தி.மு.க. சிறுபான்மையினர் நல உரிமைப் பிரிவு சார்பாக நலத்திட்ட உதவிகள் வழங்கும் விழா திருச்சியில் நடைபெற்றது. விழாவுக்கு சிறுபான்மையினர் நல உரிமைப் பிரிவு மாநில துணைச்செயலாளர் துபாய் கே.அன்வர்அலி தலைமை தாங்கி 1000 பேருக்கு நலத்திட்ட உதவிகளை வழங்கினார். விழாவில் சிறுபான்மையினர் நல உரிமைப் பிரிவு மாநில செயலாளர் சுபேர்கான் முன்னிலை வகித்தார். திருச்சி மாநகர செயலாளர் மேயர் அன்பழகன், சென்னை ஐகோர்ட்டு மதுரை கிளை அட்வகேட் ஜெனரல் பாஸ்கரன், பகுதி செயலாளர் மோகன்தாஸ், கவுன்சிலர் புஷ்பராஜ், வட்ட செயலாளர் மூவேந்திரன், திருச்சி மத்திய மாவட்ட சிறுபான்மையினர் நல உரிமைப் பிரிவு அமைப்பாளர் மார்ட்டின் குழந்தை ராஜ், ம.ஜ.க. மாநில இளைஞர் அணி செயலாளர் திருச்சி முகமது செரீப் ஆகியோர் சிறப்பு அழைப்பாளர்களாக கலந்து கொண்டனர். முடிவில் மாநகர அமைப்பாளர் அக்பர் அலி நன்றி கூறினார்.