தமிழ்நாடு முழுவதும் 2025-–2026 ஆம் கல்வியாண்டிற்கான மாணவர் சேர்க்கை தொடங்கப்படுவதையொட்டி நேற்று முன்தினம் (1.3.2025) சென்னை, திருவல்லிக்கேணி, லேடி வில்லிங்டன் அரசு மாதிரி பெண்கள் மேல்நிலைப் பள்ளியில், தமிழ்நாடு முதலமைச்சர் மு.க. ஸ்டாலின் அவர்கள் மாணவர்களுக்கான சேர்க்கை ஆணையை வழங்கினார். இந்நிகழ்வின்போது, துணை முதலமைச்சர் உதயநிதி ஸ்டாலின், பள்ளிக்கல்வித்துறை அமைச்சர் அன்பில் மகேஸ் பொய்யாமொழி, நாடாளுமன்ற உறுப்பினர் தயாநிதி மாறன், பள்ளிக் கல்வித் துறை அரசு முதன்மைச் செயலாளர் மருத்துவர் பி.சந்தர மோகன், மாநகராட்சி பணிகள் குழு தலைவர் நே.சிற்றரசு, பள்ளிக் கல்வித் துறை இயக்குநர்கள் முனைவர் கண்ணப்பன், முனைவர் பழனிச்சாமி, முனைவர் பூ.ஆ, நரேஷ், அரசு உயர் அலுவலர்கள், தலைமை ஆசிரியர், ஆசிரியர்கள் மற்றும் மாணவர்கள் கலந்து கொண்டார்கள்.