சென்னை, ஏப்.4–

சட்­டப்­பே­ர­வை­யில் நேற்று முன்தினம் – மது­ர­வா­யல் – சென்னை துறை­மு­கம் மேம் ­பா­லப் பணி­கள் குறித்த விவா­தத்­திற்­குப் பதி­ல­ளித்த பொதுப் ­ப­ணித்­துறை அமைச்­சர் எ.வ.வேலு, ‘‘மது­ர­வா­யல் – சென்னை துறை­மு­கம் மேம்­பா­லப் பணி­களை குறிப்­பிட்ட காலத்­திற்­குள் முடித்­திட அரசு அத்­தனை முயற்­சி­யை­யும் எடுக்­கும்’’ என்று குறிப்­பிட்­டார்.

அதன் விவ­ரம்வரு­மாறு:

மது­ர­வா­யல் – சென்னை துறை­மு­கம் மேம்­பா­லப் பணி­களை விரைந்து முடிக்க வேண்­டி­யது குறித்து, சட்­டப்­பே­ர­வை­யில் நேற்று, உறுப்­பி­னர் ஈ.ஆர்.ஈஸ்­வ­ரன் கவன ஈர்ப்­புத் தீர்­மா­னம் கொண்டு வந்­தார்.

அதற்கு பதி­ல­ளித்து பேர­வை­யில் எ.வ.வேலு, அறிக்கை ஒன்­றினை வைத்­தார்.

அதில் கூறப்­பட்­டி­ருப்­ப­ தா­வது :–

மது­ர­வா­யல் துறை­முக மேம்­பா­லம் இந்­திய தேசிய நெடுஞ்­சாலை ஆணை­யத்­தைச் சார்ந்­த­தா­கும்.

பாரத்­மாலா பரி­யோ­ஜனா திட்­டத்­தின்­கீழ் தமிழ்­நாட்­டில் சென்னை துறை­மு­கம் முதல் மது­ர­வா­யல் வரை­யி­லான புதிய இரண்டு அடுக்கு 4 வழி உயர்­மட்ட சாலை அமைக்­கும் பணி தே.நெ.4–ல் கி.மீ.0/342 முதல் கி.மீ. 20/593 வரை பகுதி | முதல் IV வரை

(கி.மீ. 0/342 முதல் கி.மீ. 20/593 வரை) EPC செயல்­மு­றை­யில் ஒப்­பந்த மதிப்பு ரூ.5,510 கோடிக்கு ஒப்­பந்த உடன்­ப­டிக்கை 11–9–2023 அன்று மேற்­கொள்­ளப்­பட்டு, பணி நிய­ம­னம் 23–11–2023 அன்று வழங்­கப்­பட்­டது.

ஒப்­பந்த உடன்­ப­டிக்­கை­யின்­படி இப்­ப­ணி­கள் பிப்­ர­வரி 2027 இல் முடிக்­கப்­பட வேண்­டும் இந்­நேர்­வில் நீர்­வ­ளத் துறை­யால் எழுப்­பப்­பட்ட பல்­வேறு பிரச்­சி­னை­கள் கார­ண­மாக 30–5–2024 அன்­று­தான் பணிக்­கான சாலைப்­ப­குதி ஒப்­ப­டைப்பு செய்­யப்­பட்­டது. மேலும், 15–9–2024 முதல் 31–12–2024 வரை­யி­லான பரு­வ­ம­ழைக் காலத்­தில் தேசிய பசு­மைத் தீர்ப்­பா­யத்­தின் உத்­த­ர­வின்­படி பணி­கள் மேற்­கொள்­ளப்­ப­ட­வில்லை. இதன் கார­ண­மாக, திட்­ட­மிட்­ட­படி பணி­கள் நடை­பெ­ற­வில்லை.மேற்­கண்ட கார­ணங்­க­ளால் இப்­ப­ணி­யா­னது மேலும் கால­தா­ம­ தத்­து­டன் நிறைவு பெற வாய்ப்பு உள்­ள­தாக இந்­திய தேசிய நெடுஞ்­சாலை ஆணை­யத்­தால் தெரி­விக்­கப்­பட்­டுள்­ளது.

