தஞ்சை வடக்கு மாவட்ட திமுக சார்பில் கும்பகோணம் பைபாஸ் சாலையில் உள்ள கலைஞர் கோட்டத்தில் தமிழ்நாடு முதலமைச்சர், கழகத் தலைவர் மு.க.ஸ்டாலின் அவர்கள் பிறந்த நாளை முன்னிட்டு மாவட்ட கழக நிர்வாகிகள் க.நசீர் முகமது, ஜெ.நடராஜன் ஆகியோர் தலைமையில் குடந்தை மேற்கு ஒன்றிய செயலாளர் எஸ்.கே.முத்துச்செல்வன், கிழக்கு ஒன்றிய செயலாளர் ஜெ.சுதாகர், மாவட்ட மாணவர் அணி அமைப்பாளர் க.செந்தில் குமார் ஆகியோர் முன்னிலையில் முத்தமிழறிஞர் கலைஞர் அவர்களின் திருவுருவச் சிலைக்கு மாலை அணிவித்து மலர் தூவி மரியாதை செலுத்தப்பட்டது. அதனை தொடர்ந்து தமிழக முதலமைச்சர் அவர்களின் வேண்டுகோளுக்கிணங்க தமிழ்நாட்டு நலன்களையும், எதிர்காலத்தையும் யாருக்காகவும் எதற்காகவும் விட்டுத்தர மாட்டோம். தமிழ்நாட்டின் உரிமைகளுக்காக ஒன்றுபட்டு போராடுவோம், தமிழ்நாடு போராடும், தமிழ்நாடு வெல்லும் என்று உறுதிமொழி எடுத்துக்கொண்டனர்.