சென்னை மார்ச் 3 –

இந்­திய பொரு­ளா­தார வளர்ச்­சி­யில் தமிழ்­நாடு முக்­கிய பங்கு வகிக்­கி­றது என்று சென்னை ஐஐ­டி­யில் நடை­பெற்ற தொழில்­நுட்­பக் கண்­காட்சி தொடக்­க­வி­ழா­வில் மத்­திய கல்வி இணை அமைச்­சர் சுகாந்தோ மஜும்­தார் பாராட்டு தெரி­வித்­தார்.

சென்னை ஐ.ஐ.டி.-யில் ஆராய்ச்சி மற்­றும் மேம்­பாடு தொடர்­பான 2 நாள் தொழில்­நுட்ப கண்­காட்சி நேற்று முன்­தி­னம் தொடங்­கி­யது. இந்த கண்­காட்­சியை மத்­திய கல்வி இணை அமைச்­சர் சுகாந்தோ மஜும்­தார் தொடங்­கி­வைத்­துப் பேசி­ய­தா­வது: –

கல்வி, ஆராய்ச்சி மற்­றும் மேம்­பாடு, புதுமை கண்­டு­பி­டிப்பு ஆகிய துறை­க­ளில் சென்னை ஐஐடி தொடர்ந்து தலை­சி­றந்து விளங்கி வரு­கி­றது. தேசிய அள­வில் சிறந்த தொழில்­நுட்­பக் கல்வி நிறு­வ­னங்­க­ளின் தர­வ­ரி­சை­யில்(என்­ஐ­ஆர்­எப் ரேங்க்) சென்னைஐஐடி தொடர்ந்துமுத­லி­டத்தை தக்­க­வைத்து வரு­கி­றது.

அந்த வகை­யில் ஆராய்ச்சி மற்­றும் மேம்­பாடு தொடர்­பான தொழில்­நுட்­பக் கண்­காட்சி இங்கு நடத்­தப்­ப­டு­வது பொருத்­த­மா­ன­தா­கும்.

புதுமை, கண்­டு­பி­டிப்­பு­கள், ஆராய்ச்சி மற்­றும் மேம்­பாடு, தொழில்­மு­னைவு உள்­ளிட்­ட­வற்­றில் முன்­னணி மாநி­ல­மாக திக­ழும் தமி­ழ­கம், இந்­திய பொரு­ளா­தார வளர்ச்­சி­யி­லும் முக்­கிய பங்கு வகிக்­கி­றது. இந்­திய தொழில்­து­றை­யின் வளர்ச்­சிக்கு அடித்­த­ள­மாக திக­ழும் மிகப்­பெ­ரிய தொழி­ல­தி­பர்­கள் தமி­ழ­கத்­தைச் சேர்ந்­த­வர்­க­ளாக உள்­ள­னர். இந்­திய நாட்டை தொழில்­நுட்ப சக்­தி­யாக மாற்­று­வ­தில் தமி­ழ­கத்­தின் பங்­க­ளிப்பு அளப்­ப­ரி­யது. உலக அள­வில் உற்­பத் ­தித் துறை­யில் இந்­தியா புதிய தலை­மை­யாக மாறி வரு­வ­தி­லும் தமி­ழ­கத்­துக்கு முக்­கிய பங்கு உண்டு.

வரும் 2047- ம் ஆண்­டுக்­குள் இந்­தியா வல்­ல­ர­சா­க­வும் ஸ்டார்ட்- – அப் நிறு­வ­ னங்­க­ளின் தேச­மா­க­வும் மாறும். அந்த இலக்கை விரை­வாக எட்­டு­வ­தில் உயர்­கல்வி நிறு­வ­னங்­கள் முக்­கிய பங்­காற்றி வரு­கின்­றன. மத்­திய அரசு புதுமை, கண்­டு­பி­டிப்­பு­கள், தொழில்­நுட்ப தீா்வுகள், ஆராய்ச்சி துறை­க­ளுக்கு அதிக முக்­கி­யத்­து­வம் அளித்து வரு­கி­றது. ஆராய்ச்­சித் துறை­யில் கணி­ச­மான முத­லீடு செய்­துள்­ளது. மத்­திய பட்­ஜெட்­டில் ரூ.1.2 லட்­சம் கோடி கல்­விக்கு ஒதுக்­கீடு செய்­யப்­பட்­டுள்­ளது. அதில் குறிப்­பி­டத்­தக்க தொகை ஆராய்ச்­சிக்­கும் தொழில்­நுட்ப மேம்­பாட்­டுக்­கும் ஒதுக்­கப்­பட்­டுள்­ளன. ஆராய்ச்­சிக்கு உகந்த சூழலை உரு­வாக்க பல்­வேறு புதிய திட்­டங்­களை மத்­திய அரசு செயல்­ப­டுத்தி வரு­கி­றது.

இவ்­வாறு அவர் பேசி­னார்.

விழா­வில் ஐஐடி இயக்­கு­நர் வி.காம­கோடி, டீன் மனு சந்­தா­னம், அகில இந்­திய தொழில்­நுட்­பக் கல்வி கவுன்­சில் (ஏஐ­சி­டிஇ) டி.ஜி.சீத்­தா­ராம், டிஆர்­டிஓ டைரக்­டர் ஜென­ரல் (தொழில்­நுட்­பம்) மங்­கல் லால் சந்த் உள்­ளிட்­டோர் கலந்­து­கொண்­ட­னர்.

இந்­தக் கண்­காட்­சி­யில் 85-க்கும் மேற்­பட்ட அரசு, தனி­யார் துறை நிறு­வ­னங்­கள், கல்வி நிறு­வ­னங்­க­ளின் அரங்­கு­கள் இடம்­பெற்­றுள்­ளன. அதில் செயற்கை நுண்­ண­றிவு தொழில்­நுட்­பம், ட்ரோன் தொழில்­நுட்­பம், ஏவு­கணை தொழில்­நுட்­பம், சூரிய மின்­சா­ரம், காற்­றாலை சக்தி, ரோபோட்­டிக்ஸ் தொழில்­நுட்­பம், மனி­தர்­க­ளின் உரு­வத்­தைப் பெற்­றி­ருக்­கும் ஹியூ­ம­னாய்டு ரோபோக்­கள் தொடர்­பான தொழில்­நுட்­பங்­கள் மற்­றும் மாதி­ரி­களை காண­லாம். இந்த கண்­காட்சி நேற்று முன்தினம் (சனிக்­கி­ழமை) நிறை­வ­டைந்­தது.