சென்னை, ஏப்.4–
சட்டப்பேரவையில் அ.தி.மு.க. உறுப்பினர் பொள்ளாச்சி வி.ஜெய ராமன் தென்னை நோய் குறித்து பேசும்போது குறுக்கிட்டு பேசிய அமைச்சர் எம்.ஆர்.கே.பன்னீர்செல்வம், கண்டிப்பாக தென்னை நோய்க்கு மருந்தைக் கண்டுபிடித்து விவசாயிகளை இந்த அரசு காப்பாற்றும் என்று உறுதியுடன் குறிப்பிட்டார்.
இதுகுறித்து சட்டப்பேரவையில் அமைச்சர் எம்.ஆர்.கே.பன்னீர்செல்வம் குறுக்கிட்டு பேசியதாவது:
அவர் பேசிக்கொண்டிருக்கின்றார் பேசட்டும் என்றிருந்தேன். குற்றச்சாட்டில்லாமல் பேச வேண்டும். ஏனென்றால், அதை நாங்கள் கண்டுபிடிக்கவில்லை (குறுக்கீடு) இல்லை, இல்லை எல்லோருக்கும் அது
உண்டுதான்.
ஆகவே, நீங்கள் ஆலோசனை சொல்லுங்கள். என்ன செய்தீர்கள் என்று கேட்கும்போதுதான் கஷ்டமாகிறது. நீங்கள் அரசியலுக்கு போய்விடுகிறீர்கள். நீங்கள் கடந்த பத்தாண்டுக்காலம் என்ன செய்தீர்கள்? நாங்கள் என்ன சொல்கிறோம் என்றால், எதையும் உடனே கண்டுபிடித்துவிட முடியாது. ஒரு research என்றால், மூன்றாண்டுகள், நான்காண்டுகள் தொடர்ச்சியாக நடைபெற வேண்டும். இதுவெல்லாம் உறுப்பினர் அக்ரி. கிருஷ்ண மூர்த்தி அவர்களுக்குத் தெரியும். ஒரு research செய்து நோய்க்கான மருந்தை கண்டுபிடிக்க வேண்டுமென்றால், அதற்கான காலங்கள் தேவை. நீங்கள் பத்தாண்டு காலங்கள் ஆட்சியில் இருந்தபோது, அதை விட்டு
விட்டீர்கள். அப்போதுதான் வேகவாடலில் சில, பல பூச்சிகளால் பிரச்சி னைகள் ஏற்பட்டன.
ஆகவே, அதேமுறையை, technic–ஐ கடந்த ஆறு மாதமாக தென்னை மரம் சம்பந்தமாக–தென்னைக்கென்று தனியாக எந்தவொரு திட்டமும் கிடையாது. இப்போதுதான் முதலமைச்சர் அவர்களுடைய ஆலோசனையைப் பெற்று, கிட்டத்தட்ட 11 இலட்சம் எக்டேர் அளவிற்கு தென்னை விவசாயம் நடைபெற்று வருகிறது. தென்னை மரங்களை காப்பாற்ற வேண்டுமென்றுதான் கடந்த ஆண்டில்கூட பொள்ளாச்சி பகுதியிலே ஏற்பட்ட நிகழ்வுக்கு உடனடியாக முதலமைச் சர் அவர்கள் எங்களையெல்லாம் அனுப்பி, அங்கேயுள்ள விஞ்ஞானிகள், அங்கேயுள்ள VC of University, அங்கேயுள்ள Horticulture Department அதிகாரிகள், வேளாண் மாணவர் கள் அனைவரும் சேர்ந்து பொள்ளாச்சி, திருப்பூர் போன்ற பாதிக்கப்பட்ட மாவட்டங்கள் அனைத்தையும் நேரடியாக கள ஆய்வு செய்து, எந்தெந்த மரத்தில் என்னென்ன பாதிப்பு ஏற்பட்டிருக்கிறது என்று பார்த்து, அந்த மரங்களையெல்லாம் அப்புறப்படுத்தி, அதற்கென்று தனியாக ஒரு திட்டம் வகுத்து, முதலமைச்சர் அவர்கள் நேரடியாக சென்று, பாதிக்கப்பட்டவர்களுக்கு நலத் திட்டத்தை வழங்கினார்கள்.எனவே, தீர்வுக்கான வழியை மேற்கொண்டு வருகிறோம். விவசாயத்தைப் பொறுத்தவரையில் உடனடியாக தீர்வு காண முடியாது. அதற்கான காலகட்டம் உண்டு. எல்லோருக் கும் இயற்கை இடர்பாடுகள் உள்ளன. அந்த இயற்கை இடர்பாடுகளை சந்தித்துதான் விவசாயிகள் வாழக்கூடிய ஒரு சூழ்நிலை. அதற்கான தற்காப்பு முறைகள் மேற்கொள்ளப்படும். அதற்குரிய உடனடி நிவாரணங் கள் மேற்கொண்டு விவசாயிகளை காப்பாற்றுகின்ற அரசாக நம்முடைய முதல்வர் அவர்கள் இருக்கின்றார்கள் என்பதை நான் தெரிவித்துக்கொள்கின்றேன். எனவே, நல்ல ஆலோசனை கூறுங்கள். இப்படியெல்லாம் செய்ய வேண்டுமென்று, இப்படிச் செய்யுங்கள் என்று ஆலோசனை சொல்லுங்கள். ஆனால், சாதாரணமாக குற்றம் சுமத்தி பேசக்கூடாது. (குறுக்கீடு)
தென்னை மரம் உடனே வளர்ந்துவிடாது. குறைந்தது பத்தாண்டுக் காலம், இருபதாண்டுக் காலம், நாற்பதாண்டுக் காலம் என்று அதை கஷ்டப்பட்டு வளர்த்து, அது நோயுற்று வீணாகின்ற போது விவசாயிகளுக்கு மிகவும் கஷ்டம்தான். அதை உணர்ந்துதான் அதற்குரிய தடுப்பு நடவடிக்கைகள் என்று எதுவுமில்லை.
இது உறுப்பினர் அக்ரி. கிருஷ்ண மூர்த்திக்குத் தெரியும். நாங்கள் என்ன செய்கிறோம் என்றால், Univeristy ஆராய்ச்சியாளர்களை அழைத்து, ஆய்வுக் கூட்டம் நடத்தி, முறையாக research செய்து தொடர் நிகழ்வாக, கண்டிப்பாக மருந்தைக் கண்டுபிடித்து விவசாயிகளை இந்த அரசு காப்பாற்றும் என்று சொல்கிறேன். முதலில் ஆலோசனைகள் கூறுங்கள். எப்படி செய்ய வேண்டும், என்ன செய்ய வேண்டுமென்று ஆலோசனைக் கொடுத்தால் நாங்கள் அதில் உள்ள நல்லதை நிச்சயம் எடுத்துக்கொள்வோம்.
இவ்வாறு அமைச்சர் எம்.ஆர்.கே.பன்னீர்செல்வம் குறிப்பிட்டார்.