சென்னை, மே 5–
சட்டப்பேரவையில் பள்ளி, உயர்கல்வித்துறை மானியக் கோரிக்கையில் கடலூர் தொகுதி உறுப்பினர் கோ.ஐயப்பன் பேசுகையில், கடலூர் கடற்கரையில் இயற்கை சீற்றங்களை தடுக்க நடவடிக்கை எடுத்த முதல்வருக்கு நன்றி தெரிவித்தார்.
சட்டப்பேரவையில் பள்ளி, உயர்கல்வித்துறை மானியத்தில் கடலூர் தொகுதி உறுப்பினர் கோ. ஐயப்பன் பேசியதாவது:–
முதல்வர் அவர்களையும், இளைஞர்களின் எழுச்சி நாயகன், இன்று விளையாட்டுத் துறையிலே தமிழகத்திற்கு பெருமைகளை சேர்த்துக் கொண்டிருக்கிற எங்களுடைய துணை முதல்வர் அவர்களையும் வணங்குகிறேன். அமைச்சர் பெருமக்களையும், சக சட்டமன்ற உறுப்பினர்களையும் வணங்கி, எங்களுடைய மாவட்டக் கழகச் செயலாளர், வேளா ண்மை- உழவர் நலத் துறை அமைச்சர் அவர்களையும் வணங்குகிறேன்.
இரு மொழிக்கொள்கை
முதல்வர் உறுதி!
இரண்டாயிரம் கோடி ரூபாய் அல்ல, நான்காயிரம் கோடி ரூபாய் கொடுத்தாலும், எடுத்துக்கொண்ட கொள்கையிலே முன்வைத்த காலை பின்வைக்க மாட்டோம் என்று ஒன்றிய அரசுக்கு இன்று சவால் விட்டு செயலாற்றிக் கொண்டிருக்கும் நம்முடைய முதல்வர் அவர்கள், மும்மொழிக் கொள்கையை ஏற்றால்தான் பணம் தருவோம் என்ற அந்த நிர்பந்தத்தை ஏற்காமல் இருமொழிக்கொள்கைதான் எங்களுடைய தமிழ்நாட்டின் உயிர்நாடி என்ற அளவிலே இன்று புரட்சி செய்துகொண்டு, தமிழகத்தை காத்துக்கொண்டு ஆசிரியப் பெருமக்களுக்குஎவ்வளவு ஊதியம் வேண்டுமோ, எண்ணற்ற சலுகைகள் என்னென்ன வேண்டுமோ அத்தனையும் வழங்கி நாங்கள் இருக்கின்றோம், தமிழ்நாடு அரசு இருக்கிறது என்ற நிலையிலே இன்று அனைத்தையும் செய்து கொண்டிருக்கிறார்கள். முதல்வர் அவர்கள்,
“அச்சமில்லை அச்சமில்லை அச்சமென்ப தில்லையே
உச்சிமீது வானிடிந்து வீழு கின்ற போதினும்,
அச்சமில்லை அச்சமில்லை அச்சமென்ப தில்லையே”
என்று ஒன்றிய அரசுக்கு அடிபணியாமல் எடுத்துக்கொண்ட காரியத்தை சிறப்பாக செயல்படுத்தி தமிழ் மக்களை, தமிழக மாணவர்களை வாழ வைத்துக்கொண்டிருக்கின்ற எங்களுடைய முதல்வர் அவர்களுக்கு என்னுடைய வணக்கங்களைத் தெரிவித்துக்கொள்கிறேன்.
கலைஞர் நூற்றாண்டு நூலகம். முன்னாள் முதலமைச்சர் முத்தமிழறிஞர் கலைஞர் அவர்களின் பெயரிலே சர்வதேச தரத்திலான கலைஞர் நூற்றாண்டு நூலகம் 218.19 கோடி ரூபாய் செலவிலே மதுரையில் அமைக்கப்பட்டுள்ளது. இதுவரை 3 இலட்சத்து 64 ஆயிரத்து 521 புத்தகங்க ளுடன் செயல்பட்டு வரும் அந்த நூலகத்தை 2024-25 ஆம் ஆண்டிலே 16 இலட்சத்து 55 ஆயிரத்து 820 வாசகர்கள் வருகை தந்து சிறப்பு செய்து கொண்டிருக்கிறார்கள். புத்தக கண்காட்சிகள் புத்தக வாசிப்பை ஒரு மக்கள் இயக்கமாக ஊக்குவித்து சென்னை புத்தக கண்காட்சி போன்று அனைத்து மாவட்டங்களிலும் நடைபெற 2022-23 ஆம் ஆண்டு கல்வியாண்டு முதல் புத்தக கண்காட்சிகள் மாநிலத்தில் உள்ள அனைத்து மாவட்டங்களிலும் நடைபெற்று வருகின்றன.