தற்­போ­தைய முன்­னேற்­றம்

இத்­திட்­டப் பணி­கள் 4 தொகுப்­பு­க­ளைக் கொண்­டது. இப்­ப­ணி­க­ளில் மொத்­த­முள்ள 5,296 எண்­ணிக்­கை­யி­லான Piles அமைக்­கும் பணி­க­ளில், 812 எண்­ணிக்கை முடி­வ­டைந்­துள்­ளது. மேலும் மொத்­த­முள்ள 882 எண்­ணிக்­கை­யி­லான Pilecap அமைக்­கும் பணி­க­ளில் 41 எண்­ணிக்கை முடி­வ­டைந்­ துள்­ளது. மேலும் மேல் தளத்­திற்­குண்­டான (Super structure) பாகங்­கள் தனி­யாக இரண்டு இடங்­க­ளில் (Casting yard) தயா­ரிக்­கப்­பட்டு வரு­கி­றது. இதில் மொத்­தம் 9,415 எண்­ணிக்­கை­யில், 14 எண்­ணிக்கை முடி­வ­டைந்து தொடர்ந்து பணி­கள் நடை­பெற்று வரு­கி­றது என இந்­திய தேசிய நெடுஞ்­சாலை ஆணை­யத்­தால் தெரி­விக்­கப்­பட்­டுள்­ளது.

இவ்­வாறு அவ்­வ­றிக்­கை­யில் தெரி­விக்­கப்­பட்­டி­ருந்­தது.

அத­னைத் தொடர்ந்து அமைச்­சர் எ.வ.வேலு குறிப்­பிட்­ட­தா­வது :–

தமிழ்­நாடு முத­ல­மைச்­ச­ ராக கலை­ஞர் அவர்­கள் இருந்­த­போது காங்­கி­ரஸ் பேரி­யக்­கம் டெல்­லி­யிலே இருக்­கி­ற­பொ­ழு­து­தான் மன்­மோ­கன் சிங் அவர்­களை அழைத்து அந்­தப் பாலம் துவக்­கப்­பட்­டது. அத­னால் 16 ஆண்டு காலம் கிடப்­பிலே இருந்­தது என்றகருத்தை இங்கே எடுத்­துச் சொன்­னார்­கள்.

இந்த ஆட்சி பொறுப்­பேற்ற பிறகு முதல்­வர் அவர்­கள் டெல்­லிக்கு சென்ற பொழுது, இந்­தப் பாலத்தை மீண்­டும் கட்­ட­வேண்­டும் என்று பிர­த­ம­ரி­டத்­தி­லும், நிதின் கட்­கரி அவர்­க­ளி­டத்­தி­லும் நேர­டி­யாக கடி­தம் தந்­தார்­கள். ஒரு முறைக்கு இரண்டு முறை நானே நேர­டி­யாக சம்­பந்­தப்­பட்ட அமைச்­ச­ரி­டத்­திலே கடி­தம் கொடுத்­தது மட்­டு­மல்­லா­மல் வலி­யு­றுத்­தி­யும் இருக்­கி­றேன்.

அந்த அடிப்­ப­டை­யி­லே­தான் இந்­தப் பாலம் மீண்­டும் கட்­டு­கிற அந்த வாய்ப்பு கிடைத்­தது. அதற்கு திட்ட மதிப்­பீடு என்­றால் 3,570 கோடி ரூபாய் திட்ட மதிப்­பீட்­டில் ஒப்­பந்­தங்­க­ளெல்­லாம் கோரப்­பட்டு, Mumbai–ஐ சேர்ந்த J Kumar Infraprojects Ltd. என்­கிற ஒரு நிறு­வ­னம் அதை எடுத்­தி­ருக்­கி­றது. இப்­போது அந்­தப் பணி­கள் நடை­பெற்­றுக்­கொண்­டி­ருக்­கி­றது. உயர்­மட்ட சாலை என்­பது மொத்­தம் 21 கிலோ மீட்­டர். அந்­தப் பாலம் இரண்டு பகு­தி­யாக அமை­கி­றது. ஒன்று கீழ்­ப­குதி, இன்­னொன்று மேல் பகுதி என்று இரண்டு அடுக்­குள்ள மேம்­பா­லம். மேல் பகுதி என்­பது மது­ர­வா­யி­லில் இருந்து புறப்­பட்டு நேர­டி­யாக துறை­மு­கத்­திற்கு வந்­து­வி­டும். அதில் எந்த இடை­யூ­றும் இருக்­காது.

