கழக அரசு இந்தியத் துணைக் கண்டத்தில் - மக்கள் நலன் போற்றும் வகையில், மாநில உரிமைகளுக்குக் குரல் கொடுக்கும் தீரத்துடன், சமூகநீதியைப் பாதுகாத்து, சட்டமன்ற மாண்பினை நிலைநாட்டி, ஜனநாயகக் கோட்பாடுகளை உயர்த்திப் பிடிக்கும் அரசாகவும், ஒன்றிய பா.ஜ.க அரசின் எதேச்சதிகாரப் போக்கிலிருந்து - அரசியல்சட்டம் தந்துள்ள கூட்டாட்சிக் கருத்தியலைப் பாதுகாக்கும் முதன்மையான மாநில அரசாகவும் விளங்குகிறது. நான்கு ஆண்டுகளை நிறைவு செய்து - ஐந்தாவது ஆண்டில் அடியெடுத்து வைக்கும் திராவிட மாடல் அரசின் - மக்களின் மகத்தான பேரன்பைப் பெற்ற முதலமைச்சராகவும் - இந்தியாவிற்கே ரோல் மாடலாக - தமிழ்நாட்டின் தனிப் பெருந்தலைவராகவும் திகழும் கழகத் தலைவர், முதலமைச்சர் அவர்களின் திராவிட மாடல் நல்லாட்சியின் “நாடு போற்றும் நான்காண்டு, தொடரட்டும் பல்லாண்டு!” சாதனை விளக்கப் பொதுக்கூட்டங்களை சேலம் மத்திய மாவட்டம் முழுவதும் கீழே குறிப்பிட்டுள்ள ஒவ்வொரு ஒன்றியத்திலும் குறைந்தபட்சம் நான்கு தெருமுனைக் கூட்டங்களும், அதேபோல ஒவ்வொரு பகுதி, கழகத்திலும் குறைந்தபட்சம் நான்கு தெருமுனைக் கூட்டங்களும் நடத்துவதற்கு கீழே குறிப்பிடப்பட்டுள்ள தேதிகளில் மாலை சுமார் 05.00 மணிக்கு தொடங்கி, இரவு 08.30 மணிக்குள் நிறைவடைந்திடும் வகையில் எழுச்சியோடும், பொதுமக்களிடம் கழக அரசின் சாதனைகள் சென்றடையும் வகையிலும் ஒன்றிய கழக, பகுதி கழக செயலாளர்கள் சிறப்பான ஏற்பாடுகளை செய்திட வேண்டும் என அன்புடன் தெரிவித்துக்கொள்கிறேன்.