்ற இடங்களில் ஒன்றிய ,நகர, பேரு ர் கழக செயலாளர்கள் பேரறிஞர் அண்ணா அவர்களின் திருஉருவப்படத்தினை மலர்மாலை களால் அலங்கரித்து மலர்தூவி அவரது புகழினை போற்றும் வகையில் நினைவஞ்சலி செலுத்துமாறு கேட்டுக் கொள்கிறேன்.
இந்த நிகழ்ச்சியில் மாவட்ட கழக நிர்வாகிகள், அந்தந்த பகுதி ஒன்றிய, நகர , பேரூர் கழகச் செயலாளர்கள், செயற்குழு, பொதுக்குழு உறுப்பினர்கள், சார்புஅணி நிர்வாகி கள், உள்ளாட்சி பிரதிநிதி கள் கலந்து கொண்டு அஞ்சலி நிகழ்ச்சியில் பங்கேற்குமாறு கேட்டுக்கொள்கிறேன் .
இவ்வாறு அமைச்சர் கே ஆர். பெரியகருப்பன்விடுத்துள்ள அறிக்கையில் கூறியுள்ளார். நாளை காலை 9.00மணியளவில் திருப்பத்தூரில் அமைச்சரும், மாவட்ட கழக செயலாளருமான கேஆர்.பெரியகருப்பன் தலைமையில் சட்டமன்ற உறுப்பினர் அலுவலகத்திலிருந்து அமைதிப்பேரணி துவங்கி மதுரை சாலையில் உள்ள பேரறிஞர் அண்ணா சிலைக்கு மாலை அணிவித்து மரியாதை செலுத்தப்படுகிறது.