இளம் தலைமுறையினருக்கு, இயக்கக் கொள்கைகளைக் கொண்டுசேர்க்க கழக இளைஞரணி முன்னெடுப்பில், 2023 தமிழர் திருநாளன்று கழகத் தலைவர்- முதலமைச்சர் அவர்கள், `முரசொலி’ பாசறைப் பக்கத்தைத் தொடங்கி வைத்தார்.

764 நாட்களாக கொள்கை உரமூட்டும்-கழக உணர்வூட்டும்- அரசியல் அறிவூட்டும் பல தொடர்களைக் கொண்டு வெளியாகி வரும் பாசறை பக்கம் கழகத் தலைவர் மாண்புமிகு தமிழ்நாடு முதலமைச்சர் மு.க.ஸ்டாலின் அவர்களின் பிறந்த நாளான நேற்று முன்தினம் (1.3.2025) முதல் புதுப்பொலிவு பெறுகிறது.

• எழுத்தாளர் குமரன்தாஸ் எழுத்தில், கலைஞரின் திரையுலகப் படைப்புகளின் பன்முகப் பரிமாணங்களை விளக்கும், `திரைக்கதை-வசனம் கலைஞர் மு.கருணாநிதி’.

• தலைமைக் கழகச் செய்தித் தொடர்புத் துணைச் செயலாளர் சகோதரர் @DrHafeezDMKoffl எழுத்தில், கழகத்துக்கும் சிறுபான்மையினருக்குமான உறவை, உரிமைச் செயல்பாடுகளை விவரிக்கும் `மைனாரிட்டி தி.மு.க.’

• எழுத்தாளர் @PrakashR0307 எழுத்தில், பகுத்தறிவுக் கொள்கைகளை முழுமையாகக் கடைப்பிடிக்கும் ஊர்களைப் பற்றிய `இது பெரியார் மண்’ என திராவிட இயக்கத்தின் தேவையை வலியுறுத்தும், மூன்று புதிய தொடர்கள் வரும் வாரம் முதல் வெளியாகவுள்ளன.

இல்லந்தோறும் வெளிவந்து கொண்டிருந்த `முரசொலி’ பாசறைப் பக்கத்தை இன்று முதல் paasarai.in என்ற இணையதளத்திலும் படித்துப் பயன்பெறும் வகையில். கழக இளைஞர் அணிச் செயலாளர், துணை முதல்வர் உதயநிதி ஸ்டாலின் அவர்கள் தொடங்கி வைத்தார்.

கழகத்தின் கொள்கை ஆயுதமாக, கழக உடன் பிறப்புகளுக்கு கருத்தியல் வலுவூட்டும் `முரசொலி’ பாசறைப் பக்கம் தமிழ்நாடு போராட, தமிழ்நாடு வெல்ல ஓங்கி ஒலிக்கும்!