#Title

ஆர்க்காடு தொகுதி – வாழைப்பந்தல் கிராமத்தில் உள்ள மேனிலைப் பள்ளியில் பயிலும் பிற்படுத்தப்பட்ட மாணவர்களுக்கு விடுதி அமைத்திடுவீர்! சட்டப்பேரவையில் – ஜெ.எல்.ஈஸ்வரப்பன் கோரிக்கை !

சென்னை, ஏப். 4–

சட்டப் பேரவையில் கேள்வி நேரத்தின்போது நடைபெற்ற விவாதம் வருமாறு:–

ஜெ.எல்.ஈஸ்வரப்பன்: ஆற்காடு தொகுதி, வாழைப்பந்தல் கிராமத்தில் உள்ள மேல்நிலைப் பள்ளியில் பயிலும் பிற்படுத்தப்பட்டோர் மாணவர்களுக்கு விடுதி அமைக்க அரசு ஆவன செய்யுமா?

ஆதரவற்ற மாணவர்கள் தங்களுடைய பள்ளிப் படிப்பை 18 வயது வரை தொடர மாதம் ரூ.2,000/-ம் வழங்கும் தாயுமானவரை வணங்குகிறேன். 2,500 மாணவர்கள் பயிலும் ஆற்காடு அரசினர் பெண்கள் மேல்நிலைப் பள்ளியிலும், 1,500 மாணவிகள் பயிலும் திமிரி அரசினர் பெண்கள் மேல்நிலைப் பள்ளியிலும், விளாப்பாக்கம், தாமரைப்பாக்கம் மற்றும் காவனூர் ஆகிய அரசினர் மேல்நிலைப் பள்ளிகளில் பயிலும் மாணவர்களுக்கு விடுதி அமைக்க அரசு முன்வருமா?

அமைச்சர் சிவ.வீ. மெய்யநாதன்: ஆற்காடு அரசு மகளிர் மேல்நிலைப் பள்ளியில் 2,503 மாணவிகளும், திமிரி அரசு மகளிர் மேல்நிலைப் பள்ளியில் 1,084 மாணவிகளும், தாமரைப்பாக்கம் அரசு மேல்நிலைப் பள்ளியில் 492 மாணவ, மாணவிகளும் பயின்று வருகிறார்கள். சட்டமன்ற உறுப்பினர் அவர்கள் மாணவியர் விடுதி அமைத்துத் தர வேண்டுமென்று கோரி க்கை விடுத்துள்ளார்கள். எனவே, துறையினுடைய அதிகாரிகளை அனுப்பி, சாத்தியக்கூறுகள் இருப்பின், முதலமைச்சர் அவர்களுடைய கவனத்திற்கு கொண்டுசென்று, நிதிநிலைமைக் கேற்ப புதிய மாணவியர் விடுதியைத் தொடங்குவதற்கான நடவடிக்கையை அரசு பரிசீலிக்கும்.

ஜெ.எல்.ஈஸ்வரப்பன்: வாலாஜா அறிஞர் அண்ணா அரசு மகளிர் கல்லூரியில் 4 ஆயிரம் மாணவ, மாணவிகள் பயிலுகின்றனர். ஆற்காடு மற்றும் ராணிப்பேட்டை ஆகிய தொகுதிகளிலுள்ள கிட்டத்தட்ட 150 கிராமங்களைச் சேர்ந்த மாணவர்கள் அந்தக் கல்லூரியில்தான் படிக்கிறார்கள். அங்கு 60 மாணவிகள் தங்கிப் பயிலும் வகையில், already ஒரு விடுதி செயல்பட்டுக் கொண்டிருக்கிறது. மேலும், 100 மாணவிகள் படிக்கிற அளவிற்கு அங்கு கட்டமைப்பு வசதிகள் இருக்கிற காரணத்தினால், அந்த 100 மாணவிகள் தங்கிப் படிக்கிற அளவிற்கு தரமுயர்த்தவும், மேலும் 50 மாணவிகள் தங்கிப் படிக்கும் அளவிற்கு புதிய கட்டடம் அமைத்துத் தரவும் அரசு முன்வருமா ?

அமைச்சர் சிவ.வீ. மெய்யநாதன்: முதலமைச்சர் அவர்களுடைய கல்வி மேம்பாட்டுத் திட்டங் களான, புதுமைப் பெண் திட்டம், தமிழ்ப் புதல்வன் திட்டங்களின்மூலமாக இன்றைக்கு தமிழ்நாடு முழுவதும் கல்லூரிகளில் மாணவ, மாணவிகளின் சேர்க்கை என்பது மிகப் பெரிய அளவில் அதிகரித்திருக்கிறது. அந்த அடிப்படையில், தமிழ்நாடு முதலமைச்சர் அவர்கள்இந்த ஆண்டு மட்டும் 19 அரசு கலை மற்றும் அறிவியல் கல்லூரிகளைத் தொடங்கி, தமிழ்நாட்டில் இருக்கிற கல்லூரி மாணவ, மாணவிகளுக்கு இன்றைக்கு மிகப் பெரிய வாய்ப்பினை வழங்கியிருக்கிறார்கள். அந்த அடிப்படையில், ராணிப்பேட்டை மாவட்டம், வாலாஜாபேட்டையில் இருக்கிற அறிஞர் அண்ணா அரசு பெண்கள் கலை மற்றும் அறிவியல் கல்லூரியில் கிட்டத்தட்ட 4,099 மாணவிகள் பயின்று வருகிறார்கள். இப்போது சிறுபான்மையினர் நலத் துறையின் மூலமாக ஒரு மாணவியர் விடுதியும், பிற்படுத்தப்பட்டோர் நலத் துறையின் மூலமாக ஒரு மாணவியர் விடுதியும் செயல்பட்டு வருகிறது.

கிட்டத்தட்டஇந்த கல்லூரியில் 2,500-க்கும் மேற்பட்ட மிகவும் பிற்படுத்தப்பட்ட மாணவிகள் பயின்று வருகிறார்கள். அவர்களின் நலனைக் கருத்திற்கொண்டு, இந்த ஆண்டு தமிழக முதலமைச்சர் அவர்களுடைய கவனத்திற்குக் கொண்டு செல்லப்பட்டு, 100 மாணவிகள் பயன்பெறக்கூடிய அளவில் புதிதாக மிகவும் பிற்படுத்தப்பட்டோர் மாணவியர் விடுதி தொடங்கப்படும் என்பதைத் தெரிவித்துக் கொள்கிறேன்.

இவ்வாறு பேரவையில் விவாதம் நடைபெற்றது.