#Title பிறந்த நாள்: சென்னை – அண்ணா அறிவாலயம் – கலைஞர் அரங்கில் முதல்வர் மு.க.ஸ்டாலினுக்கு கழகத் தோழர்கள் பல்லாயிரவர் திரண்டு வாழ்த்து! நீண்ட வரிசையில் பல மணி நேரம் காத்திருந்து தெரிவித்தனர்! கட்சிகளின் தலைவர்கள், அறிஞர் பெருமக்கள் உள்ளிட்ட அனைத்துத் தரப்பினரும் வாழ்த்து!

சென்னை, மார்ச் 3 –

கழ­கத் தலை­வர், முத­ல­மைச்­சர் மு.க.ஸ்டாலின் அவர்­கள் தமது 72–ஆவது பிறந்­த­நா­ளை­யொட்டி அண்ணா அறி­வா­ல­யம், கலை­ஞர் அரங்­கில் பல்­லா­யி­ரக்­க­ணக்­கான கழ­கத் தோழர்­க­ளின் வாழ்த்­து­க­ளைப் பெற் றார். மேலும் கட்­சித் தலை­வர்­கள், அறி­ஞர் பெரு­மக்­கள் வாழ்த்­துத் தெரி­வித்­த­னர்.

தந்தை பெரி­யா­ரின் சமூக நீதி­யை­யும், பேர­றி­ஞர் அண்­ணா­வின் மாநில சுயாட்­சிக் கொள்­கை­யை­யும், தமி­ழி­னத் தலை­வர் கலை­ஞ­ரின் சமூக நலத் திட்­டங்­க­ளை­யும் மன­தில் தாங்கி திரா­விட மாடல் ஆட்­சியைநடத்­திக் கொண்­டி­ருக்­கும் தி.மு.க. தலை­வ­ர் –முத­ல­மைச்­ச­ர் மு.க.ஸ்டாலி­ன் அவர்களின்72-வது பிறந்­த­நாள் நேற்று கொண்­டா­டப்­பட்டது. முத­ல்வர் மு.க.ஸ்டாலின் அவர்கள் தனது பிறந்­த­நா­ளை­யொட்டி, பேர­றி­ஞர் அண்ணா நினை­வி­டத்­தில் மலர் தூவி மரி­யாதை செலுத்­தி­னார். அப்­போது, தமிழ்­நாட்­டில் என்­றும் ‘இந்தி திணிப்பை எதிர்ப்­போம், மாநி­லத்­தில் சுயாட்சி மத்­தி­யில் கூட்­டாட்சி’ என அய­ராது உழைத்த அண்­ணா­வின் வழி­யில் அனை­வ­ரும் உழைப்­போம் என பேர­றி­ஞர் அண்­ணா­வின் நினை­வி­டத்­தில் முத­ல­மைச்­சர் உறு­தி­மொழி எடுத்­துக்­கொண்­டார்.

இதைத்­தொ­டர்ந்து, முத்­த­மி­ழ­றி­ஞர் கலை­ஞர் நினை­வி­டத்­தில் மலர் வளை­யம் வைத்­தும், மலர் தூவி­யும் முத­ல­மைச்­சர் மு.க.ஸ்டாலின் அவர்கள் மரி­யாதை செலுத்­தி­னார்.

இதை­ய­டுத்து, முத்­த­மி­ழ­றி­ஞர் கலை­ஞர் நினை­வி­டத்­தில் பணி­யாற்­றக்­கூ­டிய 105 ஊழி­யர்­க­ளுக்கு நலத்­திட்ட உத­வி­களை முத­ல்வர் அவர்கள் வழங்­கி­னார்.

இதைத்­தொ­டர்ந்து, சென்னை வேப்­பே­ரி­யில் பெரி­யார் திட­லில் அமைந்­துள்ள, பகுத்­த­றிவுபக­ல­வன் தந்தை பெரி­யார் நினை­வி­டத்­தில், மலர் வளை­யம் வைத்து முத­ல்வர் அவர்கள்மரி­யாதை செலுத்­தி­னார். அப்­போது, திரா­வி­டர் கழ­கத் ­த­லை­வர் கி.வீர­மணி அவர்கள் முத­ல­மைச்­ சருக்கு பெரி­யார் புத்­த­கத்தை வழங்­கி­னார்.

