சென்னை, மே. 5–

கள்­ளக்­கு­றிச்சி மாவட்­டம், உளுந்­தூர்­பேட்டை வட்­டம், கூவா­கம் ஏரி­யில் தவறி விழுந்து உயி­ரி­ழந்த சிறு­வன் மற்­றும் சிறு­மி­யின் பெற்­றோர்­க­ளுக்கு ஆறு­தல் மற்­றும் நிதி­யு­த­வியை தெரி­வித்து தமிழ்­நாடு முத­ல­மைச்­சர் மு.க.ஸ்டாலின் அவர்­கள் அறி­விப்பு வெளி­யிட்­டுள்­ளார்.

முதல்­வர் மு.க.ஸ்டாலின் அவர்­க­ளின் அறி­விப்பு வரு­மாறு:–

கள்­ளக்­கு­றிச்சி மாவட்­டம், திருக்­கோ­வி­லூர் வட்­டம், ஆவி­கொ­ளப்­பாக்­கம் குறு­வட்­டம், வடக்கு நெமிலி கிரா­மத்­தைச் சேர்ந்த திரு.ராஜேந்­தி­ரன் மற்­றும் திரு­மதி கண்­மணி தம்­ப­தி­ய­ரின் மகள் செல்வி ஜெய­லெட்­சுமி (வயது 10) மற்­றும் விழுப்­பு­ரம் மாவட்­டம், திரு­வெண்­ணை­நல்­லூர் வட்­டம், டி. எடை­யார் கிரா­மத்­தைச் சேர்ந்த விஜி மற்­றும் திரு­மதி சினேகா தம்­ப­தி­ய­ரின் மகன் செல்­வன் நித்­தேஷ் (வயது 5) ஆகிய இரு­வ­ரும் நேற்று (3.5.2025) மதி­யம் சுமார் 2.00 மணி­ய­ள­வில் கள்­ளக்­கு­றிச்சி மாவட்­டம், உளுந்­தூர்­பேட்டை வட்­டம், கூவா­கம் கிரா­மத்­தில் உள்ள கூவா­கம் ஏரி­யில் தவறி விழுந்து மேற்­படி சிறு­வ­னும், சிறு­மி­யும் நீரில் மூழ்கி உயி­ரி­ழந்­த­னர் என்ற துய­ர­க­ர­மான செய்­தி­யைக் கேட்டு மிகுந்த அதிர்ச்­சி­யும் வேத­னை­யும் அடைந்­தேன்.

மேலும், இச்­சம்­ப­வத்­தில் உயி­ரி­ழந்த சிறு­வன் மற்­றும் சிறு­மி­யின் பெற்­றோர்­க­ளுக்­கும் அவர்­க­ளது உற­வி­னர்­க­ளுக்­கும் எனது ஆழ்ந்த இரங்­க­லை­யும், ஆறு­த­லை­யும் தெரி­வித்­துக்­கொள்­வ­தோடு, உயி­ரி­ழந்த

இரு குழந்­தை­க­ளின் பெற்­றோர்­க­ளுக்­கும் தலா மூன்று இலட்­சம் ரூபாய் முத­ல­மைச்­ச­ரின் பொது நிவா­ரண நிதி­யி­லி­ருந்து வழங்­கி­ட­வும் உத்­த­ர­விட்­டுள்­ளேன்.

இவ்­வாறு முதல்­வர் மு.க.ஸ்டாலின் அவர்­கள் தெரி­வித்­துள்­ளார்.