புதுடெல்லி, ஏப்.4–
திராவிட முன்னேற்றக் கழகத்தின் அரக்கோணம், நாடாளுமன்ற உறுப்பினர் எஸ். ஜெகத்ரட்சகன் 01 ஏப்ரல் 2025 அன்று மக்களவையில், சிறு, குறு விவசாயிகளின் நலனைப் பாதுகாக்கவும், விவசாய உற்பத்தி நிறுவனங்களின் கட்டமைப்பை பெருக்கவும், அவர்களின் சந்தை வாய்ப்பினை அதிகரிக்கவும், உணவு பதனிடுதல் துறையின் மூலம் நிதியுதவி அளித்திடவும். ஏதேனும் ஒன்றிய அரசிடம் திட்டங்கள் உள்ளதா, என்றும், தமிழ்நாட்டிலுள்ள சிறு, குறு விவசாயி கள் பயன்பெற வாய்ப்புகள் உள்ளதா? என்றும் ஒன்றிய அரசின் விவசாயத்துறை இணையமைச்சர், ராம்நாத் தாககூர், அவர்களிடம் கேள்வியை எழுப்பினார்.
ஒன்றிய அரசின் விவசாயத்துறை இணையமைச்சர், ராம்நாத் தாககூர் அளித்த பதில் பின்வருமாறு:-
சிறு, குறு விவசாயகளின் நலனைப் பாதுகாப்பதில் 10,000க்கும் மேற்பட்ட விவசாய உற்பத்தி சங்கங்கள் செயல்பட்டு வருகின்றன என்றும், அவற்றிற்கான மேலாண்மை நிதியாக ரூபாய் 590 கோடிகள் செலவிடப்பட்டுள்ளது என்றும், ஒன்றிய அரசின் பங்களிப்பாக ரூபாய் 280 கோடிகள் வழங்கப்பட்டுள்ளது என்றும், 2094 விவசாய உற்பத்தி சங்கங்களுக்கு ரூபாய் 483 கோடிகள் அளவிற்கு கடன் உறுதியளிப்பு கணிக்கப்பட்டுள்ளது என்றும் இணையமைச்சர் மக்களவையில் தெரிவித்தார்.
மேலும், விவசாய உற்பத்தி சங்கங்களை ஒரு குழுவாக அமைத்து சந்தை வாய்ப்புகளை பெருக்கவும், கணிணி தொழில் நுட்ப த்தின் மூலம பயனடையவும், 216 விவசாய உற்பத்தி சங்கங்கள் மிண்ணனு சந்தையில் பங்கு பெற்று சிறு குறு விவசாயிகளுக்கு உதவி வருகின்றன என்றும், 4300க்கும் அதிகமான விவசாய உற்பத்தி சங்கங்கள் சந்தை வாய்ப்புகளை பெற்று பயனடைந்து உள்ளன என்றும், விவசாய பொருட் காட்சிகள் விவசாய மேளாக்கள் ஆகியவை நடத்தப்பட்டு வருகின்றன என்றும்,
விவசாய கட்டமைப்பு நிதியம், பாரம்பரிய விவசாய வளர்ச்சி திட்டம், ஆர்கனிக் முறையிலான விவசாயம், இயந்திர மயமாக்கல், ஒருங்கிணைந்த தோட்டக்கலை திட்டம், ராஷ்டிரிய கிரிஷி விகாஸ் திட்டம் போன்ற திட்டங்களால் சிறு குறு விவசாயி களின் நலனை ஒன்றிய அரசு பாதுகாத்து வருவதாகவும், 465க்கும் மேற்பட்ட விவசாய உற்பத்தி சங்கங்கள் தமிழ்நாட்டில் செயல்பட்டு வருகின்றன.
இவ்வாறு ஒன்றிய அமைச்சர் பதிலளித்தார்.