தமிழ்நாடு துணை முதலமைச்சர் உதயநிதி ஸ்டாலின் அவர்கள் நேற்று (3.4.2025) பள்ளிக்கல்வித்துறையின் ‘‘நம்ம ஸ்கூல், நம்ம ஊரு பள்ளி திட்டத்தின்”’’ கீழ் திருவல்லிக்கேணி லேடி வில்லிங்டன் அரசு மாதிரி மேல்நிலைப் பள்ளியில், வெர்சுசா நிறுவனத்தின் சமூக பங்களிப்பு நிதியின் மூலம் கட்டப்பட்ட ஒருங்கிணைந்த அறிவியல் ஆய்வகங்களை திறந்து வைத்து பார்வையிட்டார். இந்நிகழ்வில் பள்ளிக் கல்வித் துறை அமைச்சர் அன்பில் மகேஸ் பொய்யாமொழி, பெருநகர சென்னை மாநகராட்சி நிலைக்குழுத் தலைவர் (பணிகள்) நே.சிற்றரசு, பள்ளிக் கல்வித் துறை முதன்மைச் செயலாளர் மருத்துவர். பி. சந்தர மோகன், பள்ளிக் கல்வித்துறை இயக்குநர் முனைவர். ச.கண்ணப்பன், வெர்சுசா அறக்கட்டளையின் துணை செயல் தலைவர் வெங்கடேசன் விஜயராகவன் உள்பட அரசு உயர் அலுவலர்கள், மாமன்ற உறுப்பினர்கள் உடனிருந்தனர்.