சென்னை, மார்ச் 3 –

கழ­கத் தலை­வர், - முத­ல­மைச்­சர் அவர்­க­ளின் 72-வது பிறந்­த­நாளை முன்­னிட்டு, கழக மக­ளி­ரணி சார்­பில் சென்­னை­யில் ஒருங் கி­ணைக்­கப்­பட்ட மாற்­றுத்­தி­ற­னா­ளி­க­ளுக்கு நலத்­திட்­டங்­கள் வழங்­கும் நிகழ்­வில் கலந்­து­கொண்டு நலத்­திட்­டங்­களை வழங்­கி­னார் தி.மு.க. துணைப் பொதுச் செய­லா­ள­ரும், கழக நாடா­ளு­மன்ற குழுத் தலை­வ­ரு­மான கனி­மொழி கரு­ணா­நிதி.

அப்­போது விழா­வில் அவர் ஆற்­றிய உரை வரு­மாறு–

“தலை­வர் கலை­ஞர் எந்த அள­வுக்கு மாற்­றுத் திற­னா­ளி­கள் மீது, இந்த சமூ­கத்­தின் விளிம்பு நிலை மக்­கள் மீது கவ­னம் செலுத்­தி­னார் என்­பதை எம்.பி. தமி­ழச்சி தங்­கப்­பாண்­டி­யன் குறிப்­பிட்­டுச் சொன்­னார்.

ஒரு அர­சி­யல் கட்சி என்­றால் அதன் திட்­டங்­கள் பெரும்­பா­லும் வாக்கு வங்கி அர­சி­யலை நோக்­கியே இருக்­கும். ஆனால் தலை­வர் கலை­ஞ­ரின் திட்­டங்­கள் அர­சி­யல் நோக்­கம் மட்­டுமே கொண்­ட­தில்லை.

இந்த சமூ­கத்­திலே பெரும் வாக்கு வங்­கி­யாக இல்­லாத மாற்­றுத் திற­னா­ளி­க­ளாக இருக்­கட்­டும், மூன்­றாம் பாலி­னம் என்று சொல்­லக் கூடிய அந்த சகோ­தர சகோ­த­ரி­க­ளாக இருக்­கட்­டும், அவர்­க­ளை­யும் இந்த சமு­தா­யம் உள்­ள­டக்­கி­ய­தாக இருக்க வேண்­டும். ஆட்­சிக் கட்­டி­லிலே இருந்து அவர்­க­ளுக்கு ஒரு கொடை­யா­ளி­யாக உத­வி­கள் செய்­வேன் என்ற அந்த எண்­ணம் கூட இல்­லா­மல், அந்­தத் துறை­களை தன் கையில் வைத்­துக் கொண்டு அவர்­க­ளுக்கு உத­வி­கள் செய்­வ­தைத் தாண்டி உரி­மை­கள் தந்தவர் முத­ல­மைச்­சர் தலை­வர் கலை­ஞர்.

தலை­வர் கலை­ஞர்

ஆட்­சி­யின் நீட்சி!

அவ­ரு­டைய வழி­யில் இன்று முத­ல­மைச்­சர் அண்­ணன் தள­பதி அவர்­கள், செயல்­பட்­டுக் கொண்­டி­ருக்­கி­றார்­கள். எல்லா வகை­யி­லும் தலை­வர் கலை­ஞ­ரின் ஆட்­சி­யின் நீட்­சி­யாக இந்த ஆட்­சியை நடத்­திக் கொண்­டி­ருக்­கும் திரா­விட நாய­கன் தான் தள­பதி அவர்­கள்.

தலை­வர் கலை­ஞர் எந்த காலத்­தி­லும் எந்த நிலை­யி­லும் தமி­ழின், தமிழ்­நாட்­டின், தமி­ழர்­க­ளின் உரி­மை­களை விட்­டுக் கொடுக்­காத தலை­வர். அதே­வ­ழி­யில் இன்று முத­ல­மைச்­சர் அண்­ணன் தள­பதி தனது பிறந்­த­நாள் செய்­தி­யைக் கூட மொழி­யு­ரிமை, மாநில உரிமை நோக்­கித்­தான் முன் வைத்­தி­ருக்­கி­றார்.

