சென்னை, மே 5 –

கழ­கத் தலை­வர் – முத­ல­மைச்­சர் மு.க.ஸ்டாலின் அவர்­கள் தலை­மை­யில், நேற்று அண்ணா அறி­வா­ல­யம், கலை­ஞர் அரங்­கில் நடை­பெற்ற மாவட்­டக் கழ­கச் செய­லா­ளர்­கள் கூட்­டத்­தில் “மது­ரை­யில்ஜூன் 1–ல் கழ­கப் பொதுக்­குழுவைக் கூட்ட முடிவுசெய்­யப்­பட்­டுள்­ள­தாக” தீர்­மா­னம் நிறை­வேற்­றப்­பட்­டது.

மாவட்­டக் கழ­கச் செய­லா­ளர்­கள் கூட்­டத்­தில் நிறை­வேற்­றப்­பட்ட தீர்­மா­னங்­கள் வரு­மாறு:–

தீர்­மா­னம் : 1

திரா­விட மாடல் அர­சின் ஐந்­தா­வது ஆண்­டில் அடி எடுத்து வைக்­கும் – மக்­க­ளின் மகத்­தான பேரன்­பைப் பெற்ற – இந்­தி­யா­விற்கே ரோல் மாட­லா­கச் செயல்­ப­டும் கழ­கத் தலை­வர் மற்­றும் முத­ல­மைச்­சர் அவர்­க­ளுக்­குப் பாராட்டு.

இந்­தி­யத் துணைக் கண்­டத்­தில் – மக்­கள்நலன் போற்­றும் வகை­யில், மாநில உரி­மை­க­ளுக்­குக் குரல் கொடுக்­கும் தீரத்­து­டன், சமூ­க­நீ­தி­யைப் பாது­காத்து, சட்­ட­மன்ற மாண்­பினை நிலை­நாட்டி, ஜன­நா­ய­கக் கோட்­பா­டு­களை உயர்த்­திப் பிடிக்­கும் அர­சா­க­வும், ஒன்­றிய பா.ஜ.க. அர­சின் எதேச்­சா­தி­கா­ரப் போக்­கி­லி­ருந்து – அர­சி­யல் சட்­டம் தந்­துள்ள கூட்­டாட்­சிக் கருத்­தி­ய­லைப் பாது­காக்­கும் முதன்­மை­யான மாநில அர­சா­க­வும் நான்கு ஆண்­டுகளை நிறைவு செய்து – ஐந்­தா­வது ஆண்­டில் அடி­யெ­டுத்து வைக்­கும் திரா­விட மாடல் அர­சின் – மக்­க­ளின் மகத்­தான பேரன்­பைப் பெற்ற முத­ல­மைச்­ச­ ரா­க­வும் – இந்­தி­யா­விற்கே ரோல் மாட­லாக – தமிழ்­நாட்­டின் தனிப் பெருந்­த­லை­வ­ரா­க­வும் திக­ழும் கழ­கத் தலை­வர், முத­ல­மைச்­சர் அவர்­க­ளுக்கு இந்த மாவட்­டக் கழ­கச் செய­லா­ளர்­கள் கூட்­டம் தனது மன­மு­வந்து வாழ்த்­து­க­ளைத் தெரி­வித்­துக் கொள்­கி­றது.

தமிழ்­நாடு சட்­ட­மன்­றத்­தில் தீர்­மா­னம் நிறை­வேற்றி – ஒன்­றிய பா.ஜ.க. அர­சி­டம் தொடர்ந்து குரல் எழுப்பி – சாதி­வா­ரிக் கணக்­கெ­டுப்பு நடத்த வேண்­டிய பொறுப்பு ஒன்­றிய அர­சுக்­குத்­தான் உள்­ளது என்­பதை நாட்டு மக்­க­ளுக்­கும் – ஒன்­றிய அர­சுக்­கும் உணர்த்தி – தற்­போது சாதி­வா­ரிக் கணக்­கெ­டுப்பு அறி­விப்­பைப் பெற்­றி­ருக்­கி­றார்.

