புதுடெல்லி, ஏப். 4 –
‘‘தமிழ்நாட்டில் கடந்த ஆறு ஆண்டுகளில் பெரு நிறுவன சமூகப் பொறுப்புணர்வுத் திட்டத்தின் கீழ் பொதுப்பணித் துறை நிறுவனங்கள் மேற்கொண்ட பணி விவரங்கள் என்ன?’’ என்று நாடாளுமன்ற மக்களவையில் கழக உறுப்பினர் தமிழச்சி தங்கபாண்டியன் கேள்வி எழுப்பினார்.
கடந்த 6 ஆண்டுகளில் தமிழ்நாட்டில் CSR திட்டங்களுக்கு பொதுத்துறை அல்லாத நிறுவனங்கள் செலவு செய்துள்ளன நிதி விபரம் குறித்து, மக்களவையில் தமிழச்சி தங்கபாண்டியன் எழுப்பிய கேள்வியும், அதற்கு ஒன்றிய அமைச்சர் அளித்த பதிலும் வருமாறு:-
கேள்வி :- தமிழ்நாட்டில், குறிப்பாக தென்சென்னை தொகுதியில், கடந்த 6 ஆண்டுகளில் பெருநிறுவன சமூகப் பொறுப்புணர்வு திட்டத்தின் கீழ் பொதுத்துறை மற்றும் தனியார் துறை நிறுவனங்கள் மேற்கொண்ட பணிகளின் விவரங்கள் பற்றியும், அதுதொடர்பாக மேலும் சில விவரங்கள் பற்றியும் விவரம் என்ன?
இவ்வாறு அவர் எழுப்பிய கேள்விக்கு பெருநிறுவனங்கள் விவகாரங்கள்துறை இணை அமைச்ணர் ஹர்ஷ் மல்கோத்ரா அளித்துள்ள பதில் வருமாறு:–-
பெருநிறுவனங்கள் எம்சிஏ 21 என்ற பதிவேட்டில் ஆண்டுதோறும் சிஎஸ்ஆர் செயல்பாடுகளின் விவரங்களை தாக்கல் செய்ய வேண்டும். MCA21 பதிவேட்டில் நிறுவனங்கள் செய்த தாக்கல்களின் அடிப்படையில், கடந்த 6 நிதியாண்டு களில் அதாவது 2017–2018 முதல் 2022–2023 வரை தமிழ்நாட்டில் பொதுத்துறை நிறுவனங்கள் ரூ. 573.42 கோடியை வேளாண் நடவடிக்கை, கல்வி, சுகாதாரம், குடிநீர், சுற்றுச்சூழல் பராமரிப்பு, பெண்கள் மேம்பாடு போன்றவற்றுக்காக செலவு செய்துள்ளன. தனியார் நிறுவனங்கள் ரூ.6210.36 கோடி செலவழித்து உள்ளன. இது தொடர்பாக மாவட்ட வாரியாக தரவு உள்ளது. நாடாளுமன்ற தொகுதி வாரியான தரவு பராமரிக்கப்படவில்லை.
செலவழிக்கப்படாத தொகையை கையாள சட்டத்தின் பிரிவு 135 இல் சில திருத்தங்கள் செய்யப்பட்டுள்ளன. நிறுவனம் செலவழிக்காத தொகையை நிறுவனத்தின் சிறப்புக் கண க்கிற்கு நிதியாண்டின் இறுதியில் இருந்து 30 நாட்களுக்குள், மாற்ற வேண்டும். பின்னர் அந்த தேதியில் இருந்து அடுத்த 3 நிதியாண்டு களுக்குள் கொள்கையின்படி அதை செலவிட வேண்டும். 3 நிதியாண்டுகள் கடந்த பிறகும், செலவழிக்கப்படாத மீதமுள்ள தொகை, ஏதேனும் இருந்தால், சட்டத்தின் அட்டவணை 7-ல் குறிப்பிடப்பட்டுள்ள எந்தவொரு நிதிக்கும் மாற்றப்பட வேண்டும்.
நிறுவனங்கள் சட்டம், 2013, சட்டத்தின் அட்டவணை 7 மற்றும் நிறுவன ங்கள்சமூக பொறுப்புணர்வு கொள்கை விதிகள் 2014 - ன் பிரிவு 135 ன் கீழ் சட்ட கட்டமைப்பு வழங்கப்பட்டுள்ளது. ஒவ்வொரு தகுதியுள்ளநிறுவனமும் 3 அல்லது அதற்கு மேற்பட்ட இயக்குனர்களைக் கொண்ட ஒரு சிஎஸ்ஆர் குழுவை அமைக்க வேண்டும். சிஎஸ்ஆர் கொள்கையை உருவாக்கி பரிந்துரைக்கும். நிறுவனத்தின் வாரியம் அந்த குழுவின்பரிந்துரை அடிப்படையில் நிறுவனத்தின் சிஎஸ்ஆர் செயல்பாடுகளை திட்டமிடுகிறது.
வழங்கப்பட்ட நிதி, நோக்கங்களுக்காகவும், அங்கீகரிக்கப்பட்ட முறையிலும் பயன்படுத்தப்பட்டதா? என்பதை நிறுவனத் தின் வாரியம் சரிபார்க்க வேண்டும், மேலும் தலைமை நிதி அதிகாரி அல்லது நிதி மேலாண்மைக்கு பொறுப்பான நபர் அதற்கு சான்றளிப்பார். சிஎஸ்ஆர் குறித்த வருடாந்திர அறிக்கையை உள்ளடக்கிய வாரியத்தின் அறிக்கை, ஒரு நிறுவனத்தின் வாரியத்தால் அதன் பங்குதாரர்களுக்கு தெரிவிப்பது ஒரு முக்கி யமான விஷயம் ஆகும். சிஎஸ்ஆர் நடவடிக்கைகளுக்கான செலவின ங்கள் நிறுவனத்தின் சட்டப்பூர்வ தணிக்கையாளர்களால் தணிக்கை செய்யப்பட வேண்டும். செலவழிக்கப்படாத தொகையின் விவரங்களையும் தணிக்கையாளர்கள் குறிப்பிட வேண்டும். சிஎஸ்ஆர் விதிகளை மீறுவது குறித்து புகாரளிக்கப் படும் போதெல்லாம், அத்தகைய இணங்காத நிறுவனங்கள் மீது சட்ட விதிகளின்படி நடவடிக்கை எடுக்கப்படும்.
இவ்வாறு அமைச்சர் தெரிவித்துள்ளார்.