பா.ஜ.க.

பத­று­கி­றது!

ஒன்றே ஒன்றை நாம் கவ­னிக்க வேண்­டும். எத்­த­னையோ எதிர்க்­கட்­சி­கள், எத்­த­னையோ தலை­வர்­கள் ஒன்­றி­யத்­தில் இருக்­கும் பா.ஜ.க. ஆட்­சியை எதிர்க்­கி­றார்­கள். ஆனால் திரா­விட முன்­னேற்­றக் கழ­கம், நமது தலை­வர் ஒரு கருத்தை எடுத்து வைக்­கும்­போது பி.ஜே.பி. மொத்­த­மாக பத­று­கி­றது என்­பதை கவ­னிக்­க­வேண்­டும். தமிழ்­நாடு பி.ஜே.பி. முதல் இங்கே வந்த உள்­துறை அமித் ஷா வரை அந்த பதற்­றத்தை நாம் தெளி­வாக பார்க்க முடி­கி­றது.

தேர்­த­லுக்­காக இதை­யெல்­லாம் நாம் பேசு­வ­தாக அவர்­கள் பேசு­கி­றார்­கள். தேசிய அள­வில் தேர்­தல் நடந்து முடிந்து, இன்று ஒன்­றிய ஆட்சி பா.ஜ.க. கையில் இருக்­கி­றது. வரக் கூடிய தேர்­தல் தமிழ்­நாடு சட்­ட­மன்­றத்­துக்­கான தேர்­தல். நான் கேட்­கி­றேன். நாடு முழு­தும் நீங்­கள் வெற்றி பெற்­றீர்­கள். இன்று ஆட்­சி­யில் இருக்­கி­றீர்­கள். அதை மறுப்­ப­தற்­கில்லை. ஆனால் தமிழ்­நாட்­டில் எத்­தனை இடத்­தில் வெற்றி பெற்­றீர்­கள்? தேசிய அள­வி­லான தேர்­த­லி­லேயே நீங்­கள் தமிழ்­நாட்­டில் ஒரு இடம் கூட வெற்றி பெற­வில்லை.

வரக் கூடிய தேர்­தல் சட்­ட­மன்­றத் தேர்­தல். இதில் நீங்­கள் எங்­க­ளுக்கு பொருட்டே இல்லை. உங்­களை எதிர்த்து அர­சி­யலை செய்ய வேண்­டிய அவ­சி­யம் எங்­க­ளுக்கு இல்லை. எங்­கள் தலை­வர் கலை­ஞ­ரின் மகன். இல்­லாத எதி­ரியை உரு­வாக்கி அவர்­களை உட்­கார வைத்து அர­சி­யல் செய்ய வேண்­டிய அவ­சி­யம் அவ­ருக்கு இல்லை.

எதி­ரி­கள் இல்­லாத

களம்!

தேர்­தல் நேரத்­திலே எதைப் பேச வேண்­டும், எந்த பிரச்­சி­னை­களை பேச வேண்­டும், தேர்­த­லில் எங்­க­ளுக்கு யார் எதிரி என்­ப­தெல்­லாம் எங்­க­ளுக்­குத் தெளி­வாக தெரி­யும்.

ஆனால் முத­ல­மைச்­ச­ருக்கு யார் எதிரி என இன்று தெரி­யவே இல்லை. மேடையில் நின்று பார்த்­தால், முத­ல­மைச்­ச­ருக்கு எதி­ரி­கள் இருக்­கி­றார்­களா என்று தெரிய முடி­யாத அள­வுக்கு ஒரு களம் உரு­வா­கி­யி­ருக்­கி­றது.

பா.ஜ.க.வை எதி­ரி­யாக

நினைத்து அர­சி­யல் செய்ய வேண்­டி­ய­தில்லை!