அது­மட்­டு­மல்ல, அர­சி­யல் சட்ட வர­லாற்­றில் ஒரு புதிய அத்­தி­யா­ய­மாக ஆளு­ந­ரின் கையெ­ழுத்­தின்றி உச்­ச­நீ­தி­மன்­றமே ஒப்­பு­தல் அளித்­துச் சட்­ட­ மி­யற்­றும் அதி­கா­ரத்­தைத் தனது சட்­டப் போராட்­டம் மூலம் பெற்று, ஆளு­நர் அடா­வ­டி­யாக நிறை­வேற்ற மறுத்த பத்து மசோ­தாக்­க­ளைச் சட்­ட­மாக்கி சகாப்­தம் படைத்து, “சட்­ட­மி­யற்­றும் அதி­கா­ரம் சட்­ட ­மன்­றத்­திற்கே” – “மக்­க­ளால் தேர்ந்­தெ­டுக்­கப்­பட்ட அர­சுக்கே – நிச்­ச­ய­மாக ஆளு­ந­ருக்கு இல்லை” என்ற வர­லாற்­றுச் சிறப்­பு­மிக்க உச்­ச­நீ­தி­மன்­றத் தீர்ப்­பைப் பெற்று, தமிழ்­நாட்­டின் உரி­மையை நிலை­நாட்­டி­யது மட்­டு­மின்றி, இந்­தத் தீர்ப்­பின் மூலம், இந்­தி­யக் கூட்­டாட்சி வர­லாற்­றில் அனைத்து மாநி­லங்­­ களுக்­கு­மான உரி­மை­க­ளைப் பெற்­றுத் தந்­தி­ருக்­கி­றார்.

அதோடு, வர­லாற்­றில் மீண்­டும் மாநில சுயாட்­சிக்­காக மாண்­பமை உச்­ச ­நீ­தி­மன்ற நீதி­ய­ர­சர் குரி­யன் ஜோசப் அவர்­கள் தலை­மை­யில் ஒரு உயர்­மட்­டக் குழு­வினை நிய­மித்­துள்ள கழ­கத் தலை­வ­ரும் – முத­ல­மைச்­ச­ரு­மான முத்­து­வேல் கரு­ணா­நிதி ஸ்டாலின் அவர்­க­ளுக்கு, மாவட்­டச் செய­லா­ளர்­­களின் இந்­தக் கூட்­டம் உவ­கை­யு­ட­னும் – பெருமை பொங்­க­வும் பாராட்­டு­த­லைப் பதிவு செய்து கொள்­கி­றது.

மேலும், ஐந்­தா­வது ஆண்­டில் அடி­யெ­டுத்து வைக்­கும் திரா­விட மாடல் நாய­கர் முத­ல­மைச்­சர் அவர்­க­ளுக்­குத் துணை­யா­கச் செய­லாற்றி வரும் துணைமுத­ல­மைச்­சர் உத­ய­நிதி ஸ்டாலின் அவர்­க­ளுக்­கும்; அனைத்து அமைச்­சர் பெரு­மக்­க­ளுக்­கும் இம்­மா­வட்­டக் கழ­கச் செய­லா­ளர்­கள் கூட்­டம் வாழ்த்­தும் – பாராட்­டும்– நன்­றி­யும் தெரி­வித்­துக் கொள்­கி­றது.

தீர்­மா­னம் : 2

“நாடு போற்­றும் நான்­காண்டு

தொட­ரட்­டும் பல்­லாண்டு!”

சாதனை விளக்­கப் பொதுக்­கூட்­டங்­கள்

முத­ல­மைச்­சர் அவர்­கள், நடை­பெற்று முடிந்த சட்­ட­மன்­றக் கூட்­டத்­தொ­ட­ரில், அவ­ரது உள்­துறை மானி­யக் கோரிக்கை மீதான பதி­லு­ரை­யில் தெரி­வித்­த­படி, வளர்ச்சி சார்ந்த எந்த ஓர் இலக்­காக இருந்­தா­லும் அதில் இந்­திய ஒன்­றி­யத்­தின் சரா­ச­ரி­யை­விட தமிழ்­நாடு கூடு­த­லான அள­வில் முன்­னே­றி­யி­ருக்­கி­றது.