பின்­னர், சென்னை கோபா­ல­பு­ரம் இல்­லம் சென்ற முத­ல­மைச்­சர் மு.க.ஸ்டாலின் அவர்கள், அங்கு முத்­த­மி­ழ­றி­ஞர் கலை­ஞ­ர் அவர்களின் திரு­வு­ரு­வப்­­படத்­திற்கு மலர்­தூவி மரி­யாதை செலுத்­தி­னார்.

தொடர்ந்து, சி.ஐ.டி. கால­னி­யில் உள்ளஇல்­லத்­துக்குச் சென்ற முத­ல­மைச்­சர் அவர்கள், முத்­த­மி­ழ­றி­ஞர் கலை­ஞ­ரின் திரு­வு­ரு­வப்­ப­டத்­ திற்கு மலர்­தூவி மரி­யாதை செலுத்­தி­னார். பின்­னர், ராஜாத்தி அம்­மா­ளி­டம் வாழ்த்துப்பெற்­றார். நாடா­ளு­மன்ற தி.மு.க. குழுத்­த­லை­வ­ரும், கழக துணை பொதுச் செய­லா­ள­ரு­மான கனி­மொழி கருணாநிதி உட­னி­ருந்­தார்.

முத­ல­மைச்­சர் பேட்டி!

சென்னை கோபா­ல­பு­ரத்­தில் முத­ல்வர் மு.க.ஸ்டாலின் அவர்கள் செய்­தி­யா­ளர்­களை சந்­தித்­தார். அப்­போது, “இந்­தித் திணிப்பை தடுப்­பதே தனது பிறந்­த­நாள் கொள்கை” என்று தெரி­வித்­தார். மாநி­லத்­தில் சுயாட்சி வேண்­டும் மற்­றும் இந்­தித் திணிப்பு கூடாது என்­பதே தனது பிறந்­த­நாள் வாழ்த்­துச் செய்தி என்­றும் முத­ல­மைச்­சர் குறிப்­பிட்­டார். தனது கவ­லை­கள் அனைத்­தும், மாநில உரி­மை­கள் பற்­றியே உள்­ள­தா­க­வும் முத­ல­மைச்­சர் மு.க.ஸ்டாலின் அவர்கள் தெரி­வித்­தார்.

அண்ணா அறி­வா­ல­யம், சென்னை!

தி.மு.க. தலை­வர், முத­ல­மைச்­சர் மு.க.ஸ்டாலின் அவர்களின் 72-வது பிறந்­த­நாள் கொண்­டாட்­டத்தில் அமைச்­சர்­கள், நிர்­வா­கி­கள், தொண்­டர்­கள் வாழ்த்து 3 மணி நேரத்­திற்கு மேல் பொது­மக்­களைச் சந்­தித்­து­வாழ்த்­துப் பெற்­றார். முத­ல­மைச்­சர் மு.க.ஸ்டாலின் அவர்கள் கேக் வெட்டி பிறந்­த­நாளை கொண்­டா­டி­னார். முத­ல­மைச்­சர் மு.க.ஸ்டாலின் அவர்கள் தலை­மை­யில் உறு­தி­மொழி ஏற்­றுக்­கொண்­ட­னர். ­த­மிழ்­ நாட்­டின் நலன்­க­ளை­யும், எதிர்­கா­லத்­தை­யும்­யா­ருக்­கா­க­வும், எதற்­கா­க­வும் விட்­டுத்­தர மாட் ­டோம்! தமிழ்­நாட்­டின் உரி­மை­க­ளுக்­காக ஒன்­று­பட்டு போரா­டு­வோம்! தமிழ்­நாடு போரா­டும்; தமிழ்­நாடு வெல்­லும்! இது­தான் ஒரே இலக்கு!

முத­ல­மைச்­சர் மு.க.ஸ்டாலின் அவர்கள் தனது பிறந்த­­நா­ளை­யொட்டி, சென்னை அண்ணா அறி­வா­ல­யத்­தில் கழக நிர்­வா­கி­கள்,தொண்­டர்­களை சந்­தித்து வாழ்த்துப் பெற்­றார்.