இப்­ப­டிப்­பட்ட சூழ­லிலே இல்­லாத பி.ஜே.­பி.யை எதி­ரி­யாக நினைத்­துக் கொண்டு தக­வ­மைத்து, அவர்­க­ளுக்கு எதி­ராக நாங்­கள் அர­சி­யல் செய்ய வேண்­டிய அவ­சி­யம் இல்லை. நாங்­கள் கேட்­பது, எங்­க­ளது மாண­வர்­க­ளுக்­கான, எங்­க­ளது தமிழ்­நாட்­டுக்­கான உரி­மை­களை. முத­ல­மைச்­சர் கையி­லெ­டுத்­தி­ருப்­பது தமிழ்­நாட்டை காப்­ப­தற்­கான உறு­தி­மொழி. இதை வைத்து பி.ஜே.­பி.க்கு எதி­ராக அர­சி­யல் செய்ய வேண்­டிய அவ­சி­யம் இல்லை. ஏனென்­றால் தமிழ்­நாட்டு அர­சி­யல் களத்­தில் நீங்­கள் இல்­லவே இல்லை.

எதற்­காக இப்­போது திடீ­ரென்று மும்­மொ­ழிக் கொள்­கையை, இந்­தித் திணிப்பை எதிர்க்­கி­றீர்­கள் என்று சிலர் கேட்­கி­றார்­கள். நாம் இது­பற்றி பேச­வில்லை., முத­ல­மைச்­சர் இது­பற்றி முடி­வெ­டுத்து பேச­வில்லை. தமிழ்­நாடு அர­சுக்கு வர­வேண்­டிய கல்வி நிதியை தரா­மல் ஒன்­றிய அர­சாங்­கம் தன் கையில் வைத்­துக் கொண்டு, நீங்­கள் புதிய கல்­விக் கொள்­கையை ஏற்­றுக் கொண்­டால்­தான் நிதி­யைன் தரு­வேன் என்று சொல்­வது மிரட்­டலா இல்­லையா? அந்த மிரட்­டலை, மான­மும், சுய­ம­ரி­யா­தை­யும் உள்ள தமி­ழனோ தமி­ழச்­சியோ ஏற்­றுக் கொள்ள முடி­யுமா? அதைத்­தான் முத­ல­மைச்­சர் அவர்­கள் செய்­கி­றார்­கள்.

என் மாநி­லத்­தில் இருக்­கும் மக்­கள் எந்த மொழியை படிக்க வேண்­டும் என்­பதை நீ நிர்­ண­யம் செய்­யாதே. எத்­தனை மொழி படிக்க வேண்­டும் என்று நீ நிர்­ண­யம் செய்­யாதே. இங்கே இருக்­கும் நாடா­ளு­மன்ற, சட்­ட­மன்ற உறுப்­பி­னர்­க­ளுக்கு எத்­தனை பேருக்கு இந்தி தெரி­யும். தெரி­யாது. அங்கே பணி­யாற்­று­கி­றோம், அங்கே இருப்­ப­வர்­க­ளோடு பழ­கு­கி­றோம். இந்தி தெரி­யா­த­தால் எந்த பிரச்­சி­னை­யும் இல்லை.

இந்­தியை தெரிந்து

கொள்­வ­தால் எந்த லாப­மும் இல்லை!

இங்கே பக்­கத்­தில் அமர்ந்­தி­ருந்த அமைச்­சர், அவ­ரது பிள்ளை லண்­டன் சென்று ஒரு வரு­டம் எல்.எல்.பி. கோர்ஸ் படிப்­ப­தாக பெரு­மை­யோடு கூறி­னார். அவ­ரும் இந்தி தெரி­யா­மல்­தான் போயி­ருக்­கி­றார்.

நமது முத­ல­மைச்­சர் அவர்­கள் உல­கத் தமிழ் ஆராய்ச்சி நிறு­வ­னத்­தின் இயக்­கு­ன­ராக பால­கி­ருஷ்­ணன் அவர்­களை நிய­மித்­துள்­ளார். அவர் இதற்கு முன் ஒரி­சா­வில் அர­சின் ஆலோ­ச­க­ராக பணி­யாற்­றி­யுள்­ளார். தேர்­தல் கமி­ஷ­ன­ராக பல மாநி­லங்­க­ளில் பணி­யாற்­றி­யுள்­ளார். அவ­ருக்கு சுத்­த­மாக இந்தி தெரி­யாது... என்ன நஷ்­டம்?

