சென்னை, மார்ச் 3–
முதலமைச்சர் கழகத்தலைவர் அவர்களின் பிறந்நாள் தமிழர் எழுச்சி நாளாக கழக மீனவர் அணியினர் நல உதவிகள் வழங்கி மாநிலம் முழுவதும் கொண்டாடுவோம் என தி.மு.க. மீனவர் அணி மாநில நிர்வாகிகள் கூட்டத்தில் தீர்மானம் நிறைவேற்றப்பட்டது.
தி.மு.க. மாநில நிர்வாகிகள் அவசர ஆலோசனைக் கூட்டம் 27.-02.-2025 அன்று காலை 10 மணியளவில் திருவெற்றியூர் கே.பி.சங்கர் எம்.எல்.ஏ. இல்லத்தில் மாநில துணைத் தலைவர்கள் கே.பி.சங்கர் எம்.எல்.ஏ., இரா.மதிவாணன் ஆகியோர் முன்னிலையில் மீனவர் அணிச் செயலாளர் அ.ஜோசப் ஸ்டாலின் தலைமையில் நடைபெற்றது.
கூட்டத்தில் மாநிலத் துணைசெயலாளர்கள் வீ.பி.பொன்னரசு, மு.தம்பித்துரை, ஜி. மனோகரன், க.எரிக் ஜீடு, வக.ஜெயபிரகாஷ், சி. புளோரன்ஸ், ஆர். பத்மநாபன் ஆகியோர் கலந்து கொண்டு ஆலோசனைகள் வழங்கினர்.
கூட்டத்தில் நிறைவேற்றப் பட்ட தீர்மானங்கள் வருமாறு:
மார்ச் 1-ல் 72-வது பிறந்தநாள் விழா காணும் முதலமைச்சர் கழகத்தலைவர் தேசம் வியக்கும் திராவிட நாயகர் முக. ஸ்டாலின் அவர்களின் பிறந்த நாளை கழக மீனவர் அணியினர் மாவட்டம், மாநகரம், ஒன்றியம், நகர பகுதிகளிலும், மீனவ கிராமங்கள் தோறும் கழகக் கொடி ஏற்றி, பொதுமக்களுக்கு இனிப்புகள் வழங்கி, நலத்திட்ட உதவிகள் செய்துகொண்டாடவும், மார்ச் மாதம்முழுவதும் மீனவர்களுக்கு படகு போட்டிகள், விளையாட்டு போட்டிகள், பள்ளி குழந்தைகளுக்கு நோட்டுப் புத்தகங்கள், விளையாட்டு உபகரணங்கள் நலிந்த மீனவர்களுக்கு உதவிகள் வழங்கி கொண்டாட வேண்டும் என தீர்மானம் நிறைவேற்றப்பட்டது.
முதலமைச்சர் கழகத்தலைவர் மீனவர் நலன்காக்கும் திராவிட நாயகர் அவர்கள் மீனவர் நலன் சார்ந்து வழங்கிய பல்வேறு நல திட்டங்களுக்காகவும் குறிப்பாக கன்னியாகுமரி மாவட்டம் நீரோடி முதல் பழவேற்காடு வரை உள்ள மீனவ கிராமங்களை இயற்கை சீற்றங்களில் இருந்தும் கடல் அரிப்பு, போன்ற மீனவர்கள் எதிர்கொள்ளும் சவால்களுக்கு உறுதுணையாக, தூண்டில் வளைவுகள் மீன்பிடி இறங்குதளங்கள் துறைமுகங்கள் என தமிழ்நாடு அரசின் சொந்த நிதியிலிருந்து ரூபாய் ஆயிரம்கோடி அளவிற்கு திட்டங்கள் நிறைவேற்றி தந்தமைக்காகவும் கழக மீனவர் அணி சார்பாக நன்றியை தெரிவித்துக்கொள்கிறோம்.