இந்­தி­யா­வின் பொரு­ளா­தார வளர்ச்சி 6.5 விழுக்­காடு என்­றால், தமிழ்­நாட்­டின்பொரு­ளா­தார வளர்ச்சி 9.69 விழுக்­காடு; தேசிய சரா­ச­ரி­யான 2.06 லட்­சம் என்­ப­தை­ விட தமிழ்­நாட்­டின் தனி­ந­பர் வரு­மா­னம் 3.58 லட்­சம் என 1.74 மடங்கு அதி­க­ரிப்பு; தமிழ்­நாட்­டின் உயர்­கல்­விச் சேர்க்கை விகி­தம் 47 விழுக்­காடு; நிலை­யான வளர்ச்­சி­யில் தமிழ்­நாடு இந்­தி­யா­வில்இரண்­டா­வது இடம்; சமூக முன்­னேற்­றக் குறி­யீட்­டில் தேசிய அள­வில் தமிழ்­நாடு முத­லி­டம்; வறு­மைக் கோட்­டிற்­குக் கீழே உள்­ள­வர்­கள் வெறும் 1.43 விழுக்­கா­டா­கக் குறைவு; ‘மக்­க­ளைத் தேடி மருத்­து­வம்’ திட்­டம் மூலம் 2.25 கோடி மக்­கள் பயன்; இந்­தி­யா­வில் வேறு எந்த மாநி­லத்­தி­லும் இல்­லாத வகை­யில் அரசு மருத்­து­ம­னை­க­ளில் அதி­க­மான படுக்­கை­கள்; இந்­தி­யா­வி­லேயே அதி­கத் தொழிற்­சா­லை­கள் கொண்ட மாநி­லம்; 5.35 லட்­சம் கோடி ரூபாய் முத­லீ­டு­ க­ளைப் பெற்­ற­தில் நாட்­டி­லேயே இரண்­டா­வது இடம்; ஊராட்சி அமைப்­பு­க­ளுக்கு அதி­கா­ரம் அளிப்­ப­தில் நாட்­டி­லேயே மூன்­றா­வது இடம்; சூரிய சக்­தி­யில் நான்­கா­வது இடம், ஸ்டார்ட்–­­அப் தர­வ­ரி­சைப் பட்­டி­ய­லில் அ.தி.மு.க. ஆட்­சி­யில் கடைசி இடத்­தில் இருந்த தமிழ்­நாடு, 2022–இல் முத­லி­டம், ஏற்­று­ம­தித் தயார் நிலைக் குறி­யீட்­டில் முத­லி­டம்; மின்­ன­ணுப் பொருட்­கள் ஏற்­று­ம­தி­யில் முதன்மை மாநி­லம்; தோல் பொருட்­கள் மற்­றும் ஜவுளி ஏற்­று­ம­தி­யில் முதன்மை மாநி­லம்; நாட்­டி­லேயே காவல்­து­றை­யில் அதிக பெண் அதி­கா­ரி­கள் பணி­பு­ரி­யும் மாநி­லம்; அது­மட்­டு­மல்ல – சட்­டம் ஒழுங்கு சிறப்­பாக இருப்­ப­தில் நாட்­டி­லேயே முதல் இடத்­தில் உள்ள மாநி­லம் தமிழ்­நாடு என்று திரா­விட மாடல் அர­சின் மணி­ம­கு டத்தை அலங்­க­ரிக்­கும் அடுக்­க­டுக்­கான சாத­னை­க­ளால் தமிழ்­நாடு இன்­றைக்கு முன்­னி­லை­யில் இருக்­கி­றது!

அது­மட்­டு­மல்ல, மக்­களை முன்­னேற்­றும் முத்­தி­ரைத் திட்­டங்­க­ளான ‘கலை­ஞர் மக­ளிர் உரி­மைத் திட்­டம்’, ‘மக­ளிர் விடி­யல் பய­ணத் திட்­டம்’, ‘முத­ல­மைச்­ச­ரின் காலை உண­வுத் திட்­டம்’, ‘புது­மைப்­பெண் திட்­டம்’, ‘தமிழ்ப் புதல்­வன் திட்­டம்’, ‘நான் முதல்­வன் திட்­டம்’, ‘அம்­பேத்­கர் தொழில் முன்­னோ­டி­கள் திட்­டம்’, ‘இல்­லம் தேடிக் கல்வி’, ‘மக்­க­ளைத் தேடி மருத்­து­வம்’ என அனைத்­துத் திட்­டங்­க­ளும் – தமிழ்­நாட்­டின் முன்­னேற்­றத்­திற்­கும் – தமிழ்­நாட்டு மக்­க­ளின் நல­னுக்­கும் முன்­னோ­டி­யா­கத் திகழ்­வதை மற்ற மாநி­லங்­கள் கூட இன்று திரும்­பிப் பார்க்­கின்­றன.