இன்று தமி­ழர்­க­ளின் உல­கின் பல இடங்­க­ளில் மருத்­து­வர்­க­ளாக, பொறி­யா­ளர்­க­ளாக சிறப்­பாக பணி செய்­கி­றார்­கள். அவர்­க­ளில் எத்­தனை பேருக்கு இந்தி தெரி­யும்? இந்தி தெரிந்­து­கொள்­வ­தால் இங்கே புதிய லாபம் எது­வும் இல்லை. தேவை­யா­னால் இந்­தியை கற்­றுக் கொள்­வோம்.

நிறைய பிள்­ளை­கள் படித்து முடித்­து­விட்டு கொரிய நாட­கம் பார்க்க வேண்­டும் என்­ப­தற்­காக கொரிய மொழி கற்­றுக் கொண்­டி­ருக்­கி­றார்­கள். அத­னால் ஒரு­வர் எத்­தனை மொழி கற்­றுக் கொள்ள வேண்­டும், மூன்­றா­வ­தாக எந்த மொழியை கற்க வேண்­டும் என்­ப­தெல்­லாம் தனிப்­பட்ட முறை­யிலே எடுக்க வேண்­டிய முடிவு. மூன்று மொழி படிக்க வேண்­டும், மூன்­றா­வது மொழி­யாக இந்தி படிக்க வேண்­டும், அது­தான் பெருமை என்று திணிக்­கும்­போ­து­தான். இந்தி படிக்­க­வில்­லை­யென்­றால் நிதி தர மாட்­டோம் என்று சொல்­லும்­போ­து­தான் முத­ல­மைச்­சர் கொதித்­தெ­ழு­கி­றார்.

தொகுதி வரையறை

பா.ஜ.க. பதறுவது ஏன்?

அதேபோல தொகுதி வரையறை பற்றி முதலமைச்சர் பேசினால், பி.ஜே.பி. பதறுகிறார்கள். இன்னும் நடக்கவே இல்லை அதைப் பற்றி பேசுகிறீர்களே என்று கேட்கிறார்கள். நடந்துவிட்டால் அதுபற்றி பேச முடியுமா? இவ்வளவு நாள் பேசாமல் ஏன் இருந்தீர்கள் என்று அப்போது கேட்பார்கள்.

ஆனால் தொகுதி மறுசீரமைப்பு நடைபெறும் என்பதை சமீபத்தில் பேசிய அமித் ஷா கூட மறுக்கவில்லை. அதற்கு முன்பே நாடாளுமன்றத்தில் தொகுதி சீரமைப்பு பற்றிய கேள்விக்கு, நடைபெறும் என்று தெளிவாக பதில் சொல்லியிருக்கிறார்கள்.

அதுமட்டுமல்ல. பெண்கள் இட ஒதுக்கீடு மசோதா கொண்டு வரப்பட்ட போது, தொகுதி சீரமைப்புக்குப் பிறகு தான் இது நடைமுறைக்கு வரும் என்றும் தெளிவாக சொல்லப்பட்டி ருக்கிறது. எனவே தொகுதி சீரமைப்பு நடைபெறப் போகிறது. அது மக்கள் தொகை அடிப்படையில் நடைபெற்றால் நாங்கள் மிகப்பெரிய இழப்புக்கு ஆளாவோம் என்றுதான் அப்போதில் இருந்தே சொல்லி வருகிறோம்.

இப்போது 39 எம்.பி.க்கள் இருக்கி றோம், அது 31 ஆகும். அதன் பின் இன்னும் குறையும். நமக்கு மட்டுமல்ல கேரளா, ஆந்திரா, கர்நாடகா போன்ற மாநிலங்களுக் கும் இதே நிலைதான். ஆனால் தேர்தல் பிரச்சாரத்துக்கு கூட நம் மாநிலத்துக்கெல்லாம் வர மாட்டார்கள். நாம் சொல்லும் எதுவும் அவர்கள் காதில் ஏறாது,

தமிழ்நாட்டில் 39, புதுச்சேரி 1 என 40 எம்.பிக்கள் என இவர்களின் ஆதரவு இருந்தால் தான் நாம் ஆட்சி அமைக்க முடியும் என்ற நிலை இருந்தால் மட்டுமே, நாம் சொல்வதற்கு மரியாதை இருக்கும். அது இல்லவே இல்லை என்றால், நம் உரிமைகளை எப்படி கேட்க முடியும்? இவ்வளவு இருந்தே நம்மை மிரட்டிப் பார்க்கி றார்கள் என்றால், தொகுதிகள் குறைந்தால் நமது நிலை என்ன?