தமிழ்நாட்டிலிருந்து வெளிநாட்டிற்கு மீன்பிடி தொழிலுக்கு செல்லும் மீனவர்கள் கடலில் எதிர்நாட்டு கடற்படையினரால் கைது செய்யப்பட்டு சிறையில் வாடிய மீனவர்களை மீட்பதற்கும் அவர்களின் உரிமைகளுக்காகவும் கழகத்தின் சார்பில் அயலக அணியை உருவாக்கி மீனவர்களை பாதுகாப்பாக தமிழ் நாட்டிற்கு மீட்டு அழைத்து வந்தற்காக நன்றியை தெரிவித்துக்கொள்கிறோம்.
மீனவர் நலன் சார்ந்த முத்தான திட்டங்கள்!
இராமேஸ்வரத்தில் நடைபெற்ற மீனவர் நல மாநாட்டில் கலந்துகொண்ட முதலமைச்சர் மு.க.ஸ்டாலின் அவர்கள் இதுவரை எந்த முதல்வரும் செய்திராத வகையில் அந்த மாநாட்டில் 1000 கோடி ரூபாய் அளவில்மீனவர் நலன் சார்ந்த முத்தான 10 நலத்திட்டங்களை அறிவித்து அதை நிறைவேற்றி தந்தமைக்காவும் நன்றியை தெரிவித்துக் கொள்கிறோம்.
கடந்த 18-.02.-2025 அன்று சென்னை தலைமைச் செயலகத்தில் நடைபெற்ற மீனவர்கள் நன்றி தெரிவிக்கும் நிகழ்வில் இராமேஸ்வரம் மீனவர்கள் வைத்த கோரிக்கைகளை உடனடியாக பரிசீலனை செய்து ரூபாய் 360 கோடி நிதியை ஒதுகீடு செய்து நிறைவேற்றி தந்த மீனவர்களின் காவலர் முதலமைச்சர் – தலைவர் மு.க. ஸ்டா லின் அவர்களுக்கு நன்றியினை தெரிவித்துக்கொள்கிறோம்.
பேரறிஞர் அண்ணா அவர்களால் சிந்தனை சிற்பி சிங்காரவேலர் அவர்கள் மறைக்கப்பட்ட மாமேதை எனவும், முத்தமிழறிஞர் கலைஞர் அவர்களால் சென்னையில் சிந்தனை சிற்பி சிங்கார வேலர் மாளிகை திறக்கப்பட்டதும் சிங்கார வேலர் பெயரில் மீனவர் தொகுப்பு வீடுகள் திட்டம் தந்தது என என்றும் தி.மு.கழகத்தால் போற்றப்படும் சிந்தனை சிற்பி சிங்கார வேலருக்கு மேலும் மகுடமாக சென்னையில் சிங்கார வேலர் நினைவிடம் உள்ள லேடி லெவிங்டன் பள்ளியின் பெயரை சிந்தனை சிற்பி சிங்கார வேலர் பள்ளி என பெயர் மாற்றம் செய்திட வேண்டும் என்று தமிழ்நாட்டில் உள்ள மீனவர் நலச்சங்களின் கோரிக்கையை தமிழ்நாடு முதலமைச்சர் மு.க.ஸ்டாலின் அவர்கள் கனிவுடன் ஆய்வு செய்திட வேண்டும் என கழக மீனவர் அணி சார்பாக கோரிக்கை தீர்மானம் நிறைவேற்றப்பட்டது.
சென்னை உள்ளிட்ட தமிழ்நாடு முழுவதும் வரலாறு காணாத கனமழையால் தத்தளித்தபோதும், புயலால் சேதமடைந்த பகுதிகளுக்கு நேரடியாகச் சென்று மக்களோடு மக்களாக நின்று அவர்களின் தேவைகளை போர்கால அடிப்படையில் நிறைவேற்றி தந்து நிவாரணம் அறிவித்து அவர்கள் துயரத்தில் துணை நின்ற தமிழ்நாடு முதலமைச்சர் முத்துவேல் கருணாநிதி ஸ்டாலின் அவர்களுக்கும், அல்லும் பகலும் கொட்டும் மழையிலும் மக்கள் குறை தீர்க்க களத்தில் நின்ற தமிழ்நாடு துணை முதலமைச்சர் கழக இளைஞரணி செயலாளர் உதயநிதி ஸ்டா லின் அவர்களுக்கும் கழக மீனவர் அணி சார்பாக நன்றியை தெரிவித்துக்கொள்கிறோம்.
