சென்னை, ஏப். 4–
சட்டப் பேரவையில் கேள்வி நேரத்தின்போது பேசிய சோழவந்தான் தொகுதி கழக எம்.எல்.ஏ., ஆ.வெங்கடேசன், “சோழவந்தானில் உள்ள அரசு மருத்துவமனையைத் தரம் உயர்த்திட வேண்டும்” என கோரிக்கை விடுத்தார்.
சட்டப் பேரவையில் கேள்வி நேரத்தின்போது நடைபெற்ற விவாதம் வருமாறு:–
அ.வெங்கடேசன்:
சோழவந்தானில் உள்ள அரசு மருத்துவமனையைத் தரம் உயர்த்த அரசு ஆவன செய்யுமா? ஆம் எனில், எப்போது?
அமைச்சர் மா.சுப்பிர
மணியன்:
மதுரை மாவட்டம், சோழவந்தான் அரசு மருத்துவமனை 1940 ஆம் ஆண்டு Maternity home ஆக ஆரம்பிக்கப்பட்டு 1981 ஆம் ஆண்டு முதல் வட்டம் சாரா அரசு மருத்துவமனையாக 20 படுக்கை வசதிகளுடன் செயல்பட்டு வருகிறது. இந்த மருத்துவமனை யில், உள்நோயாளிகள் பிரிவு, புறநோயாளிகள் பிரிவு, மகப்பேறு சிகிச்சை பிரிவு, பல் சிகிச்சை பிரிவு, சித்தா பிரிவு, ஆய்வகம், உடற்கூறாய்வு பிரிவு, அறுவை சிகிச்சை பிரிவு, தொழுநோய் பிரிவு, ECG, Ultrasound, Scan போன்ற பல்வேறு வசதிகளும், 5 மருத்துவர்களும், 6 செவிலியர்களுடனும் இங்கே சிறப்பாக பணியாற்றி வருகின்றார்கள். மாண்புமிகு சட்டமன்ற உறுப்பினர், ஏற்கெனவே வைத்த கோரிக்கை யினை ஏற்று, தமிழ்நாட்டின் முதலமைச்சர் அவர்களுடைய வழிகாட்டுதலைப் பெற்று 15 ஆவது நிதி ஆணையத்தின்கீழ் ரூ. 3.50 கோடி மதிப்பீட்டில் இதே மருத்துவமனை வளாகத்தில் பழையக் கட்டடங்களை எடுத்துவிட்டு புதிய கட்டடங்கள் கட்டுவதற்கான நடவடிக்கை மேற்கொள்ளப்பட்டிருக்கிறது
ஆ. வெங்கடேசன்
: மருத்துவம் மற்றும் மக்கள் நல்வாழ்வுத் துறை அமைச்சர் அவர்கள், அந்த மருத்துவ மனையை தரமுயர்த்தி, கூடுதல் கட்டடம் கட்டித் தரப்படும் என்று கூறினார்கள். அதற்காக முதலமைச்சர் அவர்களுக்கும், மருத்துவம் மற்றும் மக்கள் நல்வாழ்வுத் துறை அமைச்சர் அவர்களுக்கும் நன்றியைத் தெரிவித்துக்கொள்கிறேன். அந்த மருத்துவமனையில் கூடுதல் படுக்கை மற்றும் CT scan வசதிகளை அமைச்சர் செய்து தருவார்களா?
அமைச்சர் மா. சுப்பிர
மணியன்:
அரசு மருத்துவமனைக்கு குறிப்பாக வட்டம்சாரா அரசு மருத்துவ மனைக்கு என்னவெல்லாம் வசதிகள் தேவையோ அந்த வசதிகளெல்லாம் தற்போதும் இருக்கின்றன. இன்னமும்கூட 3½ கோடி ரூபாயில் புதிய கட்டடமும் வரவிருக்கிறது. அந்தக் கட்டடத்திற்குத் தேவையான மருத்துவ உபகரணங்களும் வாங்கித் தரப்படும்.
ஆ. வெங்கடேசன்
: கச்சைகட்டி மற்றும் அம்பலத்தடி ஆகிய கிராமங்களில் ஆரம்ப சுகாதார நிலையங்கள் கட்டி திறக்கப்படும் தருவாயில் இருக்கின்றன. அமைச்சர் அவர்கள், அவற்றை மக்கள் பயன்பாட்டிற்கு எப்போது அளிப்பார்கள் என்பதை அறிய விரும்புகிறேன்.
பாலமேடு பகுதியில் 108 ஆம்புலன்ஸ் வசதி வேண்டும் என்று வெகுநாட்களாகக் கேட்டுக்கொண்டிருந்தேன்.
அமைச்சர் அவர்கள் சென்ற மாதம் அங்கு வந்திருந்தபோது அதுகுறித்து கோரிக்கை வைத்தோம்.
அக்கோரிக்கையை உடனடியாக நிறைவேற்றித் தந்த மாண்புமிகு முதலமைச்சர் அவர்களுக்கும், மாண்புமிகு மருத்துவம் மற்றும் மக்கள் நல்வாழ்வுத் துறை அமைச்சர் அவர்களுக்கும் நன்றி தெரிவித்துக்கொள்கிறேன்.
இது மக்கள் பயன்பாட்டிற்கு எப்போது அளிக்கப்படும்?
அமைச்சர் மா. சுப்பிர
மணியன்:
பேரவைத் தலைவர் அவர்களே, கட்டி முடிக்கப்பட்டிருக்கின்ற ஆரம்ப சுகாதார நிலையங்கள் மற்றும் துணை சுகாதார நிலையங்கள் ஆகியவற்றிற்கான கூடுதல் கட்டடங்களை அடுத்து வருகிற பேரவை விடுமுறை நாட்களில் திறந்து வைப்பதற்குரிய நடவடிக்கை எடுக்கப்படும் என்பதைத் தெரிவித்துக்கொள்கிறேன்.
இவ்வாறு பேரவையில் விவாதம் நடைபெற்றது.
நாகர்கோவில் மாநகராட்சி, வடக்கு மற்றும் கிழக்கு மண்டல அலுவலகங்கள் திறப்பதற்கான ஏற்பாடுகளை மாநகராட்சி அதிகாரிகளுடன் கன்னியாகுமரி கிழக்கு மாவட்டச் செயலாளர், மேயர் ரெ.மகேஷ் பார்வையிட்டு ஆய்வு மேற்கொண்டார். ஆய்வில் நாகர்கோவில் மாநகராட்சி ஆணையர் நிஷாந்த் கிருஷ்ணா, மாநகர் நல அலுவலர் மருத்துவர் ஆல்பர் மதியரசு, மண்டலத் தலைவர் இ.ஜவகர், சுகாதார அலுவலர்கள் ராஜா, ராஜராம், இளநிலை பொறியாளர் பாஸ்கர், மாமன்ற உறுப்பினர் நெ.கலாராணி, மாநகராட்சி அதிகாரிகள் உட்பட கழக நிர்வாகிகள் பலர் உடனிருந்தனர்.