சென்னை, ஏப்.4–
நியாயமான தொகுதி மறுவரை யறைக்கான கூட்டு நடவடிக்கைக் குழு கூட்டத்தின் தீர்மானங்களை அளித்திட பிரதமர் நரேந்திர மோடி அவர்களை சந்திக்க நேரம் கேட்டு பிரதமர் மோடி அவர்களுக்கு கடிதம் எழுதி இருப்பதாக முதல்வர் மு.க.ஸ்டாலின் அவர்கள் தமது சமூக வலைதளப் பதிவில் குறிப்பிட்டுள்ளார்.
இதுபற்றிய விவரம் வருமாறு:–
தொகுதி மறுசீரமைப்பு விவகாரம் தொடா்பாக கடந்த ஆண்டு பிப்ரவரி 14-ம் தேதி பேரவையில் ஒருமனதாக தீா்மானம் நிறைவேற்றப்பட்டது. இதைத்தொடர்ந்து, தமிழ்நாட்டில் இருக்கக் கூடிய அனைத்துக் கட்சி களின் தலைவா்கள் கூட்டம் கடந்த மாா்ச் 5-ல் நடத்தப்பட்டது.
நாடாளுமன்றத் தொகுதி மறுசீரமைப்பு தொடா்பாக நமது நியாயமான கோரிக்கைகளையும், அவைசாா்ந்த போராட்டத்தையும் முன்னெடுத்துச் செல்ல முடிவு செய்யப்பட்டு, இதற்காக கூட்டு நடவடிக்கைக் குழு ஏற்படுத்தவும் தீா்மானம் நிறைவேற்றப்பட்டு அதற்கான முன்னெடுப்பு நடவடிக்கையாக, கூட்டு நடவடிக்கைக் குழுவின் முதல் கூட்டம் சென்னையில் கடந்த மார்ச் 22-ஆம் தேதி நடைபெற்றது. இந்த கூட்டத்தில் கேரளம், தெலங்கானா, பஞ்சாப் மாநில முதல்வா்கள், கா்நாடக மாநில துணை முதல்வா் உள்ளிட்ட முக்கியக் கட்சிகளின்
தலைவா்கள் நேரில் பங்கேற்றனா்.
பிரதமருக்கு முதலமைச்சர் கடிதம்!
தொகுதி மறுசீரமைப்பு பிரச்சினை தொடர்பாக பிரதமர் மோடியை நேரில் சந்திக்க நேரம் கேட்டு முதல்வர் மு.க.ஸ்டாலின் அவர்கள் (ஏப்ரல் 1) கடிதம் எழுதியுள்ளார்.
முதல்வர் மு.க.ஸ்டாலின் அவர்கள்பிரதமருக்கு எழுதியுள்ள கடிதத்தில்,
“தமிழ்நாட்டிலிருந்து எனது அன்பான வாழ்த்துக்களை உங்களுக்கு தெரிவித்துக் கொள்கிறேன்.
கடந்த மார்ச் 22-ஆம் தேதி சென்னையில் ‘தொகுதி மறுவரையறை’ குறித்த கூட்டு நடவடிக்கைக் குழு (JAC) கூட்டத்தின் தொடக்க விழா நடைபெற்றது.
இந்த வரலாற்றுச் சிறப்புமிக்க கூட்டமானது, இந்தியா முழுவதிலு
மிருந்து பல்வேறுஅரசியல் சித்தாந் தங்களைப் பிரதிநிதித்துவப்படுத்தும் முதலமைச்சர்கள், துணை முதலமைச்சர் மற்றும் முக்கியத் தலைவர்களை ஒன்றிணைத்தது.
இந்த விவகாரத்தில் அரசியல்எல்லைகளை கடந்து அனைவரின் குரலும்நியாயமான தொகுதி மறுவரையறை நடத்த வேண்டும் என்று எதிரொலித்துள்ளது.
இந்தப் பிரச்சினை நமது மாநிலங்களுக்கும் குடிமக்களுக்கும் குறிப்பிடத்தக்க முக்கியத்துவம் வாய்ந்ததாக இருப்பதால், கூட்டு நடவடிக்கைக் குழு கூட்டத்தில் நிறைவேற்றப்பட்ட தீர்மானங்கள் அடங்கிய மனுவை அனைத்து கட்சி எம்.பி.-க்கள் அடங்கிய குழுவுடன் உங்களிடம் நேரில் வழங்க நேரம் ஒதுக்குமாறுகேட்டுக்கொள்கிறேன். விரைவில் உங்கள் நேர்மறையான பதிலை எதிர்பார்க்கிறேன்”
என்று
தெரிவித்துள்ளார். ¬¬
சமூக வலைதளப் பதிவு!
இந்நிலையில் முதலமைச்சர் மு.க.ஸ்டாலின் அவர்கள் தமது சமூக வலைதளப் பதிவில் குறிப்பிட்டுள்ள தாவது:–
பிரதமர் நரேந்திர மோடி அவர்களே,சென்னையில் 22.03.2025 அன்று நடைபெற்ற நியாயமான தொகுதி மறுவரையறைக்கான கூட்டு நடவடிக்கைக் குழு கூட்டத்தின் தீர்மானங்களை, பல்வேறு கட்சிகளின் நாடாளுமன்ற உறுப்பினர்களுடன் இணைந்து தங்களிடம் நேரில் அளித்து, தொகுதி
மறுவரையறை தொடர்பான எங்கள் கவலைகளை தெரிவிக்க நேரம் கேட்டிருந்தோம்.
ஏற்கனவே கடிதத்தில் குறிப்பிட்
டுள்ளபடி, இந்த முக்கியப் பிரச்சினை யில் எங்களது ஒன்றுபட்ட நிலைப்பாட் டைத் தெரிவிக்க தங்களை உடனடி யாகச் சந்திக்கக் கோருகிறோம்.
தங்களது விரைவான பதிலுக்காகக் காத்திருக்கிறோம்.
இவ்வாறு முதல்வர் மு.க.ஸ்டாலின்அவர்கள் தமது சமூக வலைதளப்பதிவில் குறிப்பிட்டுள்ளார்.