தமிழ்நாடு முதலமைச்சர் மு.க. ஸ்டாலின் அவர்கள் நேற்று (3.4.2025) மதுரையில், நாடாளுமன்ற உறுப்பினர் சு. வெங்கடேசன் அவர்களின் இல்லத்திற்கு நேரில் சென்று, அண்மையில் அவரது தந்தை இரா. சுப்புராம் அவர்கள் காலமானதையொட்டி அன்னாரது திருவுருவப் படத்திற்கு மலர்தூவி மரியாதை செலுத்தி, குடும்பத்தினருக்கு ஆறுதல் கூறினார். வணிகவரி மற்றும் பதிவுத் துறை அமைச்சர் பி.மூர்த்தி, தகவல் தொழில்நுட்பவியல் மற்றும் டிஜிட்டல் சேவைகள் துறை அமைச்சர் முனைவர் பழனிவேல் தியாகராஜன், சட்டமன்ற உறுப்பினர் கோ. தளபதி, மார்க்சிஸ்ட் கம்யூனிஸ்ட் கட்சியின் மாநிலச் செயலாளர் பெ. சண்முகம் ஆகியோர் உடனிருந்தனர்.