முத­ல்வர் மு.க.ஸ்டாலின் அவர்கள் பிறந்­த­நா­ளை­யொட்டி, சென்னை அண்ணா அறி­வா­ல­யம் விழாக்­கோ­லம் பூண்­டுள்­ளது. கழக நிர்­வா­கி­கள் மற்­றும் தொண்­டர்­கள் என பல்­லா­யி­ரக்­க­ணக்­கா­னோர் திரண்டு, முத­ல­மைச்­ச­ரின் பிறந்த நாளை உற்­சா­க­மா­கக் கொண்­டாடி வரு­கின்­ற­னர். காலை முதலே கழக நிர்­வா­கி­க­ளும், தொண்­டர்­க­ளும் திரண்­ட­னர். அண்ணா அறி­வா­ல­யத்­திற்கு வந்த முத­ல­மைச்­சர் அவர்களுக்கு தொண்­டர்­கள் உற்­சாக வர­வேற்­ப­ளித்­த­னர். பின்­னர், அண்ணா அறி­வா­ல­யம் கலை­ஞர் அரங்­கில் முத­ல­மைச்­சர் மு.க.ஸ்டாலின் அவர்களுக்கு கழகப் பொதுச்­செ­ய­லா­ளர் துரை­மு­ரு­கன், பொரு­ளா­ளர் டி.ஆர்.பாலு, முதன்­மைச் செய­லா­ளர் கே.என்.நேரு மற்­றும் அமைச்­சர்­கள், நிர்­வா­கி­கள் வாழ்த்து கூறி­னர். அப்­போது, தமிழ்­நாட்­டின் நல­னை­யும், எதிர்­கா­லத்­தை­யும், யாருக்­கா­க­வும் எதற்­கா­க­வும் விட்­டுத்­தர மாட்­டோம், தமிழ்­நாட்­டின் உரி­மை­க­ளுக்­காகஒன்­று­பட்டு போரா­டு­வோம்! என, முத­ல­மைச்­சர்மு.க.ஸ்டாலின் அவர்கள் தலை­மை­யில்அனை­வ­ரும் உறு­தி­மொழி எடுத்­துக்­கொண்­ட­னர்.

தி.மு.க. கூட்­டணி கட்­சித்­த­லை­வர்­க­ளும் முத­ல­மைச்­சர் அவர்களைச் சந்­தித்து வாழ்த்து தெரி­வித்­த­னர். தமிழ்­நாடு காங்­கி­ரஸ் கட்­சித் தலை­வர், கு.செல்­வப்­பெ­ருந்­தகை, ம.தி­.மு.க. பொதுச்­செ­ய­லா­ளர் வைகோ,மார்க்­சிஸ்ட் கம்­யூ­னிஸ்ட் மாநி­லச் செய­லா­ளர் பெ.சண்­மு­கம், இந்­திய கம்­யூ­னிஸ்ட் மாநில செய­லா­ளர் முத்­த­ர­சன், விடு­தலைச் சிறுத்­தை­கள் கட்­சித்­த­லை­வர்திரு­மா­வ­ள­வன், கம்­யூ­னிஸ்ட்மூத்த தலைவர் ­கள் பால­கி­ருஷ்­ணன், திரா­விட இயக்­கத் தமி­ழர்பேரவை தலை­வர் சுப.வீர­பாண்­டி­யன், திருப்­பூர் அல்­தாப், மக்­க­ளவைஉறுப்­பி­னர் துரை வைகோ உள்­ளிட்­டோர் முத­ல­மைச்­ச­ருக்கு வாழ்த்துத் தெரி­வித்­த­னர்.

கழகத் தலைவர் – முதல்வர் மு.க.ஸ்டாலின் அவர்கள், நேற்று முன்தினம் தமது பிறந்த நாளில், காலையில், தமது குடும்பத்தினருடன் கேக் வெட்டியபோது எடுத்த படம். பொதுச் செயலாளர் துரைமுருகன், திருமதி துர்கா ஸ்டாலின், இயக்குநர் அமிர்தம், துணை முதல்வர் உதயநிதி ஸ்டாலின் உள்ளிட்டோர் உடன் உள்ளார்கள்.