திரா­விட முன்­னேற்­றக் கழக அர­சின் இந்­தச் சாத­னை­க­ளைப் பகுதி, ஒன்­றிய, நகர அள­வில், இளை­ஞர் அணி­யின் மூலம் வரப்­பெற்ற 186 இளம் பேச்­சா­ளர்­கள் உள்­ளிட்ட 443 பேச்­சா­ளர்­க­ளின் பங்­கேற்­பு­டன், 868 ஒன்­றி­யங்­கள் – 224 பகு­தி­கள் – 152 நக­ரங்­கள் என மொத்­தம் 1,244 இடங்­க­ளில் “நாடு போற்­றும் நான்­காண்டு தொட­ரட்­டும் பல்­லாண்டு!” சாதனை விளக்­கப் பொதுக் கூட்­டங்­களை நடத்­தி­டு­வ­தென மாவட்­டக் கழ­கச் செய­லா­ளர்­க­ளின் இந்­தக் கூட்­டம் முடிவு செய்­கி­றது.

தீர்­மா­னம் : 3

பவள விழாக் கண்ட திரா­விட முன்­னேற்­றக் கழ­கத்­தின் பொதுக்­குழு – கழ­கத்தலை­வ­ரின் அறி­வு­றுத்­த­லின்­பே­ரில் கூடல்மாந­க­ரில் ஜூன் 1–ஆம் நாள் கூடு­கி­றது!

நூறாண்டு கடந்த திரா­விட இயக்­கத்­தில், 75 ஆண்­டு­க­ளைக் கடந்து தமிழ் மக்­க­ளுக்­கான சமு­தாய – அர­சி­யல் பணி­க­ளைச் சளைக்­கா­மல் மேற்­கொண்டு, நாட்­டின் அர­சி­ய­லில் தவிர்க்க முடி­யாத தேசிய சக்­தி­யா­கத் திரா­விட முன்­னேற்­றக் கழ­கம் திகழ்­கி­றது.

தந்தை பெரி­யார், பேர­றி­ஞர் அண்ணா, முத்­த­மி­ழ­றி­ஞர் கலை­ஞர் ஆகி­யோர் வழி­யில் நின்று தமிழ்­நாட்­டின் நலன் காத்து வரு­வ­து­டன் – இன்று அகில இந்­திய அர­சி­ய­லில் நம் கழ­கத் தலை­வ­ரின் கருத்து என்ன என்ற எதிர்­பார்ப்பு ஓங்கி நிற்­கி­றது.

பல்­வேறு வர­லாற்­றுச் சிறப்­பு­மிக்க தீர்­மா­னங்­களை நிறை­வேற்றி – தமிழ்­நாட்­டின் முன்­னேற்­றத்­திற்­கா­க­வும், நம் நாட்­டின் ஜன­நா­ய­கத்­தைக் காப்­பாற்­று­வ­தற்­கா­க­வும், சமத்­து­வம், சமூ­க­நீதி, சிறு­பான்­மை­யி­னர் நலன் உள்­ளிட்ட அனைத்­துத் தரப்­பி­ன­ரின் நலன் காக்­கும் மாபெ­ரும் இயக்­க­மாக முன்­வ­ரி­சை­ யில் நிற்­கும் திரா­விடமுன்­னேற்­றக் கழ­கத்­தின் வர­லாற்­றுச் சிறப்­பு­மிக்கபொதுக்­கு­ழுக் கூட்­டம் நம் ஒப்­பற்ற கழ­கத் தலை­வர் அறி­வு­றுத்­த­லின்­படி, வரு­கின்ற ஜூன் 1–ஆம் நாள் கூடல் மாந­க­ராம் மது­ரை­யில் நடை­ பெ­றும் என்று இம்­மா­வட்­டக் கழ­கச் செய­லா­ளர்­க­ளின் இந்­தக் கூட்­டம் தீர்­மா­னிக்­கி­றது.

தீர்­மா­னம் : 4

அம­லாக்­கத்­துறை போன்ற அமைப்­பு­களை அர­சி­யல் பழி­வாங்­க­லுக்­குப் பயன்­ப­டுத்­தும் ஒன்­றிய பா.ஜ.க. அர­சின் அதி­கார அத்­து­மீ­ற­லுக்­குக் கண்­ட­னம்!

மக்­கள் மன்­றத்­தி­லும் – சட்­டத்­தின் துணை கொண்­டும்; தி.மு.க. எதிர்­கொள்­ளும்!