ஒன்றிய அரசின் தீய எண்ணம்!
இந்தி திணிப்பை என்றும் எதிர்ப்போம். தமிழ்நாடு அரசுப் பள்ளிகளில் இருமொழிக் கொள்கையில் பயின்று, உலகத்தரத்திற்கு உயர்ந்த பல்லாயிரம் சாதனையாளர்களை பட்டியலிடலாம். தற்போதைய காலகட்டத்தில் பள்ளிக்குச் செல்லும் பிள்ளைகளுக்கு பெரும் சவாலாக உள்ள புத்தகச் சுமைகளை குறைப்பது எப்படிஎன்று பெற்றோர்கள் சிந்திக்கும் வேளையில் கணக்கு, அறிவியல் போன்ற பாடங்களில் உள்ள கடினத் தன்மையை, பெரும் சவாலாக எடுத்து தினமும் நமது மாணவச் செல்வங்கள் கல்வி பயின்று வரும் நிலையில், கல்வியிலும் வேலை வாய்ப்பிலும் மிக மிக தாழ்ந்த நிலையில் உள்ள மீனவர் சமுதாய இளம் தலைமுறையினர் பாரம்பரியமான மீன்பிடி தொழிலை விட்டு, உயர்படிப்புகள் படித்து முன்னேறி வேலை வாய்ப்புகளை பெற வேண்டும் என முயன்று முன்னேறும், வேளையில், இந்தி என்ற மூன்றாவது மொழியை திணித்து வட நாட்டவர் வாழ, தமிழ்நாட்டவர் வேலை வாய்ப்பை பெற முடியாமல் தடுக்கும் ஒன்றிய அரசின் தீய எண்ணத்தால், அதிகார ஆணவத் திமிரோடு கொண்டுவரத் துடிக்கும் மும்மொழி கொள்கையை, கட்டாய இந்தி திணிப்பை தமிழ்நாட்டு மீனவ மக்களும் ஏற்றுக்கொள்ள தயாராக இல்லை மேலும் இன்னொரு மொழிப்போரை தமிழர்கள் மீது திணிக்க வேண்டாம் எனவும் ஒன்றிய கல்வி அமைச்சருக்கும், ஒன்றிய அரசுக்கும் கழக மீனவர் அணி சார்பாக கண்டனத்தை தெரிவித்துக் கொள்கிறோம் என ஏகமனதாக தீர்மானங்கள் நிறைவேற்றப்பட்டன.
மாவட்ட மீனவரணி நிர்வாகிகள்: கே.தேசிங்கு து.அல்லிமுத்து இரா.பிரகாஷ் எம்.எல்.வேலன், எஸ்.செல்வம், டி.மகேந்திரன், ஆர்.குமரன், வி.ரமேஷ் எஸ்.கே.இளங்கோ, ஏ.சுரேஷ், நல்லதம்பி, மதிவாணன், கிருபானந்தம், என்.சண்முகம், குமரன் ஆகியோர் கலந்து கொண்டனர்.
திராவிட இனத்தின் பேரரசர் முத்துவேல் கருணாநிதி ஸ்டாலின் அவர்களின் 72 ஆவது பிறந்த நாளை முன்னிட்டு சென்னை வடக்கு மாவட்டம் சிறுபான்மை நல உரிமை பிரிவு சார்பில் 34 ஆவட்டம் சகாயம் நகரில் மாவட்ட துணைத் தலைவர் டி அசோக்ராஜ் தலைமையில் மாமன்ற உறுப்பினர் திருமதி ஷர்மிளா காந்தி கருணாநிதி இனிப்பு வழங்கினார். நிகழ்ச்சியில் பகுதி பொருளாளர் அ.செந்தூர் பாண்டியன் பகுதி துணைச் செயலாளர் எம் லதா மாவட்ட மாணவர் அணி துணை அமைப்பாளர் ஆர் பி எஸ் சத்தீஸ்வரி தொழிலாளர் அணி தலைவர் சிந்தாமணி பாஸ்கரன் சிறுபான்மை நிலை உரிமை பிரிவு துணை அமைப்பாளர் மகிமைதாஸ் ஆகியோர் கலந்து கொண்டு இனிப்பு வழங்கினர்.