கீழ்ப் பாலங்­கள் என்­பது ஆறு இடங்­க­ளில் இறங்கு பாலங்­க­ளா­க­வும், ஏழு இடங்­க­ளில் ஏறு பாலங்­க­ளா­க­வும் அந்த design அமைந்­தி­ருக்­கி­றது. அந்­தப் பணி­கள் தற்­போது துவங்­கப்­பட்­டுள்­ளன. அதோ­டு­மட்­டு­மல்ல, இந்­தப் பணி­களை விரை­வாக முடிக்க வேண்­டு­மென்று முத­ல­மைச்­சர் அவர்­க­ளால் ஒன்­றிய அரா­சங்­கத்­தி­ட­மி­ருந்து ஒரு ஒப்­பந்­தம் போடப்­பட்­டது.

மாநில அர­சாங்­க­மும், ஒன்­றிய அர­சாங்­க­மும் ஒரு ஒப்­பந்­தம் போடுக்­கொண்­டது. ஒன்­றிய அர­சாங்­கத்­தின் கட்­டுப்­பாட்­டில் அந்­தப் பாலம் அமைக்­கப்­ படு­கி­றது கார­ணத்­தால், அதற்கு மாநில அர­சாங்­கம் என்­னென்ன உத­வி­க­ளைச் செய்­ய­லாம், அங்கு வேலை செய்­வ­தற்­கு­ரிய yard–களை கொடுப்­பது, அவர்­க­ளுக்கு வேண்­டிய நில எடுப்பை எடுத்து கொடுப்­பது என்ற அடிப்­ப­டை­யில் பல்­வேறு இனங்­க­ளில் ஒப்­பந்­தங்­கள் போடப்­பட்­டன. அந்­தப் பணி­கள் விரைந்து நடக்க வேண்­டும் என்­ப­தற்­காக துறை­யின் சார்­பாக நானே நேர­டி­யாக அவ்­வப்­போது, மாதத்­திற்கு ஒரு முறை ஆய்­வுக் கூட்­டம் நடத்­து­கி­றேன். தற்­போ­து­கூட, ஒரு மாத காலத்­திற்கு முன்­னாள் அரசு துறை, நெடுஞ்­சா­லைத் துறை, RO, தேசிய நெடுஞ்­சாலை ஆணை­யம், நீர்­வ­ளத் துறை அதி­கா­ரி­கள், மின்­வா­ரி­யத் துறை அதி­கா­ரி­கள், போக்­கு­வ­ரத்து காவல் துறை அதி­கா­ரி­கள், சென்னை பெரு­ந­கர மாந­க­ராட்சி அதி­கா­ரி­கள், நகர்ப்­புர வாழ்­விட மேம்­பாட்டு அதி­கா­ரி­கள், இந்­திய கடற்­படை அதி­கா­ரி­கள் மற்­றும் ஒப்­பந்­த­தா ­ரரை அழைத்து ஒரு கூட்­டத்தை நான் தொடர்ந்து போட்­டுக் கொண்­டி­ருக்­கி­றேன். ஒரு மாதத்­திற்கு முன்பு கூட்­டம் போடு­கி­ற­போது சில இடர்ப்­பா­டு­களை எல்­லாம் சொன்­னார்­கள்.

