தலைமைச் செயலகத்தில், நீர் வளத்துறை அமைச்சர் துரைமுருகன் அவர்கள் தலைமையில் சட்டமன்றப் பேரவையில் நேற்று முன்தினம் (02.04.2025) 2025- – 26 நிதி ஆண்டின் நீர்வளத் துறையின் மானியக் கோரிக்கையின் போது அறிவிக்கப்பட்ட அறிவிப்புப் பணிகள் குறித்து நிருவாக ஒப்புதல் பெற மதிப்பீடுகளை விரைவாக தயாரித்து அரசின் அனுமதி பெறுவது குறித்து நீர்வளத் துறையின் தலைமைப் பொறியாளர்களுடன் கலந்தாய்வுக் கூட்டம் நடைபெற்றது. இக்கூட்டத்தில், நீர்வளத் துறையின் கூடுதல் தலைமைச் செயலாளர் மங்கத்ராம் சர்மா, நீர்வளத் துறையின் சிறப்புச் செயலாளர் சு. ஸ்ரீதரன், நீர்வளத் துறையின் முதன்மை தலைமைப் பொறியாளர் மற்றும் தலைமைப் பொறியாளர் (பொது) சா. மன்மதன் மற்றும் நீர்வளத் துறையின் மண்டல மற்றும் செயலாக்கப்பிரிவுகளின் தலைமைப் பொறியாளர்கள் கலந்துகொண்டனர்.