சென்னை, ஜூன் 6–
மருத்துவம் மற்றும் மக்கள் நல்வாழ்வுத்துறை அமைச்சர் மா.சுப்பிர மணியன் தலைமையில் நேற்று முன்தினம் (04.06.2025) சென்னை, ஓமந்தூரார் அரசினர் தோட்டத்தில் உள்ள தமிழ்நாடு அரசு பன்னோக்கு உயர்சிறப்பு மருத்துவமனை கூட்டரங்கில், 2025–26 ஆம் கல்வியாண்டிற்கான தனியார் மருத்துவக் கல்லூரிகளில் அரசு ஒதுக்கீடு மற்றும் நிர்வாக ஒதுக்கீடு இடப் பங்கீட்டிற்கான ஆலோசனைக் கூட்டம் நடைபெற்றது.
இக்கூட்டத்தில் பின்வரு மாறு ஆலோசிக்கப்பட்டது:
இக்கூட்டத்தில் 2025–26 ஆம் ஆண்டுக்கான இடப்பங்கீடு தொடர்பாக இறுதி செய்யப்பட்டது. மேலும் கலந்தாய்வு மற்றும் மாணவர் சேர்க்கை சீராக நடைபெற வழிமுறைகள் குறித்து வலியுறுத்தப்பட்டது. தனியார் கல்லூரிகள் கல்விக் கட்டணம் தவிர விடுதிக் கட்டணம் போன்ற பிற கட்ட ணங்களை வெளிப்படையாக அறிவிக்க வேண்டும் என்று அறிவுறுத்தப்பட்டது. மேலும் கடந்த வருடங்களில் நீட் தேர்வு முடிவு வெளியான பின்பு தான் இளங்கலை மருத்துவ மாணவர் சேர்க்கைக்கான விண்ணப்பங்கள் பெறப்பட்டன. பல்வேறு காரணங்களால் நீட் தேர்வு முடிவு வெளியாவது காலம் தாழ்த்தப்படும் பொழுது மாணவர்களின் விண்ணப்பங்களுக்கான கால அவகாசம் மிகவும் குறைந்து போகிறது. இதனால் மாணவர்கள் மிகுந்த சிரமத்துக்கு உள்ளாகினர்.
எனவே இளங்கலை மருத்துவ மாணவர்களுக்கான விண்ணப்பங்கள் இந்த ஆண்டு நீட் தேர்வு முடிந்த பிறகு மாணவர்களின் மேல்நிலைப்பள்ளி இறுதி தேர்வு முடிவு வெளியான பின்னர் பெறப்பட்டால் மாணவர்களுக்கு விண்ணப்பிப்பதற்கான கால அவகாசம் நீட்டிக்க ப்படுவதுடன் விண்ணப்பங் கள் சரி பார்ப்பதற்கும் அதிக கால அவகாசம் கிடைக்கும். இதன் மூலம் மாணவர்களுக்கு சிரமம் குறைவதுடன் சரிபார்ப்பு பணிகளும் சிறப்பாக நடைபெற்று, இதன் மூலம் தவறான மற்றும் போலியான விண்ணப்பங் களை நீக்குவதிலும் இலகுவாக இருக்கும்.
இதனால் இந்த ஆண்டு ஜூன் மாதம் 6ஆம் தேதி முதல் இளங்கலை மருத்துவ மற்றும் பல் மருத்துவப் படிப்புகளுக்கான விண்ணப்பங் கள் வரவேற்கப்படுகின்றன. விண்ணப்ப த்திற்கான கால அவகாசம் அதிகமாக இருப்பதால் மாணவர்களுக்கான சிரமங்கள் வெகுவாக குறையும். மாணவர்கள் நீட் தேர்வு மதிப்பெண்களை பதிவேற்றம் செய்ய முடியாதோ என்ற ஐயம் கொள்ள தேவையில்லை. வழக்கமாகவே மாணவர்கள் பதிவேற்றம் செய்யும் நீட் தேர்வு மதிப்பெண்கள் தேசிய தேர்வு முகமை(NTA) அளிக்கும் தரவுகளின் அடிப்படையிலேயே சரிபார்க்கப்படும். எனவே தற்போதும் மாணவர் பதிவேற்றம் செய்யும் நீட் வரிசை எண்(Roll Number) மற்றும் நீட் நுழைவுச்சீட்டு (Hall Ticket) அடிப்படையில் தேசிய தேர்வு முகமை அளிக்கும் மதிப்பெண்கள் பெறப்பட்டு இறுதி பட்டியல் வெளியிடப்படும்.
