சென்னை, மே 5–

பாவேந்­தர் பார­தி­தா­சன் அவர்­க­ளின் பிறந்த நாள் – ‘தமிழ் வார விழா’ நிறைவு விழா முத­ல­மைச்­சர் மு.க. ஸ்டாலின் அவர்­கள் தலை­மை­யில் இன்று (05.05. 2025) கலை­வா­ணர் அரங்­கில் நடை­பெ­று­கி­றது.

முத­ல­மைச்­சர் அவர்­க­ளால் 22.4. 2025 அன்று சட்­ட­மன்ற பேர­வை­யில், தமிழ்­நாடு சட்­ட­மன்­றப் பேரவை விதி எண்.110-ன் கீழ், ‘பாவேந்­தர் பார­தி­தா­சன் அவர்­க­ளின் பிறந்த நாளை முன்­னிட்டு ஏப்­ரல் 29 முதல் மே 5 வரை தமிழ் வார விழா கொண்­டா­டப்­ப­டும்’ என­வும், இவ்­வி­ழா­வில் கவி­ய­ரங்­கங்­கள் மற்­றும் இலக்­கிய கருத்­த­ரங்­கு­கள், பார­தி­தா­சன் இளம் படைப்­பா­ளர் விருது, தமிழ் இலக்­கி­யம் போற்­று­வோம், பள்­ளி­க­ளில் தமிழ் நிகழ்ச்­சி­கள், தமிழ் இசை மற்­றும் கலை நிகழ்ச்­சி­கள் கொண்­டா­டப்­ப­டும் என்ற அறி­விப்பு வெளி­யிட்­டார்­கள்.

தமிழ் வளர்ச்­சித்­துறை, செய்­தித்­துறை, கலை பண்­பாட்­டுத்­துறை என பல்­வேறு அரசு துறை­கள் இணைந்து இத்­திட்­டத்­தினை 29.4.2025 முதல் 5.5.2 025 வரை தமிழ்­நாடு முழு­வ­தும் செயல்­ப­டுத்­திட நட­வ­டிக்­கை­கள் மேற்­கொள்­ளப்­பட்டு, கவி­ய­ரங்­கங்­கள், இலக்­கிய கருத்­த­ரங்­கு­கள், பேச்­சுப் போட்டி, கட்­டு­ரைப் போட்டி, கவி­தைப் போட்டி, கலைப்­போட்­டி­கள் நடத்­தப்­பட்டு வரு­கின்­றன.

தமிழ் வார விழா­வின் நிறைவு விழா 5.5.2025 காலை 10.30 மணி­ய­ள­வில் சென்னை வாலாஜா சாலை­யில் உள்ள கலை­வா­ணர் அரங்­கத்­தில் முத­ல­மைச்­சர் அவர்­க­ளின் தலை­மை­யில் நடை­பெ­ற­வுள்­ளது.

இவ்­வி­ழா­வில் தமிழ்­வ­ளர்ச்சி மற்­றும் செய்­தித்­துறை அமைச்­சர் மு.பெ.சாமி­நா­தன், மருத்­து­வம் மற்­றும் மக்­கள் நல்­வாழ்­வுத்­துறை அமைச்­சர் மா.சுப்­பி­ர­ம­ணி­யன், இந்து சம­யம் மற்­றும் அற­நி­லை­யத்­துறை அமைச்­சர் பி.கே.சேகர் பாபு ஆகி­யோர் முன்­னிலை வகிக்க உள்­ளார்­கள். இவ்­வி­ழா­வில் நாடா­ளு­மன்ற, சட்­ட­மன்ற உறுப்­பி­னர்­கள், உள்­ளாட்சி பிர­தி­நி­தி­கள் மற்­றும் அரசு உயர் அலு­வ­லர்­கள் கலந்து கொள்ள உள்­ள­னர்.

இவ்­வி­ழா­வில் தமிழ் வளர்ச்­சித்­து­றை­யின் வாயி­லாக 5 சிறந்த தமிழ் எழுத்­தா­ளர்­க­ளின் படைப்­பு­களை நாட்­டு­டை­மை­யாக்­கி­ய­தன் தொடர்­பாக அவர்­க­ளின் குடும்­பத்­தி­ன­ருக்­குப் பரி­வுத் தொகை­யும், பல்­வேறு போட்­டி­க­ளில் வெற்றி பெற்­ற­வர்­க­ளுக்கு பரி­சு­க­ளும் வழங்கி முத­ல­மைச்­சர் அவர்­கள் விழா பேரு­ரை­யாற்­று­கி­றார்­கள்.

இவ்­வி­ழா­வில் பல்­லவி இசைக்­கு­ழு­வின் வாயி­லாக ‘பாவேந்­த­ரின் எழுச்சி பாடல்­க­ளும்’, நரேந்­திர குமார் நடன அமைப்­பில் சென்னை தமிழ்­நாடு அரசு இசைக்­கல்­லூரி மாண­வி­யர்­க­ளின் ‘தமிழ் அமு­து-­நாட்­டிய நிகழ்ச்­சி’­யும், அனர்த்­தனா குழு­வி­ன­ரின் ‘சங்கே முழங்கு’ மாபெ­ரும் நடன நிகழ்ச்­சி­யும், கலை­மா­மணி திண்­டுக்­கல் ஐ.லியோனி அவர்­க­ளின் தலை­மை­யில் ‘பாவேந்­தர் பார­தி­தா­சன் பாடல்­க­ளில் விஞ்சி நிற்­பது மொழி உணர்வா! சமூக உணர்வா! என்ற தலைப்­பில் பட்­டி­மன்­ற­மும் நடை­பெ­ற­வுள்­ளன.

பாவேந்­த­ருக்கு பெருமை சேர்க்­கும் வகை­யில் நடத்­தப்­ப­டும் இவ்­வி­ழா­வில் தமிழ் ஆர்­வ­லர்­கள், பொது­மக்­கள் திர­ளாக கலந்து கொண்டு சிறப்­பிக்க கேட்­டுக் கொள்­ளப்­ப­டு­கி­றார்­கள்.

தஞ்சாவூர் மாவட்டம், கும்பகோணம் இரயில் நிலையத்தில் மேற்கொள்ள வேண்டிய வளர்ச்சி பணிகள் குறித்து தஞ்சை வடக்கு மாவட்டக் கழகச் செயலாளரும், மாநிலங்களவை உறுப்பினருமான சு.கல்யாணசுந்தரம், தென்னக ரயில்வே திருச்சி கோட்ட மேலாளர் அன்பழகன் ஆகியோர் கலந்துரையாடல் மேற்கொண்டு திருநாகேஸ்வரம் ரயில் நிலையம் அருகில் ரயில்வே துறைக்கு சொந்தமான இடத்தில் குட்ஷெட் அமைக்கலாமா எனவும், காங்கேயன்பேட்டை கிராஸிங் சுரங்கம் அமைப்பது தொடர்பாக இடங்களை நேரில் பார்வையிட்டனர். அப்போது முன்னாள் எம்.பி செ.இராமலிங்கம், சாக்கோட்டை க.அன்பழகன் எம்.எல்.ஏ, சார் ஆட்சியர் ஹிருத்யா விஜயன், ரதிப்ரியா, டி.கணேசன், ஜெ.சுதாகர், சுந்தர.ஜெயபால் மற்றும் கழக நிர்வாகிகள் ரயில் சங்க நிர்வாகிகள் சத்தியநாராயணன், சரவணன் உள்ளிட்டோர் உடனிருந்தனர்.