வேளாண்மை
பல்கலைக்கழகம்!
1989–91–ஆம் ஆண்டிலே கலைஞர் ஆட்சியில் பெண்களுக்கு பட்டப் படிப்பு வரை இலவசக் கல்வி வழங்கி சாதனை செய்த தலைவர் நம்முடைய முத்தமிழறிஞர் கலைஞர் அவர்கள். 2006–2007–ஆம் கல்வியாண்டில் கலைஞர் ஆட்சிக் காலத்தில் பெண்களுக்கு முதுகலை படிப்பு வரை இலவச கல்வி வழங்கப்பட்டு, அவர்களெல்லாம் பயில்வதற்கு ஒரு வாய்ப்பாக பெண்கள் பயிலுகின்ற ஒரு நிலைமையை ஏற்படுத்தித் தந்தவர் முத்தமிழறிஞர் கலைஞர் அவர்கள். 1989–91– ஆம் ஆண்டிலே ஆதி திராவிட மாணவ – மாணவியர்களுக்கு பட்டப் படிப்பு வரை இலவசக் கல்வியை வழங்கி சிறப்பு செய்தார் முத்தமிழறிஞர் கலைஞர்அவர்கள்.
1.6.1971–ஆம் ஆண்டு ஆசிய கண்டத்திலே முதன்முறையாக கோயம்புத்தூரில் தமிழ்நாடு வேளாண்மைப் அறிவியல் பல்கலை க்கழகம் முத்தமிழறிஞர் ஆட்சிக்காலத்தில்தான் தொடங்கப்பட்டது.
முத்தமிழறிஞர் தலைவர் கலைஞர் ஆட்சிக் காலத்தில். 20.-9.-1989 அன்று ஆசிய கண்டத்திலேயே முதன்முறையாக சென்னையில், தமிழ்நாடு கால்நடை மருத்துவ அறிவியல் பல்கலைக்கழகம் தொடங்கப்பட்டது, முத்தமிழறிஞர் கலைஞர் ஆட்சிக் காலத்தில். இவ்வாறு கழக அரசு ஆட்சி அமைக்கும்போதெல்லாம், என்றும் மாணவ மாணவியருக்கு படிப்பதற்கு வசதியாக, அதிகஅளவில் சிறப்பு செய்கின்ற வகையில், கல்வி நிலையங்கள் ஒவ்வொன்றாக உருவாக்கப்பட்டுக்கொண்டிருக்கின்றன. அந்த வகையில், 1989–ஆம் ஆண்டில் டாக்டர் எம்.ஜி.ஆர் மருத்துவப் பல்கலைக்கழகம் சென்னையில் ஆரம்பிக்கப்பட்டது. 7-.9-.1990-ல், திருநெல்வேலியில் மனோ ன்மணியம் சுந்தரனார் பல்கலைக்கழகம் ஆரம்பிக்கப்பட்டது. 17.-9.-1997 அன்று சேலத்தில் பெரியார் பல்கலைக்கழகம் ஆரம்பிக்கப்பட்டது. 20-.9.-1997 அன்று இந்தியாவிலேயே முதன்முறையாக சென்னையில், டாக்டர் அம்பேத்கர் சட்டப் பல்கலைக்கழகம் தொடங்கப்பட்டது. 2008–ஆம் ஆண்டில் சென்னையில், தமிழ்நாடு ஆசிரியர் கல்வியியல் பல்கலைக்கழகம் ஆரம்பிக்கப்பட்டது. இப்படி, படிப்படியாக, கழக ஆட்சியில் எண்ணற்ற கல்விச் சாலைகள், பல்கலைக்கழகங்கள் திறக்கப்ப ட்டன.