மேலும் நீட் தேர்வு முடிவுகள் வெளியான பின்னர் விண்ணப்பம் சமர்ப்பிக்க விரும்பும் மாணவர்களுக்காக விண்ணப்பத்திற் கான கால அவகாசம் நீட்டிக் கப்படும் (குறைந்தபட்சம் நீட் தேர்வு முடிவுகள் வெளியான பிறகு 5 நாட்கள் வரை) என்று இக்கூட்டத்தில் ஆலோசிக்கப்பட்டது.
இக்கூட்டத்தில் மருத்துவம் மற்றும் மக்கள் நல்வாழ்வுத்துறை அரசு முதன்மைச் செயலாளர் முனைவர் ப.செந்தில்குமார், மருத்துவக்கல்வி மற்றும் ஆராய்ச்சி இயக்குநர் மரு.சங்குமணி, தேர்வுக்குழு செயலாளர் மரு.தேரணிராஜன், துணை இயக்குநர் மரு.கராமத் மற்றும் தனியார் மருத்துவக்கல்லூரி நிர்வாகிகள் கலந்து கொண்டனர்.
முத்தமிழறிஞர் கலைஞர் அவர்களின் 102-வது பிறந்த நாளை முன்னிட்டு புதுக்கோட்டை தெற்கு மாவட்ட வர்த்தகர் அணி சார்பில் அறந்தாங்கி அறிஞர் அண்ணா அரசு மருத்துவமனையில் ஜூன் 3 அன்று பிறந்த குழந்தைகளுக்கு புதுக்கோட்டை தெற்கு மாவட்ட வர்த்தகர் அணி அமைப்பாளர் தி.முத்து ஏற்பாட்டில் தங்க மோதிரம் மற்றும் குழந்தை உபகரணங்களை புதுக்கோட்டை தெற்கு மாவட்டச் செயலாளர், இயற்கை வளம் மற்றும் சுரங்கத்துறை அமைச்சர் எஸ்.ரகுபதி வழங்கினார். நிகழ்ச்சியில் முன்னாள் சட்டமன்ற உறுப்பினர் உதயம் சண்முகம், ஒன்றிய கழக செயலாளர்கள் பொன்.கணேசன்,
வே.பொன்துரை, சக்தி இராமசாமி, அறந்தாங்கி நகர கழக செயலாளர் க.இராஜேந்திரன், அறந்தாங்கி நகர்மன்ற தலைவர் ஆனந்த், பொதுக்குழு உறுப்பினர்கள் என்.வீரையா, மாவட்ட இளைஞரணி அமைப்பாளர் த.மணிராஜன், மாவட்ட அணி அமைப்பாளர்கள் சக்திவேல், ஹரி.விமலாதிராஜன், பாத்திமா பீவி, நா.நசுருதீன், அணி துணை அமைப்பாளர்கள்
௭ஸ்.பாஸ்கரன், முருகையா, அறந பி.செந்தில்வேலன் மற்றும் நகர வர்த்தகர் அணி அமைப்பாளர்கள், துணை அமைப்பாளர்கள் மற்றும் ஒன்றிய, நகர கழக நிர்வாகிகள் பலர் கலந்து கொண்டனர்.