#Title

தமிழ்நாட்டிற்கு நிலுவையில் உள்ள மகாத்மா காந்தி தேசிய ஊரக வேலைவாய்ப்பு உறுதித் திட்ட நிதி ரூ.4034 கோடியை உடனே வழங்கிடுக! மாநிலங்களவையில் கே.ஆர்.என்.இராஜேஸ்குமார் வலியுறுத்தல்!

புதுடெல்லி, ஏப்.4–

டெல்லியில் நடைபெற்று வரும் பட்ஜெட் கூட்டத் தொடரில் மாநிலங்களவையில் நாமக்கல் கிழக்கு மாவட்ட கழக செயலாளரும், மாநிலங்களவை உறுப்பினரும், நாமக்கல் மாவட்ட மத்திய கூட்டுறவு வங்கி தலைவருமான கே.ஆர்.என்.இராஜேஸ்குமார் கலந்து கொண்டு நேரமில்லா நேரத்தில் பேசும் போது, தமிழ்நாட்டில் கிராமப்புற வாழ்வாதாரத்தைப் பாதிக்கும் ஒரு முக்கியமான பிரச்சி னையை இந்த அவையின் கவனத்திற்குக் கொண்டுவர விரும்பு கிறேன். மகாத்மா காந்தி தேசிய ஊரக வேலைவாய்ப்பு உறுதித் திட்டம் (MGNREGS) மாநிலத்தில்

91 லட்சத்திற்கும் மேற்பட்ட தொழிலாளர்களுக்கு உயிர் நாடியாக இருந்து வருகிறது. 86 சதவீத வேலைவாய்ப்பு பெண் தொழிலாளர்களுக்கு வழங்கப்படுகிறது என்பதையும், கிட்டத்தட்ட 29 சதவீத தொழிலாளர்கள் தாழ்த்தப்பட்ட மற்றும் பழங்குடியின (SC/ST) குடும்பங் களைச் சேர்ந்தவர்கள் என்பதையும் கவனத்தில் கொள்ள வேண்டும். இருப்பினும், இந்த முக்கியமான திட்டத் தின் கீழ் நிலுவையில் உள்ள ஊதிய நிலுவைத் தொகையை வெளியிடுவதில் தாமதம் ஏற்படுவதால் தமிழ்நாடு கடுமையான சவால்களை எதிர்கொண்டுள்ளது.

2025 ஏப்ரல் 01 ஆம் தேதி நிலவரப்படி, கடந்த 4,5 மாதங்களாக, மகாத்மா காந்தி தேசிய ஊரக வேலைவாய்ப்பு உறுதித் திட்டத்தின் கீழ் தொழிலாளர்களுக்கு ஊதியமாக ரூ.4,034 கோடி நிதி ஒன்றிய அரசிடம் நிலுவையில் உள்ளது. இந்தத் தாமதங்கள், இந்தத் திட்டத்தின் கீழ் சரியான நேரத்தில் பணம் செலுத்துவதை நம்பியுள்ள லட்சக்கணக்கான ஏழை கிராமப்புற குடும்பங் களுக்கு பெரும் நிதி நெருக்கடியை ஏற்படுத்தியுள்ளது.

தமிழ்நாடு முதலமைச்சர் தலைவர் தளபதி மு.க. ஸ்டாலின் அவர்கள் ஏற்கனவே ஒன்றிய நிதியமைச் சரை சந்தித்து, இந்த நிலுவைத் தொகையை உடனடியாக விடுவிக்கக் கோரி ஒரு மனு வழங்கியுள்ளார். முன்னதாக, தமிழ்நாடு முதலமைச்சர் அவர்கள் 13.01.2025 அன்று பிரதமருக்கு கடிதம் எழுதி, நிலுவையில் உள்ள ₹2,985 கோடி ஊதிய நிலுவைத் தொகையை விடுவிக்க வும், தொழிலாளர் பட்ஜெட்டை அதிகரிக்க வேண்டும் என்ற மாநிலத்தின் கோரிக்கையை நிறைவேற்ற வும் வலியுறுத்தினார்.

நிதியை வெளியிடுவதில் ஏற்படும் இந்த தாமதம் கிராமப்புற தொழிலாளர்களின் வாழ்வாதாரத்தை சீர்குலைப் பது மட்டுமல்லாமல், தமிழ்நாட்டில் இந்த முதன்மைத் திட்டத்தை செயல்படுத்துவதையும் பாதிக்கிறது. இந்த சூழ்நிலையை கருத்தில் கொண்டு ஒன்றிய அரசு அவசர கவனம் செலுத்தி உடனடி நடவடிக்கையை எடுக்க வேண்டும்.

எனவே, ஒன்றிய அரசு தமிழ்நாட்டிற்கு நிலுவையில் உள்ள MGNRGS நிலுவைத் தொகையான ரூ.4,034 கோடியை விடுவிக்க வேண்டும் என்றும், தொழிலாளர் பட்ஜெட்டை திருத்தி அதிகரிக்கவும், கிராமப்புற தொழிலாளர்களுக்கு நிலையான வேலை வாய்ப்புகளை உறுதி செய்யவும் ஒன்றிய அரசை வலியுறுத்துகிறேன்.

இவ்வாறு கே.ஆர்.என்.இராஜேஸ்குமார் பேசினார்.