#Title பாவேந்­தர் பார­தி­தா­சன் பிறந்­த­நா­ளை­யொட்டி 5 சிறந்த தமிழ் எழுத்­தா­ளர்­க­ளின் படைப்­பு­கள் நாட்­டு­டை­மை­யாக்­கம்! குடும்­பத்­தி­ன­ருக்கு பரி­வுத் தொகையை – இன்று முதல்­வர் மு.க.ஸ்டாலின் வழங்­கு­கி­றார்!

சென்னை, மே 5

முத­ல­மைச்­சர் மு.க. ஸ்டாலின் அவர்­கள் பாவேந்­தர் பார­தி­தா­சன் அவர்­க­ளின் பிறந்த நாள் – தமிழ் வார விழா நிறைவு விழா­விற்கு தலை­மை­யேற்று 5 சிறந்த தமிழ் எழுத்­தா­ளர்­க­ளின் படைப்­பு­களை நாட்­டு­டை­மை­யாக்கி அவர்­க­ளின் குடும்­பத்­தி­ன­ருக்­குப் பரி­வுத் தொகை­யும், பல்­வேறு போட்­டி­க­ளில் வெற்றி பெற்­ற­வர்­க­ளுக்கு பரி­சு­க­ளும் வழங்­கு­கி­றார்.

பாவேந்­தர் பார­தி­தா­சன் அவர்­க­ளின் பிறந்த நாள் – ‘தமிழ் வார விழா’ நிறைவு விழா முத­ல­மைச்­சர் மு.க.ஸ்டாலின் அவர்­கள் தலை­மை­யில் இன்று (05.05.2025) கலை­வா­ணர் அரங்­கில் நடை­பெ­று­கி­றது.

முத­ல­மைச்­சர் அவர்­க­ளால் 22.4.2025 அன்று சட்­ட­மன்ற பேர­வை­யில், தமிழ்­நாடு சட்­ட­மன்­றப் பேரவை விதி எண்.110-ன் கீழ், ‘பாவேந்­தர் பார­தி­தா­சன் அவர்­க­ளின் பிறந்த நாளை முன்­னிட்டு ஏப்­ரல் 29 முதல் மே 5 வரை தமிழ் வார விழா கொண்­டா­டப்­ப­டும்’ என­வும், இவ்­வி­ழா­வில் கவி­ய­ரங்­கங்­கள் மற்­றும் இலக்­கிய கருத்­த­ரங்­கு­கள், பார­தி­தா­சன் இளம் படைப்­பா­ளர் விருது, தமிழ் இலக்­கி­யம் போற்­று­வோம், பள்­ளி­க­ளில் தமிழ் நிகழ்ச்­சி­கள், தமிழ் இசை மற்­றும் கலை நிகழ்ச்­சி­கள் கொண்­டா­டப்­ப­டும் என்ற அறி­விப்பு வெளி­யி்ட்­டார்­கள்.

தமிழ் வளர்ச்­சித்­துறை, செய்­தித்­துறை, கலை பண்­பாட்­டுத்­துறை என பல்­வேறு அரசு துறை­கள் இணைந்து இத்­திட்­டத்­தினை 29.4.2025 முதல் 5.5.2025 வரை தமிழ்­நாடு முழு­வ­தும் செயல்­ப­டுத்­திட நட­வ­டிக்­கை­கள் மேற்­கொள்­ளப்­பட்டு, கவி­ய­ரங்­கங்­கள், இலக்­கிய கருத்­த­ரங்­கு­கள், பேச்­சுப் போட்டி, கட்­டு­ரைப் போட்டி, கவி­தைப் போட்டி, கலைப்­போட்­டி­கள் நடத்­தப்­பட்டு வரு­கின்­றன.

தமிழ் வார விழா­வின் நிறைவு விழா இன்று (5.5.2025) காலை 10.30 மணி­ய­ள­வில் சென்னை வாலாஜா சாலை­யில் உள்ள கலை­வா­ணர் அரங்­கத்­தில் தமிழ்­நாடு முத­ல­மைச்­சர் அவர்­க­ளின் தலை­மை­யில் நடை­பெ­றுகிறது.

இவ்­வி­ழா­வில் தமிழ்­வ­ளர்ச்சி மற்­றும் செய்­தித்­துறை அமைச்­சர் மு.பெ.சாமி­நா­தன், மருத்­து­வம் மற்­றும் மக்­கள் நல்­வாழ்­வுத்­துறை அமைச்­சர் மா.சுப்­பி­ர­ம­ணி­யன், இந்து சம­யம் மற்­றும் அற­நி­லை­யத்­துறை அமைச்­சர் பி.கே.சேகர் பாபு ஆகி­யோர் முன்­னிலை வகிக்கிறார்கள். இவ்­வி­ழா­வில் நாடா­ளு­மன்ற, சட்­ட­மன்ற உறுப்­பி­னர்­கள், உள்­ளாட்சி பிர­தி­நி­தி­கள் மற்­றும் அரசு உயர் அலு­வ­லர்­கள் கலந்து கொள்கின்றனர்.

இவ்­வி­ழா­வில் தமிழ் வளர்ச்­சித்­து­றை­யின் வாயி­லாக 5 சிறந்த தமிழ் எழுத்­தா­ளர்­க­ளின் படைப்­பு­களை நாட்­டு­டை­மை­யாக்­கி­ய­தன் தொடர்­பாக அவர்­க­ளின் குடும்­பத்­தி­ன­ருக்­குப் பரி­வுத் தொகை­யும், பல்­வேறு போட்­டி­க­ளில் வெற்றி பெற்­ற­வர்­க­ளுக்கு பரி­சு­க­ளும் முத­ல­மைச்­சர் அவர்­கள் வழங்­கு­கி­றார்­கள்.

இவ்­வி­ழா­வில் பல்­லவி இசைக்­கு­ழு­வின் வாயி­லாக ‘பாவேந்­த­ரின் எழுச்சி பாடல்­க­ளும்’, நரேந்­திர குமார் நடன அமைப்­பில் சென்னை தமிழ்­நாடு அரசு இசைக்­கல்­லூரி மாண­வி­யர்­க­ளின் ‘தமிழ் அமு­து-­நாட்­டிய நிகழ்ச்­சி’­யும், அனர்த்­தனா குழு­வி­ன­ரின் ‘சங்கே முழங்கு’ மாபெ­ரும் நடன நிகழ்ச்­சி­யும், கலை­மா­மணி திண்­டுக்­கல் ஐ.லியோனி அவர்­க­ளின் தலை­மை­யில் ‘பாவேந்­தர் பார­தி­தா­சன் பாடல்­க­ளில் விஞ்சி நிற்­பது மொழி உணர்வா! சமூக உணர்வா! என்ற தலைப்­பில் பட்­டி­மன்­ற­மும் நடை­பெ­ற­வுள்­ளன. பாவேந்­த­ருக்கு பெருமை சேர்க்­கும் வகை­யில் நடத்­தப்­ப­டும் இவ்­வி­ழா­வில் தமிழ் ஆர்­வ­லர்­கள், பொது­மக்­கள் திர­ளாக கலந்து கொண்டு சிறப்­பிக்க கேட்­டுக் கொள்­ளப்­ப­டு­கி­றார்­கள்.

இவ்வாறு தமிழ்நாடு அரசின் செய்திக் குறிப்பில் தெரிவிக்கப்பட்டு ள்ளது.