முதலமைச்சர் அவர்களின் பிறந்தநாளை முன்னிட்டு மருத்துவர் திட்டக்குடி செந்தில் எழுதிய “வாழும் பெரியார்-அம்பேத்கர்-அண்ணா-கலைஞர்-முத்துவேல் கருணாநிதி ஸ்டாலின்” என்ற நூல் அறிமுக விழா தி.மு.க. மருத்துவ அணி சார்பாக சென்னை தேனாம்பேட்டையில் உள்ள அன்பகத்தில் 27-.2.-2025 அன்று நடைபெற்றது. இவ்விழா திமுக மருத்துவ அணி செயலாளர் மற்றும் ஆயிரம் விளக்கு சட்டமன்ற உறுப்பினர் மருத்துவர் எழிலன் நாகநாதன்ம், திமுக மருத்துவ அணி தலைவர், மாநிலங்களவை உறுப்பினர் மருத்துவர் கனிமொழி என்.வி.என். சோமு தலைமை ஏற்றனர். இதில் கழகத் துணைப் பொதுச் செயலாளரும் மேனாள் ஒன்றிய அமைச்சருமான ஆ.இராசா எம்.பி. அவர்கள் கலந்து கொண்டு சிறப்புரையாற்றினார்கள். இவ்விழாவில் தொழிலாளர் நலன் மற்றும் திறன் மேம்பாட்டு துறை அமைச்சர் சி.வி.கணேசன் முன்னிலை வகித்தார். மேலும் இவ்விழாவில் பேராசிரியர் சுப வீரபாண்டியன், மாநிலங்களவை உறுப்பினர் எம்.எம். அப்துல்லா, திட்டக்குழுத் துணைத் தலைவர் முனைவர் ஜெயரஞ்சன் ஆகியோர் பங்கேற்று மிகச் சிறப்பான கருத்துகளை எடுத்துரைத்தனர். ஏற்புரை மருத்துவர் திட்டக்குடி செந்தில், வரவேற்புரை பதிப்பாளர் கதிர் ஆர்.எஸ். நிகழ்த்தினார்கள். ஊடகவியலாளர் இந்திரகுமார் தேரடி நிகழ்ச்சியைத் தொகுத்து வழங்கினார்.