கல்வி மீது கவனம்

செலுத்திய கலைஞர்!

மக்கள் தொகையைக் கட்டுப்படுத்து வதில் தமிழ்நாடு சிறப்பாக செயல் பட்டது. தலைவர் கலைஞர் காலத்தில் கல்வி மீது அதிக கவனம் செலுத்தினார். சுகாதாரத்தில் அதிக கவனம் செலுத்தி னார். தமிழ்நாட்டின் ஹெல்த் இண்டி கேட்டர்ஸ் வளர்ந்த நாடுகளை விட அதிகமாக இருக்கிறது. அதனால்தான் மக்கள் தொகை கட்டுப்பாடாக உள்ளது. இது அரசாங்கம் மிகச் சிறப்பாக செயல்பட்டதால் உருவான ஒன்று.

ஆனால் நல்லா படித்தபையனை கிளாஸ் ரூமை விட்டு வெளியே நில் என்று சொல்வது மாதிரி. நாமே பாதிப்பது மாதிரி தொகுதி சீரமைப்பில் ஏதும் நடந்துவிடக் கூடாது என்றுதான் நாம் போராடுகிறோம்.

அமித்ஷா தெளிவுபடுத்தவில்லை!

ஆனால் அமித் ஷா என்ன சொன்னார்? உங்களுக்கு தொகுதிகள் குறையாது என்று சொன்னார். உபி, ராஜஸ்தான், பீகாருக்கு அதிகப்படுத்த மாட்டோம் என்று சொல்ல வில்லை. தெளிவுபடுத்த வில்லை.

இதைத்தான் திராவிட நாயகன், தமிழ்நாடு முதலமைச்சர், தலைவர் கலைஞரின் மகன் அண்ணன் தளபதி கேள்வி கேட்கிறார். அவரது கேள்விக்கு நேர்மையாக பதில் சொல்லாமல் திசை திருப்புகிறார்கள்.

இந்த கேள்விகளுக்குப் பின்னால் இருக்கும் நேர்மையை நியாயத்தைப் புரிந்துகொள்ளுங்கள். இதைத்தான் தமது பிறந்தநாள் செய்தியாக முதலமைச்சர் விடுத்திருக்கிறார்.

முதலமைச்சர் தலைவர் அண்ணன் அவர்களின் பிறந்தநாள் உறுதி மொழியை நாம் எடுத்துக் கொள்வோம்.

‘தமிழ்நாட்டின் நலன்களையும் எதிர்காலத் தையும் யாருக்காகவும், எதற்காகவும் விட்டுத் தரமாட்டோம். தமிழ்நாட்டின் உரிமைகளுக் காக ஒன்றுபடுவோம், தமிழ்நாடு போராடும் தமிழ்நாடு வெல்லும். இதுதான் ஒரே இலக்கு’ இதுதான் நமது உறுதிமொழி இவ்வாறு கனிமொழி கருணாநிதி எம்.பி. உரையாற்றி னார்.

நிகழ்வில் நாடாளுமன்ற உறுப்பி னர் தமிழச்சி தங்கப்பாண்டியன், சென்னை தென் மேற்கு மாவட்டச் செயலாளர் மயிலை த.வேலு எம்.எல்.ஏ., மகளிர் அணித் தலைவர் விஜயா தாயன்பன், மகளிர் அணி செயலாளர் ஹெலன் டேவிட்சன், மகளிர் தொண்டரணி செயலாளர் நாமக்கல் ராணி, மகளிர் அணி இணைச் செயலாளர் குமரி விஜய குமார், மகளிர் தொண்டரணி இணைச் செயலாளர் தமிழரசி ரவிக்குமார் எம்.எல்.ஏ., மாநில மகளிர் அணி நிர்வாகி கள் உள்ளிட்ட பலர் உடனிருந்தனர்.