எப்போதெல்லாம் இயற்கைச் சீற்றங்கள் ஏற்படுகின்றனவோ, அப்போதெல்லாம் பாதிப்புக்கு உள்ளா கிற நகரமாக எங்கள் மாவட்ட தலைநகரமான கடலூர் திகழ்ந்துகொண்டி ருக்கிறது. அந்தவகையில், கடலூரில் கடல் சீற்றங்கள் அதிக அளவில் ஏற்பட்டு, இன்றைக்கு மக்களின் இல்லங்களைத் தேடி கடலலைகள் வந்துகொண்டிருக்கின்றன. 300 மீட்டர் மணற்பரப்பில் இன்று 100 மீட்டர் மணற்பரப்புகூட இல்லாத அளவில், இன்று கடல் நீர் வீடுகளில் உட்புகுந்து கட்டடங்களை சேதப்படுத்துகின்றன.
2006–-2011–ஆம் ஆண்டின் முத்தமிழறிஞர் தலைவர் கலைஞர் அவர்கள் ஆட்சியில், நான் வைத்த கோரி க்கையை ஏற்று, கோரிக்கை தான். வேறு ஏதும் இல்லை. முழுவதும் படிக்கவில்லை. தொகுதி சம்பந்தமாக ஒன்றை மட்டும் சொல்லிவிடுகிறேன்.
கடல்நீர் உட்புகாமல் தடுத்தல்!
நான்வைத்த கோரிக்கையை ஏற்று, நீர்வளத் துறை அமைச்சர் அவர்கள், 3.00 கோடி ரூபாயில் தாழங்குடாவிலிருந்துதேவனாம்பட்டினம் கடற்கரைப் பகுதியில் கற்களைக் கொட்டி அந்த மக்களைப் பாதுகாத்தார்கள். இன்று தேவனாம்பட்டினம், சோழங்குப்பம், சிங்காரத் தோப்பு வரை மீண்டும் கடல் அரிப்பு ஏற்பட்டு, அப்பகுதியிலுள்ள வீடுகளில் உட்புகும் அளவிற்கு தண்ணீர் வரத்து அதிக அளவில் இருக்கிறது. அப்பகுதி மீனவ மக்கள் இன்று இரவு நேரங்களில் எப்போது வேண்டுமானாலும் வீடுகளில் தண்ணீர் உட்புகுந்துவிடும் என்ற நிலையில், இரவு முழுவதும் உறங்காமல் கண்விழித்துக்கொண்டிருக்கின்ற நிலை உள்ளது. Indonesia-வில் பூகம்பம்என்றால், இங்கு எப்போது சுனாமி வருமோ என்ற ஏக்கத்துடன் அவர்கள் இரவு முழுவதும் தூங்க முடியாத நிலை இருந்துகொண்டிருப்பதால், அப்பகுதியிலும் கற்களைக் கொட்டி, கடல் நீர் ஊருக்குள் வராமல் இருப்பதற்கு எங்களுக்கு உதவி செய்து பாதுகாக்குமாறு, நீர்வளத் துறை அமைச்சர் அவர்களையும், மீன்வளத் துறை அமைச்சர் அவர்களையும், பொதுப் பணித் துறை அமைச்சர் அவர்களையும் வேண்டி, விரும்பி, மன்றாடிக் கேட்டுக்கொள்கிறேன்.
எங்களுடைய நீர்வளத் துறை அமைச்சர் அவர்கள்தான், 3.00 கோடி ரூபாய் நிதி ஒதுக்கீடு செய்து, 2006 ஆம் ஆண்டில் எங்களுக்குப் பெருமை சேர்த்தார்கள், மக்களைப் பாதுகாத்தார்கள். அந்த வகையில், இந்த இக்கட்டான நேரத்திலும், 9 உறுப்பினர்கள் பேசக்கூடிய நிலையிலும், எனக்கு 5 நிமிடங்கள் பேச வாய்ப்பளித்த முதலமைச்சர் அவர்களுக்கும், அரசு தலைமைக் கொறடா அவர்களுக்கும், அமைச்சர் பெருமக்களுக்கும், கடலூர் தொகுதியைச் சார்ந்த அனைத்து வாக்காளப் பெருமக்களுக்கும் என் நெஞ்சார்ந்த நன்றியையும், வணக்கத்தையும் கூறி விடைபெறுகிறேன்.
இவ்வாறு கோ.ஐயப்பன் பேசினார்.