நீதித்­துறை உள்­ளிட்ட அனைத்­துத் தன்­னாட்சி அமைப்­பு­க­ளின் செயல்­பா­டு­க­ளி­லும் அத்­து­மீ­றிக் குறுக்­கிட்டு – அந்த அமைப்­பு­க­ளின் சுதந்­தி­ரத்­தைப் பறித்து வரு­வ­தோடு – தி.மு.க. உள்­ளிட்ட எதிர்க்­கட்சி ஆளும் மாநி­லங்­கள் மட்­டுமே வரு­மான வரித்­துறை, அம­லாக்­கத்­துறை ஆகி­ய­வற்­றின் ரெய்­டுக்­கும், சோத­னை­க­ளுக்­கும் இலக்­கா­கும் வகை­யில் அதி­கார அத்­து­மீ­றல் செய்து – அறி­விக்­கப்­ப­டாத நெருக்­கடி நிலை­மையை உரு­வாக்கி வரும் ஒன்­றிய பா.ஜ.க. அர­சுக்கு இந்த மாவட்­டக் கழ­கச் செய­லா­ளர்­கள் கூட்­டம் கடும் கண்­ட­னத்­தைத் தெரி­வித்­துக் கொள்­கி­றது.

சி.பி.ஐ., அம­லாக்­கத்­துறை, வரு­மா­ன­வ­ரித்­துறைபோன்ற நடு­நிலை தவ­றாது செயல்­பட வேண்­டிய அமைப்­பு­களை எதிர்க்­கட்­சி­க­ளுக்கு எதி­ரான அர­சி­யல் பழி­வாங்­கல் நட­வ­டிக்­கை­க­ளில் ஈடு­ப­டுத்­தி­யுள்­ள­தன் விளை­வாக இன்று உயர்­நீ­தி­மன்­றம் மற்­றும் உச்­ச­நீதி மன்­றத்­தின் கண்­ட­னத்­திற்கு இந்த அமைப்­பு­களை ஆளாக்கி, அ.தி.மு.க. போன்ற கட்­சி­களை மிரட்டி கூட்­டணி அமைக்க ஒன்­றிய பா.ஜ.க. அரசு இந்த அமைப்­பு­களை ஈடு­ப­டுத்தி வரு­கி­றது.

தமிழ்­நாட்­டில் ஒரு அம­லாக்­கத்­துறை அதி­காரி லஞ்­சம் பெறும் போது கைது செய்­யப்­பட்ட நட­வ­டிக்­கையை “பழி­வாங்­கும் நட­வ­டிக்கை” எனக் கூறிய அம­லாக்­கத்­து­றை­யைப் பார்த்து; இப்­போது டெல்லி உயர்­நீ­தி­மன்­ற­மும், மாண்­பமை உச்­ச­நீ­தி­மன்­ற­மும் அந்த அமைப்­பு­க­ளில் நடக்­கும் ஊழல்­க­ளைக் கண்­டித்­துக் கொண்டு இருப்­ப­தை­யும் மாவட்­டக் கழ­கச் செய­லா­ளர்­க­ளின் இந்­தக் கூட்­டம் பதிவு செய்­கி­றது.

திரா­விட முன்­னேற்­றக் கழ­கத்­தி­னர் மீது பழி­வாங்­கும் நட­வ­டிக்­கைக்­காக அம­லாக்­கத்­துறை போன்ற அமைப்­பு­களை ஒன்­றிய பா.ஜ.க. அரசு பயன்­ப­டுத்­து­வதை திரா­விட முன்­னேற்­றக் கழ­கம் சட்­டத்­தின் துணை கொண்டு துணிச்­ச­லு­டன் எதிர்­கொண்டு, ஏற்­கெ­னவே கழ­கத் தலை­வர் – முத­ல­மைச்­சர் அவர்­கள் சொன்­ன­படி, அமித்ஷா அல்ல;எந்த ஷா வந்­தா­லும் – அவர்­கள் எத்­தனைபரி­வா­ரங்­க­ளைச் சேர்த்­துக் கொண்டு வந்­தா­லும் அதனை எதிர்த்து, நீதியை நிலை­நாட்­டி­ட­வும் – மக்­கள் மன்­றத்­தில் ஒன்­றிய பா.ஜ.க. அர­சின் அதி­கார அத்­து­மீ­றலை எடுத்­து­ரைத்­தி­ட­வும் இந்­தக் கூட்­டம் தீர்­மா­னிக்­கி­றது.

இவ்­வாறு தீர்­மா­னங்­கள் நிறை­வேற்­றப்­பட்­டன.