சென்னை, ஏப்.4–
சட்டப்பேரவையில் கேள்வி நேரத்தின் போது, திருவையாறு தொகுதி கழக உறுப்பினர் துரை சந்திரசேகரன், ‘‘விவசாயிகளிடமிருந்து நெல் அதிகமாக வரக்கூடிய இடங்களில், அதிதிறன் கொண்ட நேரடி கொள்முதல் நிலையங்கள் அமைத்திடவேண்டும்’’ என வேண்டுகோள் விடுத்தார்.
சட்டப்பேரவையில் கேள்வி நேரத்தின்போது நடைபெற்ற விவாதம் வருமாறு:-–
துரை. சந்திரசேகரன்:ஒரத்தநாடு வட்டம், பஞ்சநதிக்கோட்டையில், இரு தினங்களுக்கு முன்பு Mega DPC ஒன்றினை மாண்புமிகு அமைச்சர் அவர்கள் திறந்து வைத்தார்கள். 10 DPCs அதி திறன் கொண்ட நேரடி கொள்முதல் நிலையங்கள் கொள்முதல் செய்கின்ற நெல்லை, ஒரே DPC-ல் கொள்முதல் செய்கின்ற அளவிற்கு, அதாவது, ஒரே நாளில் 15 ஆயிரம் மூட்டைகளை, dryer மூலம் உலர்த்தி, எடை போட்டு, சாக்கு தைத்து, இயந்திரம்மூலம் ஏற்றப்படும் வசதிகளெல்லாம் அங்கு ஏற்படுத்தப்பட்டுள்ளன. எனவே, எங்கெல்லாம் விவசாயிகளிடமிருந்து அதிகமாக நெல் கொள்முதல் செய்யப்பட வேண்டுமோ, அங்கெல்லாம் அதேபோன்ற Mega DPC அமைக்க அரசு முன்வருமா என்பதையும், அதற்கான திட்டம் எதுவும் உள்ளதா என்பதையும் அறிய விரும்புகிறேன்.
அமைச்சர் அர. சக்கரபாணி:உறுப்பினர் அவர்கள் குறிப்பிட்டது போன்று, சில தினங்களுக்கு முன்பு, அதாவது, 29 ஆம் தேதி தஞ்சாவூர் மாவட்டம், ஒரத்தநாடு சட்டமன்றத் தொகுதிக்குட்பட்ட பஞ்சநதிக்கோட்டையில் மெகா நேரடி நெல் கொள்முதல் நிலையம் திறக்கப்பட்டது. தற்போது நேரடி நெல் கொள்முதல் நிலையங்களில் சுமை தூக்கும் தொழிலாளர்களைக் கொண்டுதான் நாளொன்றுக்கு 20 மெட்ரிக் டன் நெல் கொள்முதல் செய்யப்படுகிறது. ஆனால், தற்போது அமைக்கப்பட்டுள்ள மெகா நேரடி நெல் கொள்முதல் நிலையத்தின் மூலமாக, நாளொன்றுக்கு 200 மெட்ரிக் டன் நெல் கொள்முதல் செய்திடவும், அதற்கு, விவசாயிகளிடமிருந்து நெல்லை மூட்டையில்லா மல் டிராக்டர் மூலமாகக் கொண்டுவந்து, மொத்தமாக அதைக் கொள்முதல் செய்து, தானியங்கி முறையில் dryer மூலம் உலரவைத்து, சுத்தம் செய்து, துல்லிய எடையுடன் தானியங்கி முறையில் சாக்குப் பைகளில் நிரப்பி, conveyor மூலமாக லாரிகளில் ஏற்றும்வகையில், அதிதிறன்கொண்ட நெல் கொள்முதல் நிலையம் அமைக்க திட்ட மிடப்பட்டது. சோதனை முறையில் இதைச் செயல்படுத்திடும் வகையில், 1 கோடியே 41 இலட்சம் ரூபாய் மதிப்பீட்டில் தஞ்சாவூர் மாவட்டத்தில் திறக்கப்பட்டுள்ளது. பரிட்சார்த்த முறையில் தொடங்கி வைக்கப்பட்டுள்ள இம்மையம், அப்பகுதி விவசாயிகள் மத்தியில் மிகுந்த வரவேற்பைப் பெற்றிருக்கிறது. மாண்புமிகு முதலமைச்சர் அவர்களின் ஆட்சிக் காலத்தில், தமிழ்நாட்டில் முதன்முறையாக இந்த Mega DPC திறந்துவைக்கப்பட்டிருக்கிறது. அது நல்ல முறையில் செயல்படுமேயானால், உறுப்பினர் அவர்களின் கோரிக்கையை ஏற்று, வருகின்ற காலங்களில் தமிழகத்தில் எங்கெல்லாம் அதிகமாக நெல் விளைகிறதோ, அங்கெல்லாம் இந்த pilot scheme-ஐ நடைமுறைப்படுத்துவது குறித்து முதலமைச்சர் அவர்களின் கவனத்திற்கு எடுத்துச் சென்று, அதைச் செயல்படுத்துவோம் என்பதைத் தெரிவித்துக்கொள்கிறேன்.
இவ்வாறு பேரவையில் விவாதம் நடைபெற்றது.
அயலக திராவிட முன்னேற்றக் கழகம் குவைத் தளபதி பேரவை சார்பாக, கழகத் தலைவர் அவர்களின் 72 வது பிறந்தநாள் விழா, சமூக நல்லிணக்க ரமலான் விருந்து குவைத் பாலிவுட் உணவகம் நாகூர் அனிபா நூற்றாண்டு அரங்கத்தில் நடைபெற்ற நிகழ்வில், தலைமை ஒருங்கிணைப்பாளர் பட்டுக்கோட்டை சரவணன் ஏற்பாட்டில் செயலாளர் அம்மையப்பன் செல்வம்,மதுக்கூர் பிரேம் பிரசாந்த் சிவக்குமார், பழனி, நல்லரசு, போத்தியப்பன், அன்பழகன் சிறப்பு அழைப்பாளர்களாக, முஃப்தி அ.உமர் ஷரீஃப் காஸ்மி,மவ்லவி , ஆலிம் இம்தாதி, மவ்லவி ஷேக் அலி ஃபீர்தவ்ஸி, மார்க்கத்தின் நெறிமுறைகளையும் கழகத் தலைவரின் சிறப்பான ஆட்சியையும் மக்களுக்கு எடுத்துரைத்து உரை நிகழ்த்தினர் அஸ்லாம் நன்றி கூறினார்.,