குறிப்­பாக, கூவம் ஆற்­றிலே கிட்­டத்­தட்ட 15 கிலோ மீட்­டர் தூரம் வரை அந்­தப் பாலம் செல்­கி­றது. ஆனால், அதற்கு நீர்­வ­ளத் துறை­யி­ட­மி­ருந்து அனு­மதி பெற வேண்­டும். அத­னால், அந்­தத் துறை­யின் செய­லா­ளர் அவர்­களை அழைத்து, நீர்­வ­ளத் துறை அமைச்­சர் அவர்­க­ளி­டத்­தி­லும் சொல்லி, NOC வாங்கி அந்­தப் பணி­கள் தற்­போது நடை­பெற்­றுக் கொண்­டி­ருக்­கின்­றன.

கூவம் ஆற்­றங்­க­ரை­யில் இருக்­கும் பொது மக்­க­ளுக்கு வேறொரு இடத்­தில் அவர்­க­ளின் வாழ்­வா­தா­ரத்­திற்கு குடி­யி­ருப்பு ஏற்­ப­டுத்­தித் தர வேண்­டிய பணி­கள் இருக்­கின்­றன. விரி­வாக்­கம் செய்­யும்­போது மின்­கம்­பங்­களை அகற்­றும் பணி, கட்­டு­மா­னப் பணி­க­ளுக்கு இடை­யூ­றாக இருக்­கிற போக்­கு­வ­ரத்­து­களை மாற்­றி­ய­மைப்­பது,

இந்­திய இரா­ணு­வத்­திற்­குச் சொந்­த­மான, கடற்­ப­கு­திக்­குச் சொந்­த­மான இடத்­திற்­குப் பதி­லாக மாநில இடத்­திற்­குச் சொந்­த­மான வேறொரு இடத்­தைக் கொடுத்­து­விட்டு, அந்த இடத்தை இதற்­கா­கப் பெறு­வது என்று இப்­படி பல்­வேறு வகை­யி­லான பணி­கள், மாநில அரசு தொடர் ஆய்­வுக் கூட்­டம் நடத்­தி­ய­தன் விளை­வாக, 20–5–2026 வரை ஒப்­பந்­தம் இருக்­கி­றது. அவர்­க­ளுக்கு ஒப்­பந்த காலம் என்­பது 2026 வரை இருக்­கி­றது. சுமார் மூன்று ஆண்டு காலம் ஆகும். அந்­தப் பணி­களை முடிப்­ப­தற்கு, தொடர்ந்து மாநில அர­சாங்­கம் ஒத்­து­ழைப்பு செய்து, அந்­தப் பாலத்தை விரை­வா­கக் கட்­டு­வ­தற்கு மாநில நெடுஞ்­சா­லைத் துறை முழு ஒத்­து­ழைப்பு வழங்­கும்.

தமிழ்­நாட்­டிலே தொழில் வளர்ச்சி பெருக வேண்­டு­மென்ற அடிப்­ப­டை­யில்­தான் வெளி­நாட்டு மூல­த­னங்­களை எல்­லாம் தமிழ்­நாட்­டுக்கு கொண்­டு­வ­ரும் முயற்­சி­யில் தமிழ்­நாட்டு முத­ல­மைச்­சர் அவர்­கள் ஈடு­பட்­டி­ருக்­கி­றார்­கள். அவர் குறிப்­பிட்­ட­தை­ போல, தொழிற்­சா­லை­க­ளில் உற்­பத்தி செய்­யப்­ப­டு­கிற அந்­தப் பொருட்­க­ளெல்­லாம் இங்கே துறை­மு­கத்­திற்கு வர வேண்­டும் என்ற அடிப்­ப­டை­யில்­தான் அந்­தச் சாலைக்கு முக்­கி­யத்­து­வம் தந்து, அந்­தப் பணி­களை நாங்­கள் மேற்­கொண்டு ஆய்வு செய்து கொண்­டி­ருக்­கி­றோம். குறிப்­பிட்ட காலத்­திற்­குள் அந்­தப் பாலம் அமைப்­ப­தற்கு அரசு அத்­தனை முயற்­சி­யை­யும் எடுக்­கும்.

இவ்­வாறு பேர­வை­யில் அமைச்­சர் எ.வ.வேலு விளக்­க­ம­ளித்­தார்.