#Title

கடலூர் மாவட்டம் கடலூர் மாநகராட்சியில் ரூ.8.63 கோடி மதிப்பில் மீன் அருங்காட்சியகம் ! அமைச்சர் எம்.ஆர்.கே.பன்னீர்செல்வம் திட்டப் பணியை தொடங்கி வைத்தார்! வேலூர் மாவட்ட தி.மு.க. அவசர செயற்குழு கூட்டம்! மாவட்ட செயலாளர் ஏ.பி.நந்தகுமார் எம்.எல்.ஏ அறிவிப்பு! ஏ.பி.நந்தகுமார் எம்.எல்.ஏ. செயலாளர் வேலூர் மாவட்ட தி,மு,க,.

கடலூர், மே 5 –

வேளாண்மை உழவர் நலத்துறை அமைச்சர் எம்.ஆர்.கே.பன்னீர்செல்வம் அவர்கள் மாவட்ட ஆட்சித் தலைவர் சிபி ஆதித்யா செந்தில்குமார் தலைமையில் கடலூர் நாடாளுமன்ற உறுப்பினர் மரு.எம்.கே.விஷ்ணுபிரசாத், கடலூர் சட்டமன்ற உறுப்பினர் கோ.ஐயப்பன், கடலூர் மாநகராட்சி மேயர் திருமதி சுந்தரிராஜா ஆகியோர் முன்னிலையில் மாநகராட்சியில் ரூ.8.63 கோடி மதிப்பீட்டில் மீன் அருங்காட்சியகம் மற்றும் தேவனாம்பட்டினம் வெள்ளி கடற்கரையில் நீலக்கொடி திட்டத்தின் கீழ் மேம்பாட்டுப் பணிகளுக்கும் நேற்று (04.05.2025) அடிக்கல் நாட்டி துவக்கி வைத்தார்.

இந்நிகழ்ச்சியில் வேளாண்மை உழவர் நலத்துறை அமைச்சர் எம்.ஆர்.கே.பன்னீர்செல்வம் தெரிவித்ததாவது,

முதலமைச்சர் அவர்கள் பொதுமக்கள் மகிழ்ச்சியுடன், உள்ளூர் பகுதியிலேயே குடும்பங்களுடன் பொழுதுபோக்கு அம்சங்களை கண்டு களித்திடும் வகையிலும் அனைத்து பகுதிகளிலும் உள்ள சுற்றுலா தளங்களை மேம்படுத்திட பல்வேறுகட்ட சிறப்பு நடவடிக்கைகளை எடுத்து வருகிறார்கள். அந்த வகையில் கடலூர் மாநகராட்சியில் உள்ள சுப்பராயலு பூங்காவில் பல்வேறு வகையான மீன் வகைகளை பார்வையிடவும், மாணவர்களிடையே அறிவியல் ஆர்வத்தை ஊக்குவிப்பதற்கா கவும் மீன் அருங்காட்சியகம் மற்றும் தேவனாம்பட்டினம் கடற்கரையில் பொழுதுபோக்கு சிறப்பம் சங்களுடன் கூடிய மேம்பாட்டுப் பணிகளும் மேற் கொள்ளப்பட உள்ளன. நீலக்கொடித் திட்டம் சென்னையிலிருந்து நாகப்பட்டினம் வரை அறிவிக்கப்பட்டதில் சாமியார்பேட்டை கடற்கரையும் இடம்பெற்றுள்ளது.

மஞ்சக்குப்பம் பகுதியில் சுப்புராயலு பூங்காவிற்கு வருகைபுரியும் பொதுமக்களுக்கு எண்ணிக்கையினை அதிகரித்திடும் வகையிலும், சேதமடைந்த விளையாட்டு உபகரணங்களை சீரமைத்து மீண்டும் பயன்பாட்டிற்கு கொண்டுவரவும் வகையிலும் ரூ.75 இலட்சம் மதிப்பீட்டில் புனரமைப்புப் பணிகள் மேற்கொள்ளப்பட்டு வருகின்றன.

கடலூர் மாநகராட்சியின் எல்லைக்குள் தமிழகத்தின் புகழ்பெற்ற கடற்கரை பகுதிகளில் ஒன்றான தேவனாம்பட்டினம் வெள்ளிக்கடற்கரை அமைந்துள்ளது. இக்கடற்கரை ஆசியாவின் நீளமான கடற்கரைகளில் ஒன்றாகவும், கிழக்குக் கடற்கரை பகுதியில் அமைந் துள்ள இரண்டாவது நீளமான கடற்கரையாகும். புகழ்பெற்ற கடல் மீன்க ளின் விற்பனை பகுதியாகவும், சிறுதொழில்கள் அமையப்பெற்ற பகுதியாகவும் உள்ளது. இக்கிழக்கு கடற்கரை பகுதியிலேயே புகழ்பெற்ற சுற்றுலா தலங்கள் நிறைய அமையப் பெற்றதால், சுற்றுலா வரும் பயணிகள் கடலூரின் வெள்ளிக் கடற்கரையினை பார்த்து ரசித்து செல்கின்றனர்.

அந்த வகையில் வெளிமாநிலத்தை சேர்ந்த சுற்றுலாப் பயணிகளின் வருகையினை அதிகரிக்கும் வகை யில் வெள்ளிக் கடற்கரை பகுதியை மூலதன மானிய திட்ட நிதியின் கீழ் ரூ.4.98 கோடி மதிப்பீட்டில் அதிநவீன பொழுதுபோக்கு மின்சாதனங்கள் அமைத்தல், அழகிய வேலைப்பாடுடன் கூடிய பூங்கா, செயற்கை நீருற்றுகள், ஓய்வெடுக்கும் பகுதிகள், பெயர் பலகைகள், சாலை தடுப்புகள், அழகிய நடைபாதை, சிற்றுண்டி விற்பனை கடைகள், சில்வர் குப்பைத் தொட்டிகள் மற்றும் வாகன நிறுத்துமிடம் போன்ற பல்வேறு உட்கட்டமைப்பு வசதிகளுடன் மேம்படுத்தப்பட்டுள்ளன.

மேலும், இக்கடற்கரை பகுதியை சிறந்த சுற்றுலா தலமாக மேம்படுத்தும் வகையில் பொதுமக்கள் மற்றும் குழந்தைகளுக்கு ஏற்றவாறு அனைத்து அம்சங்களுடன் மேம்படுத்திடவும் நீலக்கொடி திட்டத் தின் கீழ் ரூ.4 கோடி மதிப்பீட்டில் உட்காரும் குடை, உட்காரும் மூங்கில் இடம், வாட்ச் டவர், மணல் சுத்தம் செய்யும் இயந்திரம், ஜாகிங் டிராக், கழிவுநீர் சுத்திகரிப்பு நிலையம், குடிநீர் சுத்திகரிப்பு இயந்திரம், மூங்கில் வீட்டு உறை, கம்பங்களுடன் கூடிய LED தெரு விளக்கு, சி.சி.டி.வி. கேமராக்கள், கடற்கரை வரைபடம், தகவல் காட்சிப் பலகை, ஆஃப் கிரிட் சோலார் பவர் பிளாண்ட், ஆண்கள் மற்றும் பெண்கள் கழிப்பறை அறைகள் மற்றும் மாற்றும் அறைகள், முதலுதவி அறை உள்ளிட்ட சிற்பபம்சங்க ளுடன் கடற்கரையினை மேம்படுத்தும் பணிகளுக்கு இன்றைய தினம் அடிக்கல் நாட்டப்பட்டது.

இப்பணிகள் மூலம் உள்ளூர் சுற்றுலா தளங்கள் மேம்படுவதுடன், பொதுமக்கள வருகை அதிகரிப்பதனால் சுற்றுலாத் துறைக்கு அதிகளவு வருமானம் கிடைப்பதால் தலா வருமானமும் உயரும். உள்ளூர் சிறு தொழில் புரிவோருக்கு வேலைவாய்ப்பும் கிடைக்கும். மேலும், இப்பணிகளை விரைவில் முடித்து பொதுமக்கள் பயன்பாட்டிற்கு கொண்டுவர அலுவலர்களுக்கு அறிவுறுத்தப்பட்டுள்ளது என வேளாண்மை உழவர் நலத்துறை அமைச்சர் எம்.ஆர்.கே.பன்னீர்செல்வம் அவர்கள் தெரிவித்தார்.

இந்நிகழ்ச்சியில் மாநகராட்சி துணை மேயர் பா.தாமரைச்செல்வன், மாநகராட்சி ஆணையாளர் மரு.எஸ்.அனு செயற்பொறியாளர் கோவிந்தராஜ், மாமன்ற உறுப்பி னர்கள் உட்பட அரசு அலுவலர்கள் கலந்துகொண்டனர்.

வேலூர் மாவட்ட திமுக அவசர செயற்குழு கூட்டம் இன்று (05.05.2025) திங்கட்கிழமை காலை 10.00 மணிக்கு மாவட்ட அவைத்தலைவர் தி.அ.முகமதுசகி தலைமையில் வேலூர் மாவட்ட திமுக அலுவலகத்தில் நடைபெற உள்ளது.

இக்கூட்டத்தில் கீழே குறிப்பிட்டுள்ள பொருள்கள் குறித்து விவாதிக்கப்பட உள்ளது. அது சமயம் மாவட்ட நிர்வாகிகள், நாடாளுமன்ற, சட்டமன்ற உறுப்பினர்கள், தலைமை செயற்குழு மற்றும் பொதுக்குழு உறுப்பினர்கள், மாநகர, ஒன்றிய, நகர, பகுதி மற்றும் பேரூர் செயலாளர்கள் ஆகியோர்கள் தவறாமல் கலந்துக் கொள்ள கேட்டுக்கொள்ளப்படுகிறார்கள்.

பொருள்:–

1) இந்திய ஒன்றியத்திற்கே முன்மாதிரியான முதல்வராக திகழும் நமது கழக தலைவருக்கு பாராட்டு தெரிவித்தல்

2) கழக அரசின் 4 ஆண்டுகால சாதனைகளை மாவட்டம் முழுவதும்

மக்கள் முன் எடுத்து செல்ல சாதனை விளக்க கூட்டங்கள் நடத்துவது

3) ஜுன் 1–அன்று மதுரையில் நடைபெற உள்ள கழக பொதுக்குழு கூட்டத்தில் மாவட்டத்திற்கு உட்பட்ட பொதுக்குழு உறுப்பினர்கள் கலந்துக்கொள்வது

4) மற்றும் கழக ஆக்